គម្រោងឡូគុណ​ បានជួយទៅដល់ប្រជាជនក្នុងភូមិចំនួន៤ ក្នុងខេត្តពោធិ៍សាត់ រួមមាន ភូមិទួលម្កាក់, ភូមិព្រៃអូម៉ាល់, ភូមិតាកែវក្រោម និងភូមិបួន។ ក្នុងបេសកកម្ម រយៈពេលជាង១០ថ្ងៃ គឺចាប់ពីថ្ងៃទី៥-១៤ ខែធ្នូ គម្រោងឡូគុណ បានស្ទង់មតិសុខភាពប្រជាជន ,អប់រំសុខភាពដល់មនុស្សពេញវ័យ និងកុមារ និងការពិគ្រោះព្យាបាល និងបញ្ជូនអ្នកជំងឺទៅមន្ទីរពេទ្យ។ 
  

លើសពីនេះ ក្រុមគ្រូពេទ្យ ក៏បានចុះទៅបង្រៀនប្រជាជននៅក្នុងភូមិទាំង៤ អំពីមេរៀនទាក់ទងទៅនឹងសុខភាព មេរៀនជំងឺទឹកនោមផ្អែមនិងអាហាររូបត្ថម្ភ  ជំងឺរ៉ាំរ៉ៃ អនាម័យចំណីអាហារ និងការធ្វើចលនាពីសំណាក់គ្រូពេទ្យចលនា។

ជាមួយគ្នានេះ គម្រោងឡូគុណ ក៏បានចែកសៀវភៅជំនួយស្មារតីសម្រាប់អ្នកជំងឺទឹកនោមផ្អែមនៃសមាគមបច្ចេកវិទ្យាទឹកនោមផ្អែមនិងក្រពេញកម្ពុជា CADET  ទៅដល់ពលរដ្ឋទាំង៤ភូមិផងដែរ។ សៀវភៅនេះ នឹងជាជំនួយបន្ថែមសម្រាប់អ្នកភូមិក្នុងការយល់ដឹងពីជំងឺទឹកនោមផ្អែម ដើម្បីទប់ស្កាត់ និងព្យាបាលលើជំងឺទឹកនោមផ្អែមកាន់តែមានប្រសិទ្ធភាពមួយកម្រិតទៀត៕