កីឡាអន្តរជាតិ
អន្តរជាតិ
ក្នុងជំនួបជាមួយសហរដ្ឋអាមេរិក តើព័រទុយហ្គាល់អាចស្រោចស្រង់មុខមាត់បានដែរឬទេ?
×![]()
ដោយ: ថ្មីៗ
ក្រុមបាល់ទាត់ជម្រើសជាតិព័រទុយហ្គាល់របស់ខ្សែប្រយុទ្ធ Cristiano Ronaldo នឹងព្យាយាមប្រយុទ្ធដើម្បីរក្សាធ្វើឲ្យយុទ្ធនាការ World Cup របស់ពួកគេនៅតែនៅរស់ នៅពេលដែលពួកគេជួបជាមួយនឹងក្រុមជម្រើសជាតិអាមេរិក ក្នុងការប្រកួតដ៏សំខាន់នៅរាត្រីថ្ងៃនេះ។ ប៉ុន្តែ ក្រោយពីរងបរាជ័យ ៤-០ ក្រោមស្នាដៃក្រុមអាល្លឺម៉ង់ ក្នុងការប្រកួតបើកឆាកនៃពូល G របស់ពួកគេ រូបភាពរបស់ Ronaldo ដែលបង្ហាញពីការហ្វឹកហាត់រួមជាមួយនឹងការរុំកញ្ចប់ទឹកកកលើជង្គង់របស់គេ បានធ្វើឲ្យអ្នកគាំទ្ររបស់ព័រទុយហ្គាល់កាន់តែមានការព្រួយបារម្ភ។ 
ក្រុមព័រទុយហ្គាល់នឹងប្រកួតជាមួយនឹងសហរដ្ឋអាមេរិក ដែលបានផ្តួលក្រុមជម្រើសជាតិហ្គាណា ២-១ កាលពីថ្ងៃចន្ទ ក្នុងទីក្រុង Manaus។ ក្នុងការប្រកួតពូល H ក្រុមបាល់ទាត់ជម្រើសជាតិបែលហ្ស៊ិកនឹងត្រូវប្រកួតជាមួយនឹងក្រុមជម្រើសជាតិរុស្ស៊ីក្នុងទីក្រុង Rio de Janeiro ខណៈដែលក្រុមជម្រើសជាតិកូរ៉េខាងត្បូង នឹងត្រូវជួបជាមួយនឹងក្រុមជម្រើសជាតិអាល់ហ្សេរី ក្នុងទីក្រុង Porto Alegre នៅរាត្រីនេះ។
លោក Paulo Bento គ្រូបង្វឹកនៃក្រុមជម្រើសជាតិព័រទុយហ្គាល់ មិនបានបញ្ជាក់ថា តើ Ronaldo នឹងលេង ឬយ៉ាងណាឡើយ។ ប៉ុន្តែ លោកបានសម្តែងនូវការសោកស្តាយថា កីឡាករបួននាក់ផ្សេងទៀតដែលរួមមាន Pepe ខ្សែការពារ Fabio Coentrao ខ្សែប្រយុទ្ធ Hugo Almeida និងអ្នកចាំទី Rui Patricio នឹងត្រូវអវត្តមាន។
លោក Bento បានឲ្យដឹងថា៖ «ស្ថានភាពផ្សេងៗស្ថិតក្នុងលក្ខណៈធម្មតា ព្រោះថា យើងអាចនឹងឈ្នះ ឬក៏អាចនឹងវេចបញ្ចេចរបស់យើងទៅផ្ទះវិញ»។ ស្របពេលជាមួយនឹងគ្នានេះ លោក Jurgen Klinsmann គ្រូបង្វឹកនៃក្រុមបាល់ទាត់ជម្រើសជាតិអាមេរិក នឹងអវត្តមានខ្សែប្រយុទ្ធ Jozy Altidore ដែលបានជួបបញ្ហារបួសសរសៃពួរគន្លាក់ជើង។
ខ្សែប្រយុទ្ធ Clint Dempsey ដែលបានរកគ្រាប់បាល់បើកឆាកក្នុងពេលប្រកួតជាមួយនឹងក្រុមហ្គាណានោះ អាចនឹងលេងដោយពាក់ម៉ាសការពារ ក្រោយពីរងរបួសបាក់ក្តោងច្រមុះក្នុងការប្រកួតទី១៕
កម្មវិធីប្រកួតនៅរាត្រីនេះ
បែលហ្ស៊ិក v រុស្ស៊ី - 11 យប់
កូរ៉េខាងត្បូង v អាល់ហ្សេរី - 2 ទៀបភ្លឺ
ព័រទុយហ្គាល់ v សហរដ្ឋអាមេរិក - 5 ទៀបភ្លឺ
ប្រែសម្រួលដោយ ផេង សំណាង
ក្រុមព័រទុយហ្គាល់នឹងប្រកួតជាមួយនឹងសហរដ្ឋអាមេរិក ដែលបានផ្តួលក្រុមជម្រើសជាតិហ្គាណា ២-១ កាលពីថ្ងៃចន្ទ ក្នុងទីក្រុង Manaus។ ក្នុងការប្រកួតពូល H ក្រុមបាល់ទាត់ជម្រើសជាតិបែលហ្ស៊ិកនឹងត្រូវប្រកួតជាមួយនឹងក្រុមជម្រើសជាតិរុស្ស៊ីក្នុងទីក្រុង Rio de Janeiro ខណៈដែលក្រុមជម្រើសជាតិកូរ៉េខាងត្បូង នឹងត្រូវជួបជាមួយនឹងក្រុមជម្រើសជាតិអាល់ហ្សេរី ក្នុងទីក្រុង Porto Alegre នៅរាត្រីនេះ។
លោក Paulo Bento គ្រូបង្វឹកនៃក្រុមជម្រើសជាតិព័រទុយហ្គាល់ មិនបានបញ្ជាក់ថា តើ Ronaldo នឹងលេង ឬយ៉ាងណាឡើយ។ ប៉ុន្តែ លោកបានសម្តែងនូវការសោកស្តាយថា កីឡាករបួននាក់ផ្សេងទៀតដែលរួមមាន Pepe ខ្សែការពារ Fabio Coentrao ខ្សែប្រយុទ្ធ Hugo Almeida និងអ្នកចាំទី Rui Patricio នឹងត្រូវអវត្តមាន។
លោក Bento បានឲ្យដឹងថា៖ «ស្ថានភាពផ្សេងៗស្ថិតក្នុងលក្ខណៈធម្មតា ព្រោះថា យើងអាចនឹងឈ្នះ ឬក៏អាចនឹងវេចបញ្ចេចរបស់យើងទៅផ្ទះវិញ»។ ស្របពេលជាមួយនឹងគ្នានេះ លោក Jurgen Klinsmann គ្រូបង្វឹកនៃក្រុមបាល់ទាត់ជម្រើសជាតិអាមេរិក នឹងអវត្តមានខ្សែប្រយុទ្ធ Jozy Altidore ដែលបានជួបបញ្ហារបួសសរសៃពួរគន្លាក់ជើង។
ខ្សែប្រយុទ្ធ Clint Dempsey ដែលបានរកគ្រាប់បាល់បើកឆាកក្នុងពេលប្រកួតជាមួយនឹងក្រុមហ្គាណានោះ អាចនឹងលេងដោយពាក់ម៉ាសការពារ ក្រោយពីរងរបួសបាក់ក្តោងច្រមុះក្នុងការប្រកួតទី១៕
កម្មវិធីប្រកួតនៅរាត្រីនេះ
បែលហ្ស៊ិក v រុស្ស៊ី - 11 យប់
កូរ៉េខាងត្បូង v អាល់ហ្សេរី - 2 ទៀបភ្លឺ
ព័រទុយហ្គាល់ v សហរដ្ឋអាមេរិក - 5 ទៀបភ្លឺ
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
