មិនត្រឹមតែជាអ្នក Review ម្ហូបអាហារ លោក Eatame បានចូលរួមផ្សព្វផ្សាយវិស័យម្ហូបអាហារខ្មែរអោយពិភពលោកបានដឹង នឹងចង់មកភ្លក់រសជាតិនៃម្ហូបអាហាររបស់ប្រជាជនខ្មែរ តាមរយៈការផលិតនៅវីដេអូ ដ៍គួរអោយទាក់ទាញរបស់លោកផងដែរ ។

 

គួរបញ្ជាក់ផងដែរថា លោក Eatame បានចាប់ផ្តើមផលិតវីដេអូលើវិស័យម្អូបអាហារតាំងពីឆ្នាំ 2016 មកម្ល៉េះ រហូតមកដល់បច្ចុប្បន្ន សន្ទុះនៃការគាំទ្រ ក៍ដូចជាប្រជាប្រិយភាពរបស់លោក មានការកើនឡើងជាលំដាប់ពីមួុយថ្ងៃទៅមួយថ្ងៃ គ្រប់វីដេអូដែលលោកបានបង្ហោះចូលក្នុងបណ្តាញសង្គម មានអ្នកចូលមើល និង ចែករំលែកជាច្រើនផងដែរ ។

 

មិនត្រឹមតែជាអ្នកផលិតវីដេអូ Eatame បានជំរុញឱ្យប្រជាពលរដ្ឋចូលរួមជាមួយសកម្មភាពដែលជួយដល់សង្គម ជាពិសេសការអប់រំ និងបរិស្ថាន។ ក្រៅពីការផ្សព្វផ្សាយអាហារ លោកក៏បានផ្សព្វផ្សាយ និងអំពាវនាវឱ្យជួយដល់មណ្ឌលកុមារកំព្រា ដោយផ្តល់ជាកម្លាំងចិត្ត និងផ្តល់គ្រឿងឧបភោគបរិភោគ បន្ទាប់ពីទទួលបានអំណោយពីសាធារណជន។ 

 

ជាមួយគ្នានេះ លោក ម៉ៅ និមល ដែលមានរហ័សនាមថា Eatame បានបង្កើតយុទ្ធនាការគាំទ្របេសកកម្មរបស់លោក Ben Davis ក្នុងការជួយសង្គ្រោះព្រៃឈើកម្ពុជា រួមទាំងសត្វព្រៃដែលងាយរងគ្រោះផងដែរ។ Eatame បានប្រមូលបានជាង ៥ម៉ឺនដុល្លារ ដើម្បីជួយសម្រួលដល់ការសាងសង់ប្រឡាយការពារភ្លើងឆេះព្រៃ។