យោងតាមសេចក្ដីប្រកាសកាលពីរសៀលថ្ងៃទី១១ ខែមីនា សហព័ន្ធអុកចត្រង្គកម្ពុជា បានរើសកីឡាករ ដែលមានសមត្ថភាពខ្លាំង និងមានស្នាដៃចំនួន ១២រូប មកប្រកួតដើម្បីចម្រាញយក ត្រឹមតែ៦រូប មកធ្វើជាក្រុមជម្រើសជាតិ សម្រាប់ត្រៀមប្រកួតព្រឹត្តិការណ៍អន្ដរជាតិនានា។
 

កីឡាករ ១២រូបនោះ មានដូចជា៖ 
 

១-កីឡាករ សុខ លឹមហេង ម្ចាស់មេដាយមាសស៊ីហ្គេម និងជាស្ដេចអុកអង្គរសង្ក្រាន្ដ ឆ្នាំ២០២៣

២-កីឡាករ ឈាវ បូរ៉ា ម្ចាស់មេដាយប្រាក់ស៊ីហ្គេម និងជើងឯករងស្ដេចអុកអង្គរសង្ក្រាន្ដ ឆ្នាំ២០២៣

៣-កីឡាករ យ៉ាន សុខលាង ម្ចាស់មេដាយប្រាក់ស៊ីហ្គេម

៤-កីឡាករ សំ កក្កដា ម្ចាស់មេដាយប្រាក់ស៊ីហ្គេម

៥-កីឡាករ ម៉េង សេរីសម្បត្តិ ម្ចាស់មេដាយប្រាក់ស៊ីហ្គេម

៦-កីឡាករ ប៊ិន គាសេង ម្ចាស់មេដាយប្រាក់ស៊ីហ្គេម

៧-កីឡាករ ឆយ វីរ៉ា ម្ចាស់មេដាយប្រាក់ស៊ីហ្គេម

៨-កីឡាករ ប៊ូ ប៉ុណ្ណម៉ាលីកា ម្ចាស់មេដាយប្រាក់ស៊ីហ្គេម

៩-កីឡាករ ជា ស៊ីដេត ម្ចាស់មេដាយប្រាក់ស៊ីហ្គេម 

១០-កីឡាករ នូ ច័ន្ទផានិត ម្ចាស់មេដាយសំរិទ្ធស៊ីហ្គេម

១១-កីឡាករ ហេង សៅឌី ស្ដេចអុកអង្គរសង្ក្រាន្ដឆ្នាំ២០១៧

១២-កីឡាករ សុខ ប៊ុនថន ម្ចាស់ជ័យលាភីលេខ៣ ជើងឯកថ្នាក់ជាតិឆ្នាំ២០២៣។
 

ចំពោះការប្រកួតនេះ សហព័ន្ធកីឡាអុកចត្រង្គកម្ពុជា បែងចែកជា៣ក្រុម ដោយក្នុងក្រុមនីមួយៗ មានកីឡាករចំនួន ៤រូប ហើយក្នុង១ក្រុមយក តែ២រូបប៉ុណ្ណោះ។ ការប្រកួតនេះ ធ្វើតែរយៈពេល ១ថ្ងៃ គឺចាប់ពីព្រឹកម៉ោង ៨:០០ ដល់ម៉ោង ៤:០០រសៀល ថ្ងៃទី១៣ ខែមីនា ឆ្នាំ២០២៤៕