៩ក្រុមដែលបានឆ្លងផុតវគ្គជម្រុះជុំទី១ តំបន់អាស៊ី រួមមាន អាហ្វហ្គានីស្ថាន មីយ៉ាន់ម៉ា សិង្ហបុរី ឆាយន្នីសតាយប៉ិ ហុងកុង ឥណ្ឌូណេស៊ី ប៉ាគីស្ថាន នេប៉ាល់ និងបង់ក្លាដែស។ ក្រុមទាំង៩នេះ ត្រូវចូលទៅក្នុងពូលទាំង៩ពី A ដល់ I រៀងខ្លួន ដើម្បីប្រកួតសន្សំពិន្ទុ នៃវគ្គជម្រុះជុំទី២តំបន់អាស៊ី។
 

ដោយឡែក ១០ក្រុមដែលធ្លាក់វគ្គជម្រុះជុំទី១នៃពានរង្វន់កីឡាបាល់ទាត់ពិភពលោកឆ្នាំ២០២៦ ត្រូវបន្តលេងនៅ play-off AFC Asian Cup ឆ្នាំ២០២៧ បន្តទៀត។ យ៉ាងណាក៏ដោយ ក្នុងចំណោម១០ក្រុមនេះ មានតែប៊ូតង់ប៉ុណ្ណោះទទួលបានកៅអី Asian Cup​ ជុំទី៣ ដោយមិនបាច់លេងវគ្គ play-off Asian Cup ដោយសារជាក្រុមធ្លាក់ល្អជាងគេ តាមរយៈការយកឈ្នះហុងកុងនៅជើងទី២ ក្នុងលទ្ធផល ២-០ ខណៈជើងទី១ ហុងកុង ឈ្នះប៊ូតង់ ៤-០។
 

៩ក្រុមដែលត្រូវបន្តលេងវគ្គ play-off Asian Cup ជាមួយកោះម៉ារីយ៉ានណា រួមមាន ម៉ាល់ឌីវ ឡាវ កម្ពុជា ស្រីលង្កា ម៉ាកាវ កោះហ្គាំ ម៉ុងហ្គោលី ទីម័រខាងកើត និងព្រុយណេ។​ ការប្រកួតវគ្គ play-off Asian Cup ឆ្នាំ២០២៧ នឹងត្រូវចាប់ពីនៅថ្ងៃទី៥ ខែកញ្ញា ឆ្នាំ២០២៤។
 

ដោយឡែកសម្រាប់ការប្រកួតជម្រុះ World Cup ជុំទី២ ដែលមានក្រុម៣៦​ ក្នុងពូលចំនួន៩ ដោយក្នុងមួយពូលមាន៤ក្រុមរួមមាន៖
 

ពូល A កាតា ឥណ្ឌា កូវ៉ែត និងហ្វាសហ្គានីស្ថាន

ពូល B ជប៉ុន ស៊ីរី កូរ៉េខាង និងមីយ៉ាន់ម៉ា

ពូល C កូរ៉េខាងត្បូង ចិន ថៃ និងសិង្ហបុរី

ពូល D អូម៉ង់ កៀហ្ស៊ីស៊ីស្ថាន ម៉ាឡេស៊ី និងឆាយន្នីសតាយប៉ិ 

ពូល E អ៊ីរ៉ង់ អ៊ូសបេគីស្ថាន តួកម៉េនីស្ថាន និងហុងកុង

ពូល F អ៊ីរ៉ាក់ វៀតណាម ហ្វីលីពីន និងឥណ្ឌូណេស៊ី 

ពូល G អារ៉ាប៊ីសាអូឌីត ហ្សកដានី តាហ្ស៊ីគីស្ថាន និងប៉ាគីស្ថាន 

ពូល H អេមីរ៉ាតអារ៉ាប់រួម បារ៉ែន យេមែន និងនេប៉ាល់

ពូល I អូស្ត្រាលី ប៉ាឡេស្ទីន លីបង់ និងបង់ក្លាដែស។
 

ការប្រកួតជុំទី២នេះ នឹងត្រូវចាប់ផ្តើមពីថ្ងៃទី១៦ ខែវិច្ឆិកា ឆ្នាំ២០២៣ តទៅ។ ២ក្រុមដែលបញ្ចប់ក្នុងចំណាត់ថ្នាក់កំពូលតារាងនៃពូលនីមួយៗ បន្តទៅវគ្គជម្រុះ World Cup ជុំទី៣ និងកៅអី AFC Asian Cup ឆ្នាំ២០២៧ ស្វ័យប្រវត្តិ ខណៈលេខ៣ និងលេខ៤ សល់កៅអី AFC Asian Cup ជុំទី៣៕