កីឡាជាតិ
ជាតិ
ស្រីៗក៏ក្រោកមើល World Cup ទាំងយប់ដែរ ប៉ុន្តែមើលក្រុមដែលខ្លួនស្រឡាញ់ប៉ុណ្ណោះ
កញ្ញា យិន ម៉ារ៉ាឌី អ្នកគាំទ្រក្រុមជម្រើសជាតិកម្ពុជា ក្លិបភ្នំពេញក្រោន ហើយក្នុងព្រឹត្តិការណ៍ World Cup កញ្ញាគាំទ្រអង់គ្លេស និងជប៉ុន
×![]()
រដូវកាល World Cup បានចាប់ផ្តើមតាំងពីថ្ងៃសុក្រមកម្ល៉េះ ដោយព្រឹត្តិការណ៍កីឡា៤ឆ្នាំម្តងមួយនេះទាក់ទាញមនុស្សរាប់លានក្នុងពិភពលោក។ នៅកម្ពុជា ពេលវេលាប្រកួតភាគច្រើនប្រព្រឹត្តទៅនៅម៉ោង១១យប់ ម៉ោង២ ម៉ោង៣ និងម៉ោង៥ទៀបភ្លឺ ហើយអ្វីដែលគួរឲ្យកត់សម្គាល់នោះ មិនមែនមាន តែប្រុសៗទេ ដែលក្រោកមើលការផ្សាយផ្ទាល់ នារីៗមួយចំនួនក៏សុខចិត្តបញ្ឈរភ្នែកដើម្បីតាមដានក្រុមដែលខ្លួនស្រឡាញ់ផងដែរ។
ដោយសារតែស្រលាញ់ជម្រើសជាតិប្រេស៊ីល កញ្ញា លី ហ្វីនី មិនស្ទាក់ស្ទើរចំពោះការលះបង់ពេលវេលា សម្រាប់តាមដានការប្រកួតរបស់ក្រុមម្ចាស់ផ្ទះមួយនេះ និងក្រុមខ្លាំងៗផ្សេងទៀតនោះទេ។ ជាមន្ត្រីរាជការម្នាក់ ពេលខ្លះ ហ្វីនី ត្រូវចេញ ទៅធ្វើការនៅតាមបណ្តាខេត្ត ដូច្នេះនាងអាចបានត្រឹម មើលការប្រកួតគូពិសេស ឫគូដែល នាងស្រលាញ់តែប៉ុណ្ណោះ។ កញ្ញា បន្ថែមថា ៖« ខ្ញុំត្រៀមកាហ្វេ មី និងអាហារសម្រន់មួយចំនួន សម្រាប់ពេលមើលបាល់ទាត់ពេលយប់។ ខ្ញុំរំភើបនឹងព្រឹត្តិការណ៍នេះណាស់ ព្រោះវា៤ឆ្នាំមាន ម្តង»។
«នៅពេលមានការប្រកួត៣គូចឹង ខ្ញុំជ្រើសតែមួយមកមើល។ បើឲ្យមើលទាំងអស់ ប្រហែល មិនអាចធ្វើការបានទេ។ នេះជាការលើកឡើងរបស់កញ្ញា យិន ម៉ារ៉ាឌី ។ ម៉ារ៉ាឌី ដែលអះអាង ថា មើលការប្រកួតក្នុងបន្ទប់តែម្នាក់ឯងនោះរំលឹកពីពេលវេលាកាលពីយប់ថ្ងៃសុក្រ ថានាងបាន បើកទូរទស្សន៍ចោលតាំងពីម៉ោង១យប់ ដើម្បីត្រៀមទស្សនាពិធីបើកព្រឹត្តិការណ៍នេះ។
ម៉ារ៉ាឌី បន្ថែមថា៖« គ្រួសារមិនសូវចូលចិត្តឲ្យខ្ញុំ មើលបាល់ទាត់ទេ ព្រោះគាត់គិតថា ខ្ញុំជាស្រី។ ដូច្នេះ ខ្ញុំសប្បាយដេកមើលក្នុងបន្ទប់ម្នាក់ឯង។ ខ្ញុំស្រលាញ់ជម្រើសជាតិអង់គ្លេស និងគាំទ្រក្រុមជម្រើសជាតិជប៉ុនផងដែរ»។
