កីឡាអន្តរជាតិ
អន្តរជាតិ
កូឡុំប៊ីត្រូវប៉ះអ៊ុយរូហ្គាយ ខណៈប៉េណាល់ទីក្នុងនាទីបន្ថែមនាំក្រិកឡើងទៅជួបកូស្តារីកា
ក្រិកអបអរជ័យជម្នះលើកូតឌីវ័រ
×![]()
ដោយ: រួបរួម
កូឡុំប៊ីបញ្ចប់ក្នុងចំណាត់ថ្នាក់លេខមួយពូល C នៃយុទ្ធនាការ World Cup ២០១៤ បន្ទាប់ពីពួកគេបានយកឈ្នះជប៉ុន ៤-១ ស្របពេលដែលក្រិកបានយកឈ្នះកូតឌីវ័រ ២-១ តាមរយៈការស៊ុតប៉េណាល់នៅក្នុងនាទីបន្ថែមដើម្បីទទួលបានចំណាត់ថ្នាក់លេខពីរ។ កូឡុំប៊ីត្រូវប៉ះអ៊ុយរូហ្គាយ ខណៈក្រិកនឹងជួបកូស្តារីកានៅវគ្គ១៦ក្រុមចុងក្រោយ។
Juan Cuadrado បានស៊ុតបាល់ប៉េណាល់ទីនាំមុខសម្រាប់កូឡុំប៊ីនៅដើមតង់ ប៉ុន្តែនៅមុនសម្រាកតង់ Shinji Okazaki បានតែតបាល់តាមស្មើសម្រាប់ជប៉ុន។ ក្រុមសាមួរៃពណ៌ខៀវត្រូវការជ័យជម្នះជាចាំបាច់ដើម្បីឈានទៅកាន់វគ្គបន្ត ប៉ុន្តែពួកគេមិនអាចធ្វើអ្វីបានឡើយលើកូឡុំប៊ីដែលអ្នកចាំទីចំណាស់ជាងគេ Faryd Mondragon អាយុ៤៣ឆ្នាំ។ ទីបំផុត កូឡុំប៊ីបន្ថែមបានបីគ្រាប់ទៀតនៅក្នុងតង់ទីពីរដែលរកបានដោយ Jackson Martinez ២គ្រាប់ និង James Rodriguez ១គ្រាប់។
ដោយឡែកក្រុមក្រិកវិញ ការឈានឡើងទៅកាន់វគ្គ១៦ក្រុមចុងក្រោយរបស់ពួកគេគឺកើតឡើងដោយភាពចម្រូងចម្រាស់។ Georgios Samaras បានស៊ុតបាល់ប៉េណាល់ទីក្នុងនាទីបន្ថែមដើម្បីនាំជ័យជម្នះដល់ក្រិក ក្រោយអាជ្ញាកណ្តាលមើលឃើញថា Giovanni Sio បានបង្កកំហុសលើរូបគេនៅតំបន់គ្រោះថ្នាក់។ Andreas Samaris បានស៊ុតបាល់បញ្ចូលទីនាំមុខសម្រាប់ក្រិកនៅក្នុងតង់ទីមួយ ហើយ Wilfried Bony វាយបកតាមស្មើវិញនៅក្នុងតង់ទីពីរ ខណៈ Samaras ជាអ្នកសម្រេចជ័យជម្នះសម្រាប់ក្រិកក្នុងការឡើងទៅកាន់វគ្គ១៦ក្រុមចុងក្រោយជាលើកដំបូង។
នៅវគ្គ១៦ក្រុមចុងក្រោយ កូឡុំប៊ីដែលជាប់ចំណាត់ថ្នាក់លេខមួយក្នុងពូល C (៩ពិន្ទុ) ត្រូវប៉ះជាមួយអ៊ុយរូហ្គាយ លេខពីរពូល D ខណៈលេខពីរក្រិក (៤ពិន្ទុ) នឹងជួបក្រុមកំពូលតារាងពូល D កូស្តារីកា។ ក្រុមអាហ្វ្រិកកូតឌីវ័រ (៣ពិន្ទុ) ត្រូវត្រឡប់ទៅផ្ទះវិញទាំងខកចិត្តជាមួយក្រុមអាស៊ីជប៉ុន៕
Juan Cuadrado បានស៊ុតបាល់ប៉េណាល់ទីនាំមុខសម្រាប់កូឡុំប៊ីនៅដើមតង់ ប៉ុន្តែនៅមុនសម្រាកតង់ Shinji Okazaki បានតែតបាល់តាមស្មើសម្រាប់ជប៉ុន។ ក្រុមសាមួរៃពណ៌ខៀវត្រូវការជ័យជម្នះជាចាំបាច់ដើម្បីឈានទៅកាន់វគ្គបន្ត ប៉ុន្តែពួកគេមិនអាចធ្វើអ្វីបានឡើយលើកូឡុំប៊ីដែលអ្នកចាំទីចំណាស់ជាងគេ Faryd Mondragon អាយុ៤៣ឆ្នាំ។ ទីបំផុត កូឡុំប៊ីបន្ថែមបានបីគ្រាប់ទៀតនៅក្នុងតង់ទីពីរដែលរកបានដោយ Jackson Martinez ២គ្រាប់ និង James Rodriguez ១គ្រាប់។
ដោយឡែកក្រុមក្រិកវិញ ការឈានឡើងទៅកាន់វគ្គ១៦ក្រុមចុងក្រោយរបស់ពួកគេគឺកើតឡើងដោយភាពចម្រូងចម្រាស់។ Georgios Samaras បានស៊ុតបាល់ប៉េណាល់ទីក្នុងនាទីបន្ថែមដើម្បីនាំជ័យជម្នះដល់ក្រិក ក្រោយអាជ្ញាកណ្តាលមើលឃើញថា Giovanni Sio បានបង្កកំហុសលើរូបគេនៅតំបន់គ្រោះថ្នាក់។ Andreas Samaris បានស៊ុតបាល់បញ្ចូលទីនាំមុខសម្រាប់ក្រិកនៅក្នុងតង់ទីមួយ ហើយ Wilfried Bony វាយបកតាមស្មើវិញនៅក្នុងតង់ទីពីរ ខណៈ Samaras ជាអ្នកសម្រេចជ័យជម្នះសម្រាប់ក្រិកក្នុងការឡើងទៅកាន់វគ្គ១៦ក្រុមចុងក្រោយជាលើកដំបូង។
នៅវគ្គ១៦ក្រុមចុងក្រោយ កូឡុំប៊ីដែលជាប់ចំណាត់ថ្នាក់លេខមួយក្នុងពូល C (៩ពិន្ទុ) ត្រូវប៉ះជាមួយអ៊ុយរូហ្គាយ លេខពីរពូល D ខណៈលេខពីរក្រិក (៤ពិន្ទុ) នឹងជួបក្រុមកំពូលតារាងពូល D កូស្តារីកា។ ក្រុមអាហ្វ្រិកកូតឌីវ័រ (៣ពិន្ទុ) ត្រូវត្រឡប់ទៅផ្ទះវិញទាំងខកចិត្តជាមួយក្រុមអាស៊ីជប៉ុន៕
© រក្សាសិទ្ធិដោយ thmeythmey.com
