អ្នកស្រី ឆុន ស្រស់ ៖ ភាពក្រ មិនអាចរារាំងការសិក្សាបានឡើយ

ជាតិ

អ្នកស្រី ឆុន ស្រស់ ៖ ភាពក្រ មិនអាចរារាំងការសិក្សាបានឡើយ

13, Jan 2024 , 6:09 pm

រូបភាព

ដោយ: អ៊ុត រស្មី (Uth Raksmey)

ភ្នំពេញ៖ អ្នកស្រី ឆុន ស្រស់ នាយិកាអង្គការ BSDA បានលើកទឹកចិត្តឱ្យកុមារ និងយុវជន ត្រូវរៀនសូត្រ ដើម្បីជាធនធានដ៏ល្អសម្រាប់គ្រួសារ និងសង្គម។ អ្នកស្រី ស្រស់ យល់ថា ភាគីពាក់ព័ន្ធ ជាតួអង្គយ៉ាងសំខាន់ក្នុងការជំរុញកុមារ និងយុវជនឱ្យទទួលបានការរៀនសូត្រពេញលេញទោះបីស្ថិតក្នុងស្ថានភាពក្រលំបាកក៏ដោយ។ អ្នកស្រី ឆុន ស្រស់ លើកឡើងដូច្នេះ៖ «ខ្ញុំសូមសំណូមពរដល់អាព្យាបាលអ្វីដែលគាត់ត្រូវធ្វើ គឺជំរុញលើកទឹកចិត្ត ហើយយុវជនកុំគិតថាខ្លួនឯងក្រមិនអាចទៅរៀនបាន។ ភាពក្រមិនមែនមានន័យថាយើងមិនអាចទៅរៀនទេ ព្រោះឥលូវនេះ គឺមានអ្នកពាក់ព័ន្ធស្ថាប័ន អង្គការ អាជ្ញាធរ បានផ្ដល់អាហារូបករណ៍ជាច្រើន ដែលជាកត្តាមួយជួយឱ្យពួកគាត់ទៅរៀនបាន។