ជាតិ
រូបភាព នាយ យ៉ាន តាមដងផ្លូវសប្ដាហ៍ទី43
×![]()
ដោយ: នាយយ៉ាន
ភ្នំពេញ៖ ឆ្នាំ២០១៦ ខ្ញុំបាទ នាយយ៉ាន ធ្លាប់សម្ភាសអ្នកលក់ស្ករទាញម្នាក់ ដែលជិះកង់លក់តាមផ្លូវ។ ៧ឆ្នាំ ក្រោយមក ខ្ញុំសម្ភាសអ្នកលក់ស្ករទាញម្នាក់ទៀត ដែលជិះម៉ូតូវិញ។ កាលពីមុន ស្ករទាញ គឺជាអាហារ ដែលក្មេងៗចូលចិត្តបំផុតនៅជនបទ។
ឆ្នាំ២០២៣នេះ មុខរបរលក់ស្ករទាញនេះ មិនទាន់បានបាត់បង់ទេ ក៏ប៉ុន្តែមិនមានអ្នកលក់ស្ករទាញច្រើនដូចមុនដែរ។ ខ្ញុំបានជួប លោក ឡៃ រ័ត្ន ដែលធ្វើស្ករទាញ ខ្លួនឯង ជារៀងរាល់ថ្ងៃ មួយដុំ បណ្ដោយ ១ម៉ែត្រ ទទឹង ១០សង់ទីមែត្រ ទំងន់៣គីឡូក្រាម។
លោក រ័ត្ន បានប្រាប់ថា ដើម្បីធ្វើស្ករទាញ ត្រូវការស្ករស ទឹក និងសំណ្តែកដី។ លោក រ័ត្ន បញ្ជាក់ថា ៖ «ទាំងធ្វើ ទាំងលក់ ក៏ត្រូវការទាញដែរ។» អ្នកលក់ស្ករទាញរូបនេះ ធ្វើស្ករទាញនៅខេត្តកណ្ដាល ទៅលក់នៅរាជធានីភ្នំពេញ។
បើប្រៀបធៀប ការចំណេញរយៈពេល៧ឆ្នាំ មិនសូវប្រែប្រួលប៉ុន្មានទេ។ លោក រ័ត្ន រកចំណូលសរុបបានប្រហែល១០ម៉ឺនរៀល ក្នុងមួយថ្ងៃ ដែលក្នុងនោះប្រាក់ចំណេញគឺប្រហែល៥ ទៅ៦ម៉ឺនរៀល។
សូមជម្រាបថា ស្ករទាញ ប្រហែលជាត្រូវបានបង្កើតមុនគេបង្អស់ នៅប្រទេសអ៊ីរ៉ាក់ កាលពីសតវត្សរ៍ទី១០។ ទូទាំងពិភពលោក មានប្រភេទស្ករទាញផ្សេងៗពីគ្នា៕
Tag:
(ស្ករទាញ
នាយយ៉ាន)
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
