ការរួមបញ្ចូលគ្នានៃសីតុណ្ហភាពទាប ខ្យល់បក់ និងការដុត បំផ្លាញកាកសំណល់ដំណាំក្នុងរដ្ឋជិតខាង បានបណ្តាលឱ្យមានការបំពុលបរិយាកាសកើន ឡើង។ ប្រជាជន២០លាននាក់នៅរដ្ឋធានីញូវដែលី បានត្អូញត្អែរពីបញ្ហារលាកភ្នែក និងរមាស់ បំពង់ក ដោយសារខ្យល់ប្រែទៅជាពណ៌ប្រផេះក្រាស់ ហើយកម្រិត AQI រំកិលដល់៤៨០ នៅក្នុងស្ថានីយត្រួតគុណភាពខ្យល់ពិនិត្យមួយចំនួន។

 

AQI ពី ចន្លោះ ០ ដល់ ៥០ ត្រូវបានចាត់ទុកថាល្អ ខណៈពេលឈានដល់ចន្លោះពី ៤០០ ទៅ ៥០០ នោះ នឹងប៉ះពាល់ដល់មនុស្សទូទៅ និងកាន់តែគ្រោះថ្នាក់ដល់អ្នកដែលមានជំងឺស្រាប់។ ប្រជាពលរដ្ឋបានចាប់ផ្ដើមប្រើប្រាស់ម៉ាស៊ីនបន្សុទ្ធខ្យល់រហូតដល់ខ្វះការផ្គត់ផ្គង់ថែមទៀត។

 

«កម្រិតនៃការបំពុលនេះនឹងបន្តសម្រាប់រយៈពេល២ទៅ៣សប្តាហ៍បន្ទាប់ដោយសារសកម្មភាពដូចជាការដុតកាកសំណល់កសិកម្ម ល្បឿនខ្យល់យឺត និងសីតុណ្ហភាពត្រជាក់»។ ប្រធានគណៈកម្មាធិការគ្រប់គ្រងការបំពុលទីក្រុងញូវដែលី លោក Ashwani Kumar និយាយបែបនេះ។

 

ជាធម្មតា កសិករនៅក្នុងរដ្ឋភាគខាងជើងមាន Punjab, Haryana និង Uttar Pradesh តែងដុតកាក សំណល់ដំណាំបន្ទាប់ពីការប្រមូលផលក្នុងខែតុលា ដើម្បីសម្អាតចម្ការរបស់ពួកគេ មុនពេលការសាបព្រួសដំណាំរដូវរងាពីរបីសប្តាហ៍បន្ទាប់ទៀត។ ដោយសារអ័ព្ទក្រាស់គ្មានសុវត្ថិភព សាលាបឋមសិក្សាក្នុងរដ្ឋធានីញូវដែលីត្រូវបានបញ្ជាឱ្យបិទនៅថ្ងៃទី៣ និងទី៤ ខែវិច្ឆិកា ឯសាលានៅតំបន់ជាយក្រុងនៅតែបន្តបើក ប៉ុន្តែកុមារត្រូវបានតម្រូវឱ្យយកពាក់ម៉ាស់ដែលនៅពេលឡើងឡានក្រុងផងដែរ។

 

ទីក្រុងញូវដែលីបានជាប់ចំណាត់ថ្នាក់លេខមួយក្នុងតារាងពេលវេលាជាក់ស្តែងនៅថ្ងៃទី៣ ខែវិច្ឆិកាជាទីក្រុងដែលបំពុលខ្លាំងបំផុតរបស់ពិភពលោកដែលចងក្រងដោយក្រុមហ៊ុនតាមដានគុណភាពខ្យល់ IQAir៕