ជាតិ
វីដេអូ
នៅកំពង់ស្ពឺ អ្នកចេះឡើងត្នោតច្បាស់លាស់ក៏អាចមានជីវភាពធូរធារ
× កំពង់ស្ពឺ៖ លោក ម៉ាង ថន គឺជាអ្នកផលិតស្ករត្នោតនៅសហគមន៍អ្នកផលិតស្ករត្នោតនៅស្រុកឧដុង្គ ខេត្តកំពង់ស្ពឺ ឱ្យក្រុមហ៊ុនខនហ្វីរេល Confirel។ ឡើងត្នោតជាង៤០ឆ្នាំ កសិករម៉ាង ថន ថារបរដូនតានេះ ហាក់ថយចុះមិនទទួលបានការចាប់អារម្មណ៍ពីយុវជនជំនាន់ក្រោយឡើយ។ លោក ម៉ាង ថន អះអាងថា ដ្បិតតែចំនួនអ្នកឡើងត្នោតក្នុងសហគមន៍ថយចុះ ប៉ុន្តែរបរនេះ កំពុងត្រូវប៉ាន់ទៅវិញ ក៏ព្រោះតែស្ករកំពង់ស្ពឺ ដែលជាផលិតសម្គាល់ភូមិសាស្រ្ត (GI) លក់បានថ្លៃ និងរកចំណូលបានច្រើនជាងពីមុន។
ដើម្បីជ្រាបច្បាស់សូមលោកអ្នកទស្សនាវីដេអូខាងក្រោម៖
បើតាមកសិករនៅខេត្តកំពង់ស្ពឺរូបនេះ សព្វថ្ងៃរបរឡើងត្នោត អាចរកចំណូលបានច្រើនជាងការងារប្រើកម្លាំងមួយចំនួន។ លើសពីនេះការផលិតស្ករត្នោត ក៏មិនសូវប្រើកម្លាំងហត់ដូចពីមុននោះដែរ។ លោក ម៉ាង ថន បានអះអាងដូច្នេះ៖ «ពីដើមមក គេហៅអ្នកឡើងត្នោត ថាអ្នកអត់មានតម្រិះរកស៊ីអ្វី តែឥឡូវគេថា បើចេះឡើងត្នោត គេហៅអ្នកមានវិញ»។
បើតាមកសិករវ័យ ៥៨ឆ្នាំរូបនេះ ទោះបីស្ករត្នោតកំពង់ស្ពឺ ហាក់មានទីផ្សារលក់បានតម្លៃខ្ពស់ជាងមុន តែយុវជនជំនាន់ក្រោយមិនសូវចាប់អារម្មណ៍របរដូនតានេះឡើយ ក៏ព្រោះតែពួកគេមានជម្រើសការងារច្រើនទាំងការងារប្រើកម្លាំង និងចំណេះ៕
© រក្សាសិទ្ធិដោយ thmeythmey.com