​បើតាមសេចក្ដីប្រកាសព័ត៌មានដែលផ្សាយដោយក្រសួងការបរទេស នៅថ្ងៃទី១៣តុលានេះ ភាគីទាំងពីរ បានជជែកពីទំនាក់ទំនងសេដ្ឋកិច្ច និងពាណិជ្ជកម្ម ហើយប្តេជ្ញាចិត្ត​ក្នុងការ​ស្វែង​រកលទ្ធភាពបន្ថែមទៀត ដើម្បីបង្កើនសកម្មភាព ពាណិជ្ជកម្ម និងធុរកិច្ច។ ហេតុនេះ ដើម្បីសម្រេចបាននូវគោលដៅពាណិជ្ជកម្ម ​ទំហំ ១ ០០០លានដុល្លារ។ ក្រៅពីនេះ ភាគី​ទាំងពី បានផ្លាស់ប្ដូរទស្សនៈគ្នា ពីវប្បធម៌ អប់រំ ទេសចរណ៍ អាហារូបករណ៍ និងការបណ្ដុះ​បណ្ដាលដល់មន្ត្រីការទូត និងនិស្សិតជាដើម។ 

 

សូមជម្រាបថា តួកគី មានការិយាល័យទីប្រឹក្សាទទួលបន្ទុកកិច្ចការពាណិជ្ជកម្មនៅកម្ពុជា។ ការិយាល័យនេះ គឺដើម្បីសម្របសម្រួលឱ្យកាន់តែល្អប្រសើរនូវកិច្ចខិតខំ​ប្រឹង​ប្រែង ក្នុងការ ជំរុញពាណិជ្ជកម្ម និងការវិនិយោគទ្វេភាគី។ ​នៅឆ្នាំក្រោយ កម្ពុជា និងតួកគី នឹងប្រារព្ធខួប​អនុស្សាវរីយ៍​លើកទី៦៥ នៃទំនាក់ទំនងការទូត៕​