ជាតិ
អតិថិជនខ្មែរ មិនសូវទិញសូត្រខ្មែរទេ រូបភាព នាយ យ៉ាន តាមដងផ្លូវ សប្ដាហ៍ ទី42
× ភ្នំពេញ៖ ហាងហូលខ្មែរ អម្ពររាជិនី នៅរាជធានីភ្នំពេញ ផលិតសូត្រខ្លួនឯង ដើម្បីយកមកត្បាញជាហូលខ្មែរ។ តាមពិត បុគ្គលិក ដែលធ្វើសរសៃសូត្រ គឺជាសត្វ សត្វដង្កូវនាង។ អ៊ីចឹង អម្ពររាជិនី កាត់សម្លៀកបំពាក់ ដោយចាប់ផ្ដើមពីចិញ្ចឹមសត្វល្អិត។
លោកស្រី ង៉ែត សុវណ្ណថន ប្រធានហូលខ្មែរ អម្ពររាជិនី បានអះអាងថា ទីផ្សារហូលខ្មែរ ដែលផលិតចេញពីសូត្រសរីរាង្គក្នុងស្រុក មិនសូវមានការគាំទ្រនោះទេ។ អ្នកស្រី សុវណ្ណថន អាចលក់បានពី៦ ទី៨ក្បិនប៉ុណ្ណោះ ក្នុងមួយឆ្នាំ។ អ្នកស្រីក៏ទទួលបានការបញ្ជាទិញពីក្រៅប្រទេសផងដែរ។
លោកស្រី សុវណ្ណថន ចិញ្ចឹមកង្កូវនាង នៅភ្នំស្រុក ខេត្តបន្ទាយមានជ័យ។ សរសៃសូត្រឆៅចេញមកពីដង្កូវនាងមានពណ៌ទឹកមាស។ ដើម្បីធ្វើឱ្យហូល មានពណ៌ផ្សេងៗ លោកស្រីផលិតពណ៌ខ្លួនឯងពីធាតុដើមធម្មជាតិ ដូចជា ផ្លែឈើ ស្លឹកឈើ និងសំបកឈើ និងត្រូវយកខ្សែទៅត្បាញ ដោយដៃ។
ហាងហូលខ្មែរ អម្ពររាជិនី មានទីតាំងស្ថិតនៅ ផ្ទះលេខ១៤១ ផ្លូវ២០១១ សង្កាត់គោកឃ្លាង ខ័ណ្ឌសែនសុខ រាជធានីភ្នំពេញ។ មនុស្សបានចាប់ផ្ដើមធ្វើសូត្រតាំងពី ២៥០០ឆ្នាំមុនគ្រិស្តសករាជ នៅប្រទេសចិន៕
© រក្សាសិទ្ធិដោយ thmeythmey.com