ដើម្បីឱ្យកុមារជើងភ្នំគូលែន មានអគារសិក្សាបន្ថែម កុមារស្វីសរាប់រយនាក់ប្រគំតន្រ្តីរៃអង្គាសថវិកា

ជាតិ

ដើម្បីឱ្យកុមារជើងភ្នំគូលែន មានអគារសិក្សាបន្ថែម កុមារស្វីសរាប់រយនាក់ប្រគំតន្រ្តីរៃអង្គាសថវិកា

25, Feb 2024 , 8:19 pm

រូបភាព

អគារសិក្សាមួយខ្នង នៅអនុវិទ្យាល័យតាពេន ដែលទើបបើកសម្ពោធ ស្ថិតក្នុងស្រុកបន្ទាយស្រី ខេត្តសៀមរាប។

ដោយ: ស៊ុល រ៉វី

សៀមរាប៖ សាលាមួយខ្នងមាន៣បន្ទប់ ត្រូវបានបើកសម្ពោធជាផ្លូវការ នៅព្រឹកថ្ងៃទី២៣កុម្ភៈ ស្ថិតក្នុងស្រុកបន្ទាយស្រី ខេត្តសៀមរាប។ អគារសិក្សាមួយខ្នង ស្ថិតក្នុងសាលាបឋមសិក្សា និងអនុវិទ្យាល័យតាពេន ជិតជើងភ្នំគូលែននេះ ត្រូវបានសាងសង់ឡើងតាមរយៈថវិការៃអង្គាសរបស់កុមារស្វីសចំនួន៤០០នាក់ ដែលបានប្រគុំតន្ត្រី នៅទីក្រុងហ្ស៊ីណែវ ប្រទេសស្វីស កាលពីថ្ងៃទី០១ ឧសភា ឆ្នាំ២០២៣ កន្លងទៅ។