សម័យនេះពិបាករកឈើធ្វើទូក ង ដោយត្រូវទៅរកក្នុងព្រៃជ្រៅៗ

ជាតិ

បុណ្យអុំទូក

សម័យនេះពិបាករកឈើធ្វើទូក ង ដោយត្រូវទៅរកក្នុងព្រៃជ្រៅៗ

28, Nov 2023 , 9:59 am

រូបភាព

ដោយ: ប៉ូ សាគុន

ភ្នំពេញ៖ លោក ជាង វុទ្ធី ដែលជាជាតិធ្វើទូក ង ថាបច្ចុប្បន្ននេះ ពិបាកទៅរកឈើ យកមកធ្វើទូក ង ដ្បិតអីអ្នកកាប់ត្រូវទៅរកក្នុងព្រៃជ្រៅៗ។ ទាំងការធ្វើដំណើរចូលព្រៃ ទាំងការស្វែងរកឈើ និងទាំងការដឹកឈើចេញពីព្រៃ សុទ្ធតែមានផលលំបាក។

ដើម្បីអាចទៅកាប់ឈើនៅក្នុងព្រៃបាន វត្តត្រូវសុំច្បាប់ពីរដ្ឋច្រើនដំណាក់កាល។ ក្រោយទទួលបានច្បាប់ វត្តបានឱ្យច្បាប់នោះទៅអ្នកកាប់ឈើ ដើម្បីទៅដើរស្វែងរកឈើក្នុងព្រៃជ្រៅ។ យ៉ាងហោចណាស់ អ្នកកាប់ឈើត្រូវការពេលប្រមាណ២០ថ្ងៃ ក្នុងការស្វែងរកឈើក្នុងព្រៃ នឹងដឹកវាចេញពីព្រៃ ប្រសិនមិនមានឧបសគ្គច្រើន។

លោក ជាង វុទ្ធី គឺជាជាងធ្វើទូកង បានប្រាប់សារព័ត៌មានថ្មីៗថា ដ្បិតតែការទៅកាប់ឈើ យកមកធ្វើទូកង មានច្បាប់អនុញ្ញាតក្ដី ប៉ុន្តែលោកមិនដែលដឹកឈើទាំងមូលចេញពីព្រៃ ឆ្ពោះទៅក្នុងវត្តសាមីឡើយ។ លោកថាគ្រប់ពេល លោកត្រូវបំប្លែងឈើ ឱ្យចេញជារូបរាងទូកនៅតំបន់ ជិតៗព្រៃទាំងនោះ ឱ្យរួចស្រេចទើបដឹកវាចេញ។ ជាងទូករូបនេះថា ការដឹកឈើទាំងមូលនៅតាមផ្លូវ មានផលលំបាក និងផលរំខានច្រើន ប៉ុន្តែបើដឹកទូកវិញ មានភាពងាយស្រួលច្រើន។

ដើម្បីជ្រាបច្បាស់ សូមលោក លោកស្រី អញ្ជើញស្ដាប់បទសម្ភាសបន្ថែម រវាងកញ្ញា ប៉ូ សាគុន ជាមួយលោក ជាង វុទ្ធី ជាជាងធ្វើទូកង៖