សុខភាព
អន្តរជាតិ
វ៉ាក់សាំងបង្ការជំងឺគ្រុមឈាមនឹងផលិតរួចរាល់នៅចុងឆ្នាំ ២០១៥
×![]()
ដោយ: ថ្មីៗ
វ៉ាក់សាំងបង្ការជំងឺគ្រុមឈាម អាចនឹងត្រូវគេបញ្ចប់ការផលិតនៅត្រឹមចុងឆ្នាំ ២០១៥ ខាងមុខនេះ ហើយវានឹងក្លាយជាថ្នាំបង្ការជំងឺគ្រុមឈាមជាលើកដំបូងបំផុត នៅលើពិភពលោក ព្រោះថាថ្នាំបង្ការជំងឺប្រភេទនេះ គឺមិនធ្លាប់មានជាយូរណាស់មកហើយ។
សូមស្ដាប់ លោក បាន សំអាង លម្អិតព័ត៌មាននេះ
ក្រុមហ៊ុនផលិតថ្នាំពេទ្យ Sanofi Pasteurបានសម្រេចរបកគំឃើញថ្មីមួយ នៅក្នុងការអភិវឌ្ឍថ្នាំបង្ការជំងឺគ្រុនឈាមមួយប្រភេទ ដែលអាចនឹងត្រូវគេផលិតឲ្យរួចរាល់នៅត្រឹមចុងឆ្នាំ ២០១៥ ខាងមុខនេះ។ លោកGuillaume Leroyប្រធានផ្នែកថ្នាំបង្ការជំងឺគ្រុមឈាមរបស់ក្រុមដដែលនេះ បានប្រកាសពីភាពជោគជ័យនៃការស្រាវជ្រាវផ្នែកវេជ្ជសាស្ត្រនៅក្នុងតំបន់អាស៊ី ដើម្បីសាកល្បងពីប្រសិទ្ធភាពនៃថ្នាំវ៉ាក់សាំងនេះ។
ក្រុមហ៊ុន giant Sanofi Pasteur បានឲ្យដឹងថា ខ្លួនកំពុងធ្វើការសាកល្បង ករណីជំងឺគ្រុមឈាម ទៅលើក្រុមមនុស្សចំនួន ១ ម៉ឺននាក់ នៅក្នុងប្រទេសឥណ្ឌូនេស៊ី ថៃ និងម៉ាឡេស៊ី។ លទ្ធផលនៃការសាកល្បងនេះ បានបង្ហាញថា កម្រិតនៃការឆ្លងជំងឺគ្រុមឈាមបានធ្លាក់ចុះជាងពាក់កណ្ដាល ក្នុងចំណោមអ្នកទាំងអស់នោះ ក្រោយពេលដែលពួកគេបានចាក់វ៉ាក់សាំងការពាររួចមកនោះ។
ការសាកល្បងចំពោះប្រសិទ្ធភាពនៃវ៉ាក់សាំងថ្មីនេះ ក៏នឹងត្រូវធ្វើឡើងចំពោះមនុស្សជាង ២ ម៉ឺននាក់ផ្សេងទៀត ដែលប្រឈមនឹងការឆ្លងជំងឺគ្រុនឈាមនៅក្នុងទ្វីបអាហ្វ្រិក។ លោក Leroy បានបញ្ជាក់ថា យើងកំពុងតែស្ថិតនៅក្នុងដំណាក់កាលដ៏សំខាន់មួយ ហើយនៅចុងឆ្នាំ ២០១៥ ខាងមុខនេះ យើងនឹងមានការវិភាគពេញលេញចំពោះលទ្ធផលដែលយើងទទួលបានទាំងអស់នោះ។
លទ្ធផលនៃការសាកល្បងទាំងនេះ បានធ្វើឲ្យក្រុមហ៊ុនSanofi Pasteur ខិតទៅកាន់តែជិតចំពោះការព្យាយាមក្នុងការផលិតថ្នាំបង្ការប្រភេទនេះ អស់រយៈពេលជាង ២០ ឆ្នាំមកហើយនោះ។ ការងារបង្កើតវ៉ាក់សាំងនេះ គឺត្រូវបានពន្យាពេលម្ដងហើយម្ដងទៀត ដោយសារតែមានករណីនៃជំងឺនេះ កើតឡើងថ្មីទៀតរហូតដល់ទៅ ៤ ប្រភេទផ្សេងគ្នា។
