កីឡាជាតិ
ជាតិ
ភ្នំពេញក្រោន កំពុងនាំមុខបឹងកេត៥ពិន្ទុ លើតារាងលីកកម្ពុជា
× គ្រប់គ្នាផ្ដោតអារម្មណ៍រឿងបាល់ទាត់ពិភពលោក FIFA World Cup 2014 នៅប្រទេសប្រេស៊ីល ប៉ុន្ដែភ្លេចគិតថាក្រុមភ្នំពេញក្រោន កើនពិន្ទុ ឈរដាច់កំពូលតារាង ៥ ពិន្ទុ ក្នុងសប្ដាហ៍ទី ១៦ នៃពានរង្វាន់មិត្តហ្វូនខេមបូឌានលីក ២០១៤ ក្រោយយកឈ្នះក្រុមវេស្ទើន ២ ទល់ ០ ។
២ គ្រាប់របស់ភ្នំពេញក្រោន ទំលុះដៃអ្នកចាំទីវេស្ទើន រកបានដោយកីឡាករវ័យក្មេង ឡេង មករា នៅនាទីទី១៤ ចំណែកគ្រាប់ទី២ រកបានដោយខ្សែបម្រើជនជាតិកូរ៉េខាងត្បូង Kim Jeong Ho នៅនាទី ៤៧ លើទីលានស្តាតចាស់។
៥ ប្រកួតចុងក្រោយរបស់ភ្នំពេញក្រោន ត្រូវជួបជាមួយក្រុម Abirex Niigata Phnom Penh, ត្រាយអាស៊ី, អគ្គស្នងការដ្ឋាននគរបាលជាតិ, ណាហ្គាខប, ស្វាយរៀង និង ប្រកួតចុងក្រោយកាត់សេចក្ដីជាមួយក្រុមកំពុងតាមពីក្រោយចម្ការកៅស៊ូបឹងកេត។
លោកគ្រូបង្វឹកជនជាតិស្វីស Sam Schweingruber មានមហិច្ឆិតាដឹកនាំភ្នំពេញក្រោន ឱ្យលើកពានណាមួយ ស្របឆ្នាំ ២០១៣ កន្លងទៅក្រុមមួយនេះជួបព្យុះភ្លៀងខ្លាំង ដូចជាបញ្ឍប់កីឡាករមួយចំនួនចេញពីក្រុម រើសកីឡាករក្មេងគ្មានប្រសិទ្ធភាព និង មិនបានឈរកៅអី Top 4 ក្នុងលីកយ៉ាងណាក៏ដោយ។
សព្វថ្ងៃភ្នំពេញក្រោន មាន ៣៩ ពិន្ទុក្នុងដៃ ចំណែកឯបឹងកេតមាន ៣៤ ពិន្ទុ ខណៈក្រុមលេខ៣ ណាហ្គាខប មាន ៣១ ពិន្ទុ បន្ទាប់ពីឈ្នះអាស៊ីអឺរ៉ុប ៣ ទល់ ១ ម្សិលមិញ៕
លទ្ធផលសរុបប្រចាំសប្ដាហ៍នេះមាន៖
• Albirex Niigata ២ – ២ បៀលប្រាយ
• វេស្ទើន ០ – ១ ភ្នំពេញក្រោន
• ត្រាយអាស៊ី ៤ – ១ គីរីវង់សុខសែនជ័យ
• ក្រសួងការពារជាតិ ២ – ៣ អគ្គស្នងការដ្ឋាននគរបាលជាតិ
• ចម្ការកៅស៊ូបឹងកេត ១ – ២ ស្វាយរៀង
• សាកលវិទ្យាល័យអាស៊ីអឺរ៉ុប ១ – ៣ ណាហ្គាខប
តារាងចំណាត់ថ្នាក់បណ្ដោះអាសន្នសប្ដាហ៍ទី១៦ ៖
១.ភ្នំពេញក្រោន៣៩ពិន្ទុ(+៣១)
២. ចម្ការកៅស៊ូបឹងកេត៣៤ពិន្ទុ(+១៨)
៣. ណាហ្គាខប៣១ពិន្ទុ(+១៨)
៤. អគ្គស្នងការដ្ឋាននគរបាលជាតិ២៥ពិន្ទុ(+១០)
៥. ភ្នំពេញត្រាយអាស៊ី២៤ពិន្ទុ(+៨)
៦. បៀលប្រាយយូណាយធីត២២ពិន្ទុ(-៧)
៧. ស្វាយរៀង១២ពិន្ទុ(+១១)
៨. ក្រសួងការពារជាតិ១៨ពិន្ទុ(-៥)
៩. សាកលវិទ្យាល័យអាស៊ីអឺរ៉ុប១៨ពិន្ទុ(-១១)
១០.វេស្ទើនយូនីអែហ្វស៊ី១២ពិន្ទុ(-១៤)
១១.គិរីវង់សុខសែនជ័យ១០ពិន្ទុ(-២៩)
១២. Albirex Niigata Phnom Penh ៦ពិន្ទុ(-៣៦)
© រក្សាសិទ្ធិដោយ thmeythmey.com