ធ្វើការនៅប្រទេសជប៉ុនជាង៣ឆ្នាំ លោក សឿង គីណាល់ តែងសិក្សារសជាតិកាហ្វេ ដោយការដើរភ្លក់កាហ្វេតាមតំបន់ក្នុងប្រទេសជប៉ុន និងរៀនឆុងកាហ្វេតាមយូធូប។ ជាជនជាតិខ្មែរ តែលោក គីណាល់ មានរសនិយមបែបបុរាណតាមវប្បធម៌ជប៉ុន ដោយសារស្រឡាញ់ ការរស់នៅ អនាម័យ ការងារជាដើម។ បើតាមលោក គីណាល់ តៀមកាហ្វេនេះ បើកបានជិតមួយឆ្នាំហើយ ចំណែកអតិថិជន ក៏គាំទ្រច្រើន សម្រាប់ថ្ងៃចុងសប្តាហ៍វិញលក់មិនទាន់ក៏មាន។ ថ្ងៃខ្លះលក់កាហ្វេបាន ១០គីឡូកាហ្វេក៏មាន ហើយ ប្រភេទកាហ្វេភាគច្រើន បាននាំចូលពីប៉ែកអឺរ៉ុប និងអាស៊ី ដូចជា កាឡំប៊ី ប្រេស៊ីល ឡាវ ថៃ ជាដើម។