សម្ដេច ហ៊ុន សែន បានជួបលោក អួន សារ៉ាត់ ដែលជាអ្នកផ្សព្វផ្សាយពីកូននេនសីហា នៅព្រឹកថ្ងៃទី២៨ មករានេះ។ ជំនួបនេះ ទំនងជាលើកពីបញ្ហាទីសំណាក់របស់កូននេន សីហា នៅវត្តព្រៃថ្មី ទើបបានជាសម្ដេច ហ៊ុន សែន ប្រកាសជួយកសាងកុដសម្រាប់ព្រះសង្ឃគង់នៅ ជាពិសេសទិញដីបន្ថែម ដើម្បីពង្រីកនិងកសាងវត្ត។

 

«ខ្ញុំនឹងចាត់ឱ្យតំណាងរបស់ខ្ញុំទៅជួបព្រះចៅអធិការវត្ត និងកូននេនសីហា ដោយរួមដំណើរជាមួយ អួន សារ៉ាត់ ដើម្បីពិភាក្សាដោះស្រាយជាក់ស្តែង។ សូមអរគុណកូនអួន សារ៉ាត់ដែលបានជួយផ្សព្វផ្សាយពីកូននេន សីហានិងសូមអរគុណសប្បុរសជន ដែលបានជួយដល់កូននេនសីហា ដើម្បីកសាងព្រះវិហារ និងសូមអំពាវនាវសូមបន្តជួយរហូតរួចរាល់នូវព្រះវិហារនេះ»។ នេះជាសាររបស់សម្ដេច ហ៊ុន សែន ដែលទទួលខុសត្រូវលើការទិញដីពង្រីកវត្ត និងកសាងកុដសម្រាប់ព្រះសង្ឃគង់នៅ។