យោងតាមរបាយការណ៍របស់អង្គការសុខភាពពិភពលោក គ្រុនឈាមគឺជាជំងឺដែលមានការរីករាលដាលខ្លាំងគេជំងឺផ្សេងៗទៀត នៅក្នុងប្រទេសជាង ១០០ ទូទាំងពិភពលោក ហើយក្នុងនោះមនុស្ស ៤ នាក់ក្នុងចំណោម ១០ នាក់ កំពុងប្រឈមនឹងការឆ្លងជំងឺគ្រុនឈាម។ ជាងពីរភាគបីនៃករណីជំងឺគ្រុនឈាមនៅក្នុងពិភពលោក គឺកើតឡើងនៅក្នុងទ្វីបអាស៊ីជាពិសេសតំបន់អាស៊ីអាគ្នេយ៍។
ក្រុមហ៊ុន Sanofi Pasteur បានប្រកាសថាប្រសិនបើថ្នាំបងង្ការប្រភេទនេះ អាចនឹងត្រូវផលិតបាននៅចុងឆ្នាំនេះមែននោះ ក្រុមហ៊ុននឹងយកវាទៅដាក់លក់នៅក្នុងទីផ្សារដែលមានតម្រូវការខ្លាំង ដែលក្នុងនោះក៏មានទីផ្សារក្នុងតំបន់អាស៊ីអាគ្នេយ៍ផងដែរ។
នៅពេលដែលថ្នាំបង្ការជំងឺគ្រុនឈាម ត្រូវបានគេប្រកាសឲ្យប្រើប្រាស់ជាផ្លូវការនោះ ក្រុមហ៊ុននឹងផលិតវ៉ាក់សាំងប្រភេទនេះចំនួន ១០០ លានដូតស៍ក្នុងមួយឆ្នាំៗ ហើយនៅមុនពេលដែលថ្នាំបង្ការប្រភេទនេះបានសាកល្បងជិតរួចរាល់កាលពីពេលកន្លងទៅនោះ ក្រុមហ៊ុនបានវិនិយោគនូវទឹកប្រាក់ ជាង ៤៧០ លានដុល្លារ ដើម្បីបង្កើតរោងចក្រនៅក្នុងប្រទេសបារាំង ក្នុងឆ្នាំ ២០០៩ ៕
ប្រែសម្រួលដោយ បាន សំអាង
សូមស្ដាប់ លោក បាន សំអាង លម្អិតព័ត៌មាននេះ
ក្រុមហ៊ុនផលិតថ្នាំពេទ្យ Sanofi Pasteurបានសម្រេចរបកគំឃើញថ្មីមួយ នៅក្នុងការអភិវឌ្ឍថ្នាំបង្ការជំងឺគ្រុនឈាមមួយប្រភេទ ដែលអាចនឹងត្រូវគេផលិតឲ្យរួចរាល់នៅត្រឹមចុងឆ្នាំ ២០១៥ ខាងមុខនេះ។ លោកGuillaume Leroyប្រធានផ្នែកថ្នាំបង្ការជំងឺគ្រុមឈាមរបស់ក្រុមដដែលនេះ បានប្រកាសពីភាពជោគជ័យនៃការស្រាវជ្រាវផ្នែកវេជ្ជសាស្ត្រនៅក្នុងតំបន់អាស៊ី ដើម្បីសាកល្បងពីប្រសិទ្ធភាពនៃថ្នាំវ៉ាក់សាំងនេះ។
ក្រុមហ៊ុន giant Sanofi Pasteur បានឲ្យដឹងថា ខ្លួនកំពុងធ្វើការសាកល្បង ករណីជំងឺគ្រុមឈាម ទៅលើក្រុមមនុស្សចំនួន ១ ម៉ឺននាក់ នៅក្នុងប្រទេសឥណ្ឌូនេស៊ី ថៃ និងម៉ាឡេស៊ី។ លទ្ធផលនៃការសាកល្បងនេះ បានបង្ហាញថា កម្រិតនៃការឆ្លងជំងឺគ្រុមឈាមបានធ្លាក់ចុះជាងពាក់កណ្ដាល ក្នុងចំណោមអ្នកទាំងអស់នោះ ក្រោយពេលដែលពួកគេបានចាក់វ៉ាក់សាំងការពាររួចមកនោះ។
ការសាកល្បងចំពោះប្រសិទ្ធភាពនៃវ៉ាក់សាំងថ្មីនេះ ក៏នឹងត្រូវធ្វើឡើងចំពោះមនុស្សជាង ២ ម៉ឺននាក់ផ្សេងទៀត ដែលប្រឈមនឹងការឆ្លងជំងឺគ្រុនឈាមនៅក្នុងទ្វីបអាហ្វ្រិក។ លោក Leroy បានបញ្ជាក់ថា យើងកំពុងតែស្ថិតនៅក្នុងដំណាក់កាលដ៏សំខាន់មួយ ហើយនៅចុងឆ្នាំ ២០១៥ ខាងមុខនេះ យើងនឹងមានការវិភាគពេញលេញចំពោះលទ្ធផលដែលយើងទទួលបានទាំងអស់នោះ។
លទ្ធផលនៃការសាកល្បងទាំងនេះ បានធ្វើឲ្យក្រុមហ៊ុនSanofi Pasteur ខិតទៅកាន់តែជិតចំពោះការព្យាយាមក្នុងការផលិតថ្នាំបង្ការប្រភេទនេះ អស់រយៈពេលជាង ២០ ឆ្នាំមកហើយនោះ។ ការងារបង្កើតវ៉ាក់សាំងនេះ គឺត្រូវបានពន្យាពេលម្ដងហើយម្ដងទៀត ដោយសារតែមានករណីនៃជំងឺនេះ កើតឡើងថ្មីទៀតរហូតដល់ទៅ ៤ ប្រភេទផ្សេងគ្នា។
យោងតាមរបាយការណ៍របស់អង្គការសុខភាពពិភពលោក គ្រុនឈាមគឺជាជំងឺដែលមានការរីករាលដាលខ្លាំងគេជំងឺផ្សេងៗទៀត នៅក្នុងប្រទេសជាង ១០០ ទូទាំងពិភពលោក ហើយក្នុងនោះមនុស្ស ៤ នាក់ក្នុងចំណោម ១០ នាក់ កំពុងប្រឈមនឹងការឆ្លងជំងឺគ្រុនឈាម។ ជាងពីរភាគបីនៃករណីជំងឺគ្រុនឈាមនៅក្នុងពិភពលោក គឺកើតឡើងនៅក្នុងទ្វីបអាស៊ីជាពិសេសតំបន់អាស៊ីអាគ្នេយ៍។
ក្រុមហ៊ុន Sanofi Pasteur បានប្រកាសថាប្រសិនបើថ្នាំបងង្ការប្រភេទនេះ អាចនឹងត្រូវផលិតបាននៅចុងឆ្នាំនេះមែននោះ ក្រុមហ៊ុននឹងយកវាទៅដាក់លក់នៅក្នុងទីផ្សារដែលមានតម្រូវការខ្លាំង ដែលក្នុងនោះក៏មានទីផ្សារក្នុងតំបន់អាស៊ីអាគ្នេយ៍ផងដែរ។
នៅពេលដែលថ្នាំបង្ការជំងឺគ្រុនឈាម ត្រូវបានគេប្រកាសឲ្យប្រើប្រាស់ជាផ្លូវការនោះ ក្រុមហ៊ុននឹងផលិតវ៉ាក់សាំងប្រភេទនេះចំនួន ១០០ លានដូតស៍ក្នុងមួយឆ្នាំៗ ហើយនៅមុនពេលដែលថ្នាំបង្ការប្រភេទនេះបានសាកល្បងជិតរួចរាល់កាលពីពេលកន្លងទៅនោះ ក្រុមហ៊ុនបានវិនិយោគនូវទឹកប្រាក់ ជាង ៤៧០ លានដុល្លារ ដើម្បីបង្កើតរោងចក្រនៅក្នុងប្រទេសបារាំង ក្នុងឆ្នាំ ២០០៩ ៕
ប្រែសម្រួលដោយ បាន សំអាង
© រក្សាសិទ្ធិដោយ thmeythmey.com