អ្នកគាំទ្រក្រុមអាសឺណល់មួយរូប ប្រាប់ថា នាងស្រលាញ់ជម្រើសជាតិប្រេស៊ីល។ នាងបន្ថែម ថា ខ្លួនស្រលាញ់បាល់ទាត់ ដូច្នេះនាងចាំបាច់ ត្រូវលះបង់ពេលវេលា សម្រាប់មើល។ មាន មិត្តភក្តិមួយចំនួន តែងថាឲ្យនាង ប្រយ័ត្នបង់សម្រស់ ព្រោះមើលបាល់ទាល់ ប៉ុន្តែការណ៍នេះ មិនបានរារាំងនាងនោះទេ នាងត្រឹមឆ្លើយថា «មិនខ្វល់» តែប៉ុណ្ណោះ។ «ខ្ញុំមិនអាចដេកលក់ទេ ប្រសិនណា ខ្ញុំមិនបានមើលក្រុមបាល់ទាត់ដែលខ្ញុំស្រលាញ់។ ប្រេស៊ីល ឫអេស្ប៉ាញ ដែល អាចឈ្នះ ព្រឹត្តិការណ៍បាល់ទាត់ នៅឆ្នាំនេះ»។ នេះជាសំដីបន្ថែមរបស់អ្នកគាំទ្រក្លឹបបាល់ទាត់ អាសឺណល់ ដែលមិនចង់បញ្ចេញឈ្មោះ ដែលអះអាងថា គ្រួសារនាងសុទ្ធសឹងអ្នកស្រលាញ់ វិស័យកីឡា។
អ្នកស្រី ពេជ្រ សង្វា ភរិយារបស់ខ្សែប្រយុទ្ធឆ្នើមនៃក្លិបចម្ការកៅស៊ូបឹងកេត ឃួន ឡាបូរ៉ាវី ក៏មិនមើលរំលងព្រឹត្តិការណ៍កីឡាដ៏សំខាន់នេះដែរ។ ខណៈកីឡាករ បូរ៉ាវី ដែលជាស្វាមី គាំទ្រកីឡាករ Lionel Messiនិងក្រុមជម្រើសជាតិអាហ្សង់ទីន អ្នកស្រី សង្វា និយាយថា អ្នកស្រីចូលចិត្តក្រុមជម្រើសជាតិហូឡង់ និងខ្សែប្រយុទ្ធ Robin van Persie។
ដោយឡែក អ្នកស្រី ចំណាន ដែលជាអាជីវករមួយរូបនៅម្តុំស្ទឹងមានជ័យ បាននិយាយថា អ្នកស្រីតាមដាន World Cup ជាមួយស្វាមី ហើយពេលខ្លះស្វាមីបែរជាគេងលង់លក់មុន ដោយទុកឲ្យអ្នកស្រីមើលការប្រកួតតែម្នាក់ឯង៕
ដោយសារតែស្រលាញ់ជម្រើសជាតិប្រេស៊ីល កញ្ញា លី ហ្វីនី មិនស្ទាក់ស្ទើរចំពោះការលះបង់ពេលវេលា សម្រាប់តាមដានការប្រកួតរបស់ក្រុមម្ចាស់ផ្ទះមួយនេះ និងក្រុមខ្លាំងៗផ្សេងទៀតនោះទេ។ ជាមន្ត្រីរាជការម្នាក់ ពេលខ្លះ ហ្វីនី ត្រូវចេញ ទៅធ្វើការនៅតាមបណ្តាខេត្ត ដូច្នេះនាងអាចបានត្រឹម មើលការប្រកួតគូពិសេស ឫគូដែល នាងស្រលាញ់តែប៉ុណ្ណោះ។ កញ្ញា បន្ថែមថា ៖« ខ្ញុំត្រៀមកាហ្វេ មី និងអាហារសម្រន់មួយចំនួន សម្រាប់ពេលមើលបាល់ទាត់ពេលយប់។ ខ្ញុំរំភើបនឹងព្រឹត្តិការណ៍នេះណាស់ ព្រោះវា៤ឆ្នាំមាន ម្តង»។
