ក្នុងរយៈពេល២៥ឆ្នាំមកនេះ ARDB បានវិវឌ្ឍន៍ពីធនាគារឯកទេស ដែលធ្វើតែប្រតិបត្តិការផ្តល់ឥណទានដុំដល់ប្រតិបត្តិករមីក្រូហិរញ្ញវត្ថុ ទៅជាធនាគារពាណិជ្ជដែលធ្វើប្រតិបត្តិការធនាគារពេញលេញរួមមាន៖ សេវាឥណទាន សេវាប្រាក់បញ្ញើ  សេវាហិរញ្ញប្បទានពាណិជ្ជកម្ម និងសេវាផ្តល់មធ្យោបាយទូទាត់។ សំពៀតឥណទានរបស់ធនាគារដែលបានចាប់ផ្តើមពី ០,៥២លានដុល្លារ នៅឆ្នាំ១៩៩៨ បានកើនឡើងដល់ ៤២៣លានដុល្លារ នៅឆ្នាំ២០២៣ ខណៈទ្រព្យសកម្ម ក៏កើនពី ២,៤៩លានដុល្លារ នៅឆ្នាំ១៩៩៨ ​ដល់ ៤៦០លានដុល្លារ នៅឆ្នាំ២០២៣។

 

ធនាគារអភិវឌ្ឍន៍ជនបទ និងកសិកម្ម នឹងពង្រីកវិសាលភាពប្រតិបត្តិការរបស់ខ្លួន ក៏ដូចជាអភិវឌ្ឍន៍ផលិតផលឥណទាន និងសេវាកម្មថ្មីៗបែបឌីជីថល ដើម្បីផ្តល់សេវាពេញលេញ រហ័ស ដល់អតិថិជន។ ធនាគារអភិវឌ្ឍន៍ជនបទ និងកសិកម្ម នឹងអនុវត្តន៍គម្រោងពិសេសរបស់រាជរដ្ឋាភិបាល និងគម្រោងអភិវឌ្ឍន៍នានា ឆ្លើយតបនឹងយុទ្ធសាស្រ្តបញ្ចកោណ ដំណាក់កាលទី១របស់រាជរដ្ឋាភិបាល​ ក្នុងការលើកស្ទួយកសិកម្ម និងការអភិវឌ្ឍជនបទ ឱ្យកាន់តែទំនើប សម្បូរបែប និងមានភាពធន់ ​សំដៅធានាសន្តិសុខស្បៀង បង្កើតម្លៃបន្ថែមខ្ពស់ ជំរុញការប្រកួតប្រជែង និងលើកកម្ពស់គុណភាពជីវភាពនៅជនបទ​។