នយោបាយអន្តរជាតិ
×![]()
មេដឹកនាំរបបយោធាថៃលោក ប្រាយុទ្ធ ចាន់ អូចា ( Prayuth Chan-ocha) បានប្រកាសជាសាធារណៈថា នៅខែតុលា ឆ្នាំ ២០១៥ ខាងមុខនេះ រដ្ឋាភិបាលយោធារបស់លោក នឹងរៀបចំឲ្យមានការបោះឆ្នោតមួយ ក្រោយពីរដ្ឋធម្មនុញ្ញអន្តរកាលថ្មីចូលជាធរមាន។ នេះបើយោងតាមទីភ្នាក់ងារសារព័ត៌មាន AP របស់អាមេរិក ដែលចេញផ្សាយនៅថ្ងៃសៅរ៍នេះ។ 
ថ្លែងតាមរយៈកញ្ចក់ទួរទស្សន៍កាលពីយប់ថ្ងៃសុក្រម្សិលមិញ ប្រមុខមេដឹកនាំយោធាថៃ លោក ប្រាយុទ្ធ ចាន់ អូចា បានប្រកាសក្តែងៗថា រដ្ឋាភិបាលយោធារបស់លោក គ្រោងនឹងរៀបចំការបោះឆ្នោតជ្រើសរើសនាយករដ្ឋមន្ត្រីនៅខែតុលា ឆ្នាំ ២០១៥ ខាងមុខ។ ការបោះឆ្នោតនេះ នឹងត្រូវធ្វើឡើង ក្រោយពីរដ្ឋធម្មនុញ្ញអន្តរកាលថ្មីមួយចូលជាធរមានរយៈពេល ៣ ខែ។ នៅខែក្រោយនេះ ពោលនៅខែកក្កដា រដ្ឋាភិបាលយោធា នឹងរៀបចំធ្វើសេចក្តីព្រាងរដ្ឋធម្មនុញ្ញអន្តរកាលថ្មី។ នេះជាការបញ្ជាក់លោក ប្រាយុទ្ធ ចាន់ អូចា។
មេដឹកយោធាដ៏មានអំណាចរូបនេះ បញ្ជាក់ថា រដ្ឋធម្មនុញ្ញថ្មីនេះ នឹងធ្វើរួចរាល់ និងប្រកាសឲ្យប្រើយ៉ាងយូរនៅត្រឹមខែកក្កដា ឆ្នាំ ២០១៥ ខាងមុខ។ ខ្លឹមសារនៃរដ្ឋធម្មនុញ្ញអន្តរកាលថ្មី ក៏នឹងក្លាយជាឧបករណ៍ដ៏មានស្រាប់សំខាន់សម្រាប់របបយោធាគ្រប់គ្រងអំណាច ពោលគឺ នឹងមានសភា ព្រមទាំងគណរដ្ឋមន្ត្រីគ្រប់គ្រងប្រទេស។
យ៉ាងណាក៏ដោយក្នុងអំឡុងពេលថ្លែងតាមកញ្ចក់ទូរទស្សន៍ កាលពីយប់មិញ លោក ប្រមុខយោធាថៃ មិនបញ្ជាក់ឲ្យច្បាស់ថា តើរដ្ឋធម្មនុញ្ញអន្តកាលថ្មី ដែលបង្កើតឡើងដោយរបបយោធានេះ នឹងត្រូវឆ្លងកាត់យោបល់របស់ពលរដ្ឋតាមរយៈការធ្វើប្រជាមតិឬយ៉ាងណានោះទេ? សូមជម្រាបថា ប្រទេសថៃក៏ធ្លាប់ជួបនឹងស្ថានការណ៍នេះដែរកាលពីឆ្នាំ ២០០៧ នៅពេលដែលយោធា ធ្វើរដ្ឋប្រហារទម្លាក់លោកថាក់ ស៊ីន ហើយបង្កើតរដ្ឋធម្មនុញ្ញអន្តរកាលថ្មី។ កាលណោះ គឺរដ្ឋធម្មនុញ្ញ ត្រូវបានឆ្លងកាត់យោបល់របស់ពលរដ្ឋ។
សូមរម្លឹកថា ក្រោមលេសថែរក្សាសណ្តាប់ធ្នាប់ និងការពារផលប្រយោជន៍ប្រទេសជាតិមកវិញ បន្ទាប់ពីវិបត្តិនរយោបាយនៅក្នុងប្រទេសបានអូសបន្លាយអស់រយៈពេលជាង ១ ឆ្នាំ មេដឹកនាំយោធាថៃ លោក ចាន់ អូចា បានដឹកនាំយោធា ធ្វើរដ្ឋប្រហារទម្លាក់លោកស្រី យីង ឡាក់ ចេញពីតំណែង និងចាប់មេដឹកនាំគបក្សប្រឆាំងជាច្រើនរូបផងដែរ កាលពីចុងខែឧសភា កន្លងទៅ។
នៅចំពោះមុខស្ថានការណ៍ បែបនេះ សហគមន៍អន្តរជាតិបានរិះគន់របបយោធាជាបន្តបន្ទាប់។ កាលពីពេលថ្មីៗនេះ សហភាពអឺរ៉ុបបានប្រកាសកាត់បន្ថយទំនាក់ទំនងការទូត ជាមួយប្រទេសថៃ ខណៈពេលដែលរដ្ឋាភិបាលអាមេរិកបានប្រកាស ថ្កោលទោសចំពោះការធ្វើរដ្ឋប្រហារយោធា ព្រមទាំងបានលុបចោលនូវសមយុទ្ធយោធា និងកិច្ចសហប្រតិបត្តិការយោធាផ្សេងទៀតផងដែរ៕
ថ្លែងតាមរយៈកញ្ចក់ទួរទស្សន៍កាលពីយប់ថ្ងៃសុក្រម្សិលមិញ ប្រមុខមេដឹកនាំយោធាថៃ លោក ប្រាយុទ្ធ ចាន់ អូចា បានប្រកាសក្តែងៗថា រដ្ឋាភិបាលយោធារបស់លោក គ្រោងនឹងរៀបចំការបោះឆ្នោតជ្រើសរើសនាយករដ្ឋមន្ត្រីនៅខែតុលា ឆ្នាំ ២០១៥ ខាងមុខ។ ការបោះឆ្នោតនេះ នឹងត្រូវធ្វើឡើង ក្រោយពីរដ្ឋធម្មនុញ្ញអន្តរកាលថ្មីមួយចូលជាធរមានរយៈពេល ៣ ខែ។ នៅខែក្រោយនេះ ពោលនៅខែកក្កដា រដ្ឋាភិបាលយោធា នឹងរៀបចំធ្វើសេចក្តីព្រាងរដ្ឋធម្មនុញ្ញអន្តរកាលថ្មី។ នេះជាការបញ្ជាក់លោក ប្រាយុទ្ធ ចាន់ អូចា។
មេដឹកយោធាដ៏មានអំណាចរូបនេះ បញ្ជាក់ថា រដ្ឋធម្មនុញ្ញថ្មីនេះ នឹងធ្វើរួចរាល់ និងប្រកាសឲ្យប្រើយ៉ាងយូរនៅត្រឹមខែកក្កដា ឆ្នាំ ២០១៥ ខាងមុខ។ ខ្លឹមសារនៃរដ្ឋធម្មនុញ្ញអន្