ខ្មែរក្រហម
ជាតិ
សាលក្រមករណី នួន ជា និង ខៀវ សំផន នឹងត្រូវប្រកាសនៅថ្ងៃទី ៧ សីហាឆ្នាំនេះ
× អង្គជំនុំជម្រះវិសាមញ្ញនៅក្នុងតុលាការកម្ពុជា (អ.វ.ត.ក) ឬដែលគេស្គាល់ថាជាសាលាក្ដីខ្មែរក្រហមនោះ នឹងប្រកាសសាលក្រមទៅលើករណី លោក នួន ជា និង លោក ខៀវ សំផន ជាអតីតមេដឹកនាំជាន់ខ្ពស់ ក្នុងរបបកម្ពុជាប្រជាធិបតេយ្យ នៅថ្ងៃទី៧ ខែសីហា ឆ្នាំ ២០១៤ ខាងមុខនេះ។ នេះបើយោងតាមការលើកឡើងរបស់លោកឧបនាយករដ្ឋមន្ត្រី សុខ អាន ដែលត្រូវបានដកស្រង់សំដីដោយទីភ្នាក់ងារព័ត៌មានកម្ពុជា។
ការលើកឡើងនេះ គឺបានធ្វើឡើងនៅជំនួបរវាង លោក សុខអាន ជាមួយគណៈប្រតិភូសហភាពអឺរ៉ុប ដឹកនាំដោយ លោក Jean-Francois Cautain ដើម្បីចូលជួបពិភាក្សាការងារ អំពីនីតិវិធីនៃការបង្កើតច្បាប់នៅកម្ពុជា និងអង្គជំនុំជម្រះវិសាមញ្ញនៅក្នុងតុលាការកម្ពុជា កាលពីពេលថ្មីនេះ៕
© រក្សាសិទ្ធិដោយ thmeythmey.com