«នៅពេលមានការប្រកួត៣គូចឹង ខ្ញុំជ្រើសតែមួយមកមើល។ បើឲ្យមើលទាំងអស់ ប្រហែល មិនអាចធ្វើការបានទេ។ នេះជាការលើកឡើងរបស់កញ្ញា យិន ម៉ារ៉ាឌី ។ ម៉ារ៉ាឌី ដែលអះអាង ថា មើលការប្រកួតក្នុងបន្ទប់តែម្នាក់ឯងនោះរំលឹកពីពេលវេលាកាលពីយប់ថ្ងៃសុក្រ ថានាងបាន បើកទូរទស្សន៍ចោលតាំងពីម៉ោង១យប់ ដើម្បីត្រៀមទស្សនាពិធីបើកព្រឹត្តិការណ៍នេះ។
ម៉ារ៉ាឌី បន្ថែមថា៖« គ្រួសារមិនសូវចូលចិត្តឲ្យខ្ញុំ មើលបាល់ទាត់ទេ ព្រោះគាត់គិតថា ខ្ញុំជាស្រី។ ដូច្នេះ ខ្ញុំសប្បាយដេកមើលក្នុងបន្ទប់ម្នាក់ឯង។ ខ្ញុំស្រលាញ់ជម្រើសជាតិអង់គ្លេស និងគាំទ្រក្រុមជម្រើសជាតិជប៉ុនផងដែរ»។
អ្នកគាំទ្រក្រុមអាសឺណល់មួយរូប ប្រាប់ថា នាងស្រលាញ់ជម្រើសជាតិប្រេស៊ីល។ នាងបន្ថែម ថា ខ្លួនស្រលាញ់បាល់ទាត់ ដូច្នេះនាងចាំបាច់ ត្រូវលះបង់ពេលវេលា សម្រាប់មើល។ មាន មិត្តភក្តិមួយចំនួន តែងថាឲ្យនាង ប្រយ័ត្នបង់សម្រស់ ព្រោះមើលបាល់ទាល់ ប៉ុន្តែការណ៍នេះ មិនបានរារាំងនាងនោះទេ នាងត្រឹមឆ្លើយថា «មិនខ្វល់» តែប៉ុណ្ណោះ។ «ខ្ញុំមិនអាចដេកលក់ទេ ប្រសិនណា ខ្ញុំមិនបានមើលក្រុមបាល់ទាត់ដែលខ្ញុំស្រលាញ់។ ប្រេស៊ីល ឫអេស្ប៉ាញ ដែល អាចឈ្នះ ព្រឹត្តិការណ៍បាល់ទាត់ នៅឆ្នាំនេះ»។ នេះជាសំដីបន្ថែមរបស់អ្នកគាំទ្រក្លឹបបាល់ទាត់ អាសឺណល់ ដែលមិនចង់បញ្ចេញឈ្មោះ ដែលអះអាងថា គ្រួសារនាងសុទ្ធសឹងអ្នកស្រលាញ់ វិស័យកីឡា។អ្នកស្រី ពេជ្រ សង្វា ភរិយារបស់ខ្សែប្រយុទ្ធឆ្នើមនៃក្លិបចម្ការកៅស៊ូបឹងកេត ឃួន ឡាបូរ៉ាវី ក៏មិនមើលរំលងព្រឹត្តិការណ៍កីឡាដ៏សំខាន់នេះដែរ។ ខណៈកីឡាករ បូរ៉ាវី ដែលជាស្វាមី គាំទ្រកីឡាករ Lionel Messiនិងក្រុមជម្រើសជាតិអាហ្សង់ទីន អ្នកស្រី សង្វា និយាយថា អ្នកស្រីចូលចិត្តក្រុមជម្រើសជាតិហូឡង់ និងខ្សែប្រយុទ្ធ Robin van Persie។
ដោយឡែក អ្នកស្រី ចំណាន ដែលជាអាជីវករមួយរូបនៅម្តុំស្ទឹងមានជ័យ បាននិយាយថា អ្នកស្រីតាមដាន World Cup ជាមួយស្វាមី ហើយពេលខ្លះស្វាមីបែរជាគេងលង់លក់មុន ដោយទុកឲ្យអ្នកស្រីមើលការប្រកួតតែម្នាក់ឯង៕
© រក្សាសិទ្ធិដោយ thmeythmey.com
