ជាតិ
វីដេអូ
ហាងកាហ្វេ TEMPLE ចាន ឆ្នាំង ថូ ក្អម និងផ្តិលបុរាណជាង២០គ្រឿង
× ភ្នំពេញ៖ ដើម្បីបង្កើនសោភណភាពក្នុងហាងរបស់ខ្លួន និងរួមចំណែកបង្ហាញវត្ថុប្រើប្រាស់ ពីសម័យបុរាណដល់សាធារណជន ហាងកាហ្វេ TEMPLE ដែលស្ថិតក្នុងខណ្ឌបឹងកេងកង រាជធានីភ្នំពេញ បានយកភាជនៈបុរាណ២១គ្រឿង ដាក់តាំងលម្អ។ ភាជនៈបុរាណទាំង នោះ មានដូចជាចាន ឆ្នាំង ថូ ក្អម និងផ្តិល ដែលត្រូវបានផលិតប្រហែល ១០០ឆ្នាំមុន ប៉ុន្តែមានប្រភព និងអាយុកាលផ្សេងៗពីគ្នា។
ដើម្បីជ្រាបច្បាស់សូមអញ្ជើញលោកអ្នកនាងទស្សនាវីដេអូខាងក្រោមនេះ៖
នៅកម្ពុជា ភាជនៈបុរាណ នៅមានសេសសល់ច្រើន ដោយខ្លះជាកម្មសិទ្ធិរបស់ឯកជន ហើយមួយចំនួនទៀតដែលបុរាណជាងគេ ជាកម្មសិទ្ធិសារមន្ទីរជាតិ ឬសារមន្ទីរខេត្ត។ នៅតាមសារមន្ទីរធំ គេពុំសូវដាក់តាំងភាជនៈនោះទេ គេតាំងតែភាជនៈដែលបុរាណបំផុត ឬដែលនៅតែស្អាត ឬដែលប្លែកខុសគេ ឬដែលមានប្រយោជន៍ក្នុងការបង្ហាញអំពីរបៀបរស់នៅរបស់ប្រជាជនសម័យមុន។ តាមរយៈវត្ថុប្រើប្រាស់បុរាណទាំងអស់ ជួយឱ្យអ្នកវិទ្យាសាស្ត្រ យល់កាន់តែច្បាស់អំពីការវិវឌ្ឍនៃសង្គម។ ភាជនៈសម័យមុនធ្វើអំពីដីឥដ្ឋចំអិន។ សម័យឥឡូវនេះ នៅតែផលិតភាជនៈធ្វើអំពីដីឥដ្ឋ ក៏ប៉ុន្តែភាគច្រើនធ្វើអំពីសេរ៉ាមិច ជ័រ លោហធាតុ ក្រដាសកាតុង ឬប្លាស្ទិក៕
Tag:
ភាជនៈ
វត្ថុបុរាណ
ចាន
ឆ្នាំង
ថូ
ក្អម
ផ្តិល
© រក្សាសិទ្ធិដោយ thmeythmey.com