ក្រៅពីនេះ «ឈរ» មានន័យថា នៅទ្រឹងមិនឡើងមិនចុះ, មិនគ្រាន់បើមិនរឹតឡើង (ជំងឺ) :  ជំងឺឈរឱ្យមើលយូរណាស់ មិនគិតរកគ្រូមើលគ្នា។  «ឈរ» ជា​អក្សរដែលមានតួរាងត្រង់ :  អក្សរឈរ។  

 

វចនានុក្រម​ខ្មែរ​២០២២​របស់ក្រុម​ប្រឹក្សាជាតិភាសាខ្មែរ នៃរាជបណ្ឌិត្យ​សភាកម្ពុជា លើកយកពាក្យ «ឈរជើង» និង «ឈរឈ្មោះ» មកពន្យល់​បន្ថែមទៀត។ «ឈរជើង» គឺ​បោះទីតាំង ស្ថិតនៅ ឬគ្រប់គ្រងតំបន់ណាមួយ :  ធនាគារនេះនៅតែឈរជើងយ៉ាងរឹងមាំនៅលើទីផ្សារ។  «ឈរឈ្មោះ» មានន័យថា ដាក់ឈ្មោះជាបេក្ខជនឱ្យគេជ្រើសរើស :  គាត់ឈរឈ្មោះជាតំណាងរាស្ត្រ៕