ថ្លែងក្នុងពិធីបិទសន្និបាតបូកសរុបការងារ ឆ្នាំ២០២៣ និងលើកទិសដៅការងារបន្ត ឆ្នាំ២០២៤ របស់ក្រសួងការងារ និងបណ្តុះបណ្តាលវិជ្ជាជីវៈ” សម្ដេច ហ៊ុន ម៉ាណែត បានបន្ថែមថា ការដំឡើងកម្រិតទំនាក់ទំនងនេះ ជាការបើកច្រក និងផ្ដល់ឱកាសសម្រាប់ប្រជាពលរដ្ឋប្រទេសទាំងពីរ ជាពិសេសអ្នកវិនិយោគ ធុរកិច្ច លើវិស័យឯកជន វិស័យអប់រំ វប្បធម៌ កសិកម្មជាដើម។
 

«បើនិយាយក្នុងភាសាការទូតរវាងប្រទេសយើងទាំងពីរ នេះគឺជាចំណុចខ្ពស់បំផុតក្នុងប្រវត្តិសាស្ត្រការទូតរបស់យើង នៃប្រទេសទាំងពីរ»។ នេះជាការបញ្ជាក់របស់សម្ដេច ហ៊ុន ម៉ាណែត។
 

ដំណើរទស្សនកិច្ចផ្លូវការរបស់សម្ដេច ហ៊ុន ម៉ាណែត ពេលនេះ ដើម្បីពង្រឹងទំនាក់ទំនងកម្ពុជា-ថៃ ឱ្យកាន់តែរីកចម្រើន។ ក្នុងជំនួបទ្វេភាគីនេះ ប្រមុខរដ្ឋាភិបាល ប្រទេសទាំងពីរ បានវាយតម្លៃខ្ពស់លើលទ្ធផលនៃកិច្ចសហប្រតិបត្តិការទ្វេភាគីកន្លងមក។

 

នាយករដ្ឋមន្ត្រីទាំងពីរ ក៏បានផ្លាស់ប្ដូរយោបល់លើការពង្រីកកិច្ចសហប្រតិបត្តិការលើវិស័យជាច្រើន រួមមាន៖ វិស័យនយោបាយ សេដ្ឋកិច្ច ការពារជាតិ សន្ដិសុខ ពាណិជ្ជកម្ម វិនិយោគ ទេសចរណ៍ ការងារ និងវិស័យថាមពល។ 

 

គួរបញ្ជាក់ថា រដ្ឋាភិបាលកម្ពុជា និងថៃ បានបង្កើត “ការពង្រឹងភាពជាដៃគូដើម្បីសន្ដិភាព និងវិបុលភាព” កាលពីឆ្នាំ២០១៧។