កីឡាអន្តរជាតិ
អន្តរជាតិ
ប្រេស៊ីលត្រូវជួបឈីលី ខណៈហូឡង់ត្រូវប៉ះជាមួយម៉ិកស៊ិកនៅវគ្គ១៦ក្រុមចុងក្រោយ
×![]()
ដោយ: រួបរួម
ការប្រកួតពូល A និង B នៃព្រឹត្តិការណ៍ World Cup ឆ្នាំ២០១៤ បានបញ្ចប់កាលពីយប់មិញ។ ប្រេស៊ីលយកឈ្នះកាមេរូន ៤-១ ដើម្បីទទួលបានតំណែងលេខមួយពូល A ស្របពេលដែលម៉ិកស៊ិកយកឈ្នះក្រូអាស៊ី ៣-១ ដើម្បីទទួលបានចំណាត់ថ្នាក់លេខពីរ។ ក្នុងជំនួបពូល B ហូឡង់បានយកឈ្នះឈីលី ២-០ ប៉ុន្តែក្រុមទាំងពីរសុទ្ធតែទទួលបានកៅអីនៅវគ្គ១៦ក្រុមចុងក្រោយ ខណៈម្ចាស់ជើងឯកឆ្នាំចាស់អេស្ប៉ាញ បានបញ្ចប់យុទ្ធនាការរបស់ខ្លួនជាមួយនឹងជ័យជម្នះ ៣-០ លើអូស្ត្រាលី។
ពូល A៖ ប្រេស៊ីលលេខមួយ ម៉ិកស៊ិកលេខពីរ
Neymar បានស៊ុតបាល់បញ្ចូលទីចំនួន២គ្រាប់ក្នុងជ័យជម្នះ ៤-១ លើកាមេរូន ខណៈ Fernando និង Fred បន្ថែមបានម្នាក់១គ្រាប់។ គ្រាប់បញ្ចូលទី១គ្រាប់របស់កាមេរូនរកបានដោយ Joel Matip។ ដោយឡែកជ័យជម្នះ ៣-១ របស់ម៉ិកស៊ិកលើក្រូអាស៊ី គឺជាការសម្រេចផលរបស់ Andres Guardado, Rafael Marquez និង Javier Hernadez រីឯ Ivan Perisic ប្រឹងវាយបកបានមួយគ្រាប់សម្រាប់ក្រូអាស៊ី។
នៅក្នុងពូល A នេះ ម្ចាស់ផ្ទះប្រេស៊ីលបានចំណាត់ថ្នាក់លេខ១ ជាមួយនឹងការទទួលបាន៧ពិន្ទុ ម៉ិកស៊ិកស្ថិតនៅចំណាត់ថ្នាក់លេខ២ដោយមាន៧ពិន្ទុស្មើ ប៉ុន្តែចាញ់ចំនួនគ្រាប់បាល់ដែលបានស៊ុតបញ្ចូលទី។ ក្រូអាស៊ីរងការខកចិត្តដោយត្រូវត្រឡប់ទៅផ្ទះវិញជាមួយនឹងការទទួលបាន៣ពិន្ទុ ខណៈកាមេរូនចាញ់ទាំងបីប្រកួត។
ពូល B៖ ហូឡង់លេខមួយ ឈីលីលេខពីរ
Leroy Fer និង Memphis Depay បានជួយឲ្យហូឡង់យកឈ្នះឈីលី ២-០ ដើម្បីដណ្តើមយកចំណាត់ថ្នាក់លេខមួយក្នុងពូល B។ ប៉ុន្តែទោះបីជាបរាជ័យក៏ដោយ ឈីលី ទទួលបានចំណាត់ថ្នាក់លេខពីរ ខណៈជើងឯកឆ្នាំចាស់ អេស្ប៉ាញ បញ្ចប់យុទ្ធនាការរបស់ខ្លួនជាមួយនឹងការដណ្តើមបាន៣ពិន្ទុពីអូស្ត្រាលី។ David Villa, Fernando Torres និង Juan Mata គឺជាអ្នករកជ័យជម្នះបង្គ្រប់កិច្ចឲ្យអេស្ប៉ាញ។
ហូឡង់ទទួលបាន៩ពិន្ទុពេញពីការប្រកួតក្នុងពូល B ខណៈឈីលីមាន៦ពិន្ទុឈរនៅលេខពីរ។ អេស្ប៉ាញត្រឡប់ទៅផ្ទះវិញដោយមាន៣ពិន្ទុ ខណៈអូស្ត្រាលីមិនមានពិន្ទុរាប់ឡើយ។
