ប្រជុំកងធម៌, ពុទ្ធប្បវត្តិ, ព្រះវិន័យ និងសាសនសុភាសិត ជាវិញ្ញាសាសម្រាប់ប្រឡងធម្មវិន័យ

ជាតិ

ប្រជុំកងធម៌, ពុទ្ធប្បវត្តិ, ព្រះវិន័យ និងសាសនសុភាសិត ជាវិញ្ញាសាសម្រាប់ប្រឡងធម្មវិន័យ

30, Oct 2023 , 9:29 pm

រូបភាព

ប្រជាជនតំបន់កាហ្សាបានសម្រុកចូលឃ្លាំងស្បៀងអង្គការសហប្រជាជាតិ ដោយសារខ្វះអាហារធ្ងន់ធ្ងរ

ដោយ: សារព័ត៌មានថ្មីៗ

រដ្ឋមន្ត្រីក្រសួងធម្មការ និងសាសនា បានចេញសារាចរណែនាំស្តីពីការប្រឡងវិញ្ញាបនបត្រធម្មវិន័យថ្នាក់ត្រី ទោ ឯក ដែលនឹងប្រព្រឹត្តទៅនាថ្ងៃអាទិត្យ ទី១៤ ខែមករា ឆ្នាំ២០២៤។ ការប្រឡងធ្វើឡើងនៅទូទាំង២៥រាជធានី-ខេត្តលើវិញ្ញាសាចំនួន៤ គឺប្រជុំកងធម៌, ពុទ្ធប្បវត្តិ, ព្រះវិន័យ និងសាសនសុភាសិត។

«ត្រូវបើកឱកាសឱ្យបានទូលំទូលយដល់បេក្ខសមណៈ បេក្ខជន ដូនជី តាជី មកពីគ្រប់មជ្ឈដ្ឋាន បានដាក់ពាក្យប្រឡងតាមការកំណត់»។ នេះជាការណែនាំរបស់លោករដ្ឋមន្ត្រី ចាយ បូរិន ទៅកាន់បណ្តាប្រធានមន្ទីរធម្មការ តាមរយៈលិខិតចុះកាលពីថ្ងៃទី៥ ខែតុលា។

សិទ្ធិប្រឡង គឺត្រូវគោរពតាមលំដាប់លំដោយនៃថ្នាក់នីមួយៗ ដោយបេក្ខសាមណៈ បេក្ខជន អាចសុំប្រឡងថ្នាក់ទោបាន លុះត្រាតែមានវិញ្ញាបនបត្រថ្នាក់ត្រី ប្រឡងថ្នាក់ឯកបាន លុះត្រាតែមានវិញ្ញាបនបត្រថ្នាក់ទោ។ ក្នុងករណីមិនមានវិញ្ញាបនបត្រពិត បេក្ខសមណៈ បេក្ខជន អាចភ្ជាប់គោលបញ្ជីដែលជាលទ្ធផលប្រឡងជាប់ស្ថាពរ។

តាមសារាចរណែនាំ វិញ្ញាសាដែលត្រូវប្រឡងមាន ប្រជុំកងធម៌, ពុទ្ធប្បវត្តិ, ព្រះវិន័យ និងសាសនសុភាសិត ដោយវិញ្ញាសានីមួយៗ មានថិរវេលាដែលត្រូវប្រឡង២ម៉ោង។

លិខិតរដ្ឋមន្ត្រីធម្មការ បញ្ជាក់យ៉ាងច្បាស់ថា៖ «វិញ្ញាសានីមួយៗ នឹងត្រូវបានពិន្ទុសូន្យ ចំពោះបេក្ខសមណៈ បេក្ខជនអវត្តមាន ឬមិនប្រគល់កិច្ចការដល់គណៈមេប្រយោគ។ ដោយឡែក បេក្ខសមណៈ បេក្ខជនដែលប្រឡង បានពិន្ទុសរុបក្រោម២០ពិន្ទុចុះមក ចាត់ទុកប្រឡងធ្លាក់»៕