លោក ច្រាប់ ឆអយ ជនជាតិដើមភាគតិចពូនង ហើយបទចម្រៀងដែលលោក-នាងកំពុងស្ដាប់នេះមានឈ្មោះជាភាសាខ្មែរថា «អនុស្សាវរីយ៍ក្រោមពន្លឺព្រះចន្ទ» គឺជាបទពេញនិយមមួយ ដែលគេប្រគុំក្នុងកម្មវិធីជួបជុំ ឬរាំរែក តាមបែបប្រពៃណីជនជាតិពូនង ជាដើម។

 

គងរ៉េង ឬហៅចាប៉ីឃ្លោក ជាឧបករណ៍ភ្លេងបុរាណរបស់បងប្អូនជនជាតិដើមភាគតិចពូនង។ ឧបករណ៍នេះផលិតចេញពីឫស្សី និងឃ្លោក ហើយមានខ្សែ៦ ប៉ុន្តែចំពោះ លោក ច្រាប់ ឆអយ បានច្នៃខ្សែរហូតដល់១៣ ដើម្បីទទួលសូរសំឡេងកាន់តែច្រើនតាមអ្វីដែលលោកចង់បាន។