ចំណាត់ការថ្មីក្នុងការពន្យារពេលសងបំណុលសម្រាប់ពលរដ្ឋថៃ ជាផ្នែកមួយនៃផែនការក្នុង ការជួយសម្រួលដល់ប្រជាជន ១០,៣លាននាក់ដែលកំពុងជួបការលំបាកក្នុងការទូទាត់បំណុល ឬការប្រាក់ ដែលបំណុលគ្រួសារមានរហូតដល់ ៩០,៧ ភាគរយនៃផលិតផលក្នុងស្រុកសរុបនៅចុងត្រីមាសទីពីរ។ ការណ៍នេះក៏បានធ្វើឱ្យសេដ្ឋកិច្ចនៃប្រទេសសេដ្ឋកិច្ចធំទីពីរ នៅតំបន់អាស៊ីអាគ្នេយ៍មួយនេះ ធ្លាក់ចុះផងដែរ។

 

ទន្ទឹមនេះ នាយករដ្ឋមន្ត្រីថៃ លោក សេដ្ឋា ថាវីស៊ីន ប្រាប់ទៅអ្នកសារព័ត៌មានថា រដ្ឋាភិបាល ក៏នឹងព្យាយាមរក្សាតម្លៃប្រេងម៉ាសូតឱ្យនៅត្រឹម ០,៨៦ ដុល្លារក្នុងមួយលីត្រ ហើយចំណាយលើអគ្គិសនីគឺត្រឹមតែ ០,១២ ដុល្លារ ក្នុងមួយឯកតា ដើម្បីជួយកាត់បន្ថយថ្លៃចំណាយលើថាមពល។ 

 

ការកំណត់តម្លៃខ្ពស់បំផុតរបស់ប្រេងម៉ាស៊ូតខាងលើនឹងមានរយៈពេល ៣ ខែ និងគាំទ្រដោយ វិធានការពន្ធ និងមូលនិធិជាតិប្រេង។ នេះបើតាមការបញ្ជាក់របស់រដ្ឋមន្ត្រីថាមពល លោក​ Pirapan Salirathavibhaga ដែលបន្តថា ចំពោះកម្រិតចំណាយលើអគ្គិសនីថ្មីនឹងត្រូវបានសម្រេចនៅខែ មករា ប៉ុន្តែក្រុមងាយរងគ្រោះនឹងបន្តទទួលបានអត្រាបច្ចុប្បន្នដែលមានត្រឹមតែ ០,១១ ដុល្លារ ក្នុងមួយឯកតា។

 

គួរបញ្ជាក់ថា ការឧបត្ថម្ភរបស់រដ្ឋាភិបាលបានជួយរក្សាអតិផរណានៅកម្រិតទាប ដោយ អត្រាអតិផរណានៅក្នុងខែវិច្ឆិកាគឺ -០,៤៤ ដែលជាកម្រិតទាបបំផុតក្នុងរយៈពេលជិត ៣ ឆ្នាំ៕