នាព្រឹកព្រហាម ដាវី លក់កាហ្វេចល័តតាមដងព្រែកកំពត។ នាពេលសូរិយាអស្ដង្គត ដាវី មិនទាន់ចូលសម្រាកនោះឡើយ ដោយបន្ថែមរបរលក់ស្រាក្រឡុក វិញម្ដង។ ការបង្កើតមុខរបរថ្មីនេះ កើតចេញពីការស្រលាញ់ជំនាញឆុងកាហ្វេ និងចង់រកចំណូលបន្ថែមជួយគ្រួសារដែលមានកូនម្នាក់ក្នុងបន្ទុក។ 

 

«ការលក់កាហ្វេចល័ត មានភាពងាយស្រួល ព្រោះអាចចល័តទៅកន្លែងមានមនុស្សច្រើន។ ជនបរទេស និងខ្មែរ គាំទ្រកាហ្វេចល័តនេះច្រើន។» អ្នកស្រី ដាវី រៀបរាប់ដល់លោក ឈុំ ចន្ថា អ្នកសារព័ត៌មានថ្មីៗ ដូច្នេះ ដែលថតដោយ កញ្ញា ហេង ស្រីលីន។

 

ខេត្តកំពតសម្បូរហាងកាហ្វេ ប៉ុន្តែកាហ្វេចល័តរបស់អ្នកស្រី ដាវី ទទួលបានការគាំទ្រច្រើនពីអតិថិជនក្នុងតំបន់ និងភ្ញៀវទេសចរជាតិ-អន្តរជាតិយ៉ាងច្រើនផងដែរ ដោយក្នុង១ថ្ងៃនាងអាចលក់បានកាហ្វេ និងភេសជ្ជៈ បានប្រមាណ៥០ទៅជាង១០០កែវ។ ចំណុចទាក់ទាញរបស់កាហ្វេនេះ គឺម៉ូតូ។ ទេសភាពមាត់ព្រែកឯណោះវិញ ក៏ធ្វើឱ្យអតិថិជន ទទួលបានអាម្មណ៍ល្អ និងប្លែកពីការអង្គុយផឹកកាហ្វេក្នុងហាង៕