វគ្គ១៦ក្រុមចុងក្រោយ៖
ក្នុងនាមជាក្រុមលេខមួយ ពូល A ម្ចាស់ផ្ទះប្រេស៊ីលត្រូវជួបឈីលី លេខពីរពូល B ដែលមកពីតំបន់អាមេរិកខាងត្បូងដូចគ្នា។ ហូឡង់ពីតំបន់អឺរ៉ុប លេខមួយ ពូល B ត្រូវប៉ះម៉ិកស៊ិក លេខពីរពូល A ដែលជាក្រុមមកពីតំបន់អាមេរិកកណ្តាល៕
រូបថតទាំងអស់៖ fifa.com
ពូល A៖ ប្រេស៊ីលលេខមួយ ម៉ិកស៊ិកលេខពីរ
Neymar បានស៊ុតបាល់បញ្ចូលទីចំនួន២គ្រាប់ក្នុងជ័យជម្នះ ៤-១ លើកាមេរូន ខណៈ Fernando និង Fred បន្ថែមបានម្នាក់១គ្រាប់។ គ្រាប់បញ្ចូលទី១គ្រាប់របស់កាមេរូនរកបានដោយ Joel Matip។ ដោយឡែកជ័យជម្នះ ៣-១ របស់ម៉ិកស៊ិកលើក្រូអាស៊ី គឺជាការសម្រេចផលរបស់ Andres Guardado, Rafael Marquez និង Javier Hernadez រីឯ Ivan Perisic ប្រឹងវាយបកបានមួយគ្រាប់សម្រាប់ក្រូអាស៊ី។
នៅក្នុងពូល A នេះ ម្ចាស់ផ្ទះប្រេស៊ីលបានចំណាត់ថ្នាក់លេខ១ ជាមួយនឹងការទទួលបាន៧ពិន្ទុ ម៉ិកស៊ិកស្ថិតនៅចំណាត់ថ្នាក់លេខ២ដោយមាន៧ពិន្ទុស្មើ ប៉ុន្តែចាញ់ចំនួនគ្រាប់បាល់ដែលបានស៊ុតបញ្ចូលទី។ ក្រូអាស៊ីរងការខកចិត្តដោយត្រូវត្រឡប់ទៅផ្ទះវិញជាមួយនឹងការទទួលបាន៣ពិន្ទុ ខណៈកាមេរូនចាញ់ទាំងបីប្រកួត។
ពូល B៖ ហូឡង់លេខមួយ ឈីលីលេខពីរ
Leroy Fer និង Memphis Depay បានជួយឲ្យហូឡង់យកឈ្នះឈីលី ២-០ ដើម្បីដណ្តើមយកចំណាត់ថ្នាក់លេខមួយក្នុងពូល B។ ប៉ុន្តែទោះបីជាបរាជ័យក៏ដោយ ឈីលី ទទួលបានចំណាត់ថ្នាក់លេខពីរ ខណៈជើងឯកឆ្នាំចាស់ អេស្ប៉ាញ បញ្ចប់យុទ្ធនាការរបស់ខ្លួនជាមួយនឹងការដណ្តើមបាន៣ពិន្ទុពីអូស្ត្រាលី។ David Villa, Fernando Torres និង Juan Mata គឺជាអ្នករកជ័យជម្នះបង្គ្រប់កិច្ចឲ្យអេស្ប៉ាញ។
ហូឡង់ទទួលបាន៩ពិន្ទុពេញពីការប្រកួតក្នុងពូល B ខណៈឈីលីមាន៦ពិន្ទុឈរនៅលេខពីរ។ អេស្ប៉ាញត្រឡប់ទៅផ្ទះវិញដោយមាន៣ពិន្ទុ ខណៈអូស្ត្រាលីមិនមានពិន្ទុរាប់ឡើយ។
វគ្គ១៦ក្រុមចុងក្រោយ៖
ក្នុងនាមជាក្រុមលេខមួយ ពូល A ម្ចាស់ផ្ទះប្រេស៊ីលត្រូវជួបឈីលី លេខពីរពូល B ដែលមកពីតំបន់អាមេរិកខាងត្បូងដូចគ្នា។ ហូឡង់ពីតំបន់អឺរ៉ុប លេខមួយ ពូល B ត្រូវប៉ះម៉ិកស៊ិក លេខពីរពូល A ដែលជាក្រុមមកពីតំបន់អាមេរិកកណ្តាល៕
រូបថតទាំងអស់៖ fifa.com
© រក្សាសិទ្ធិដោយ thmeythmey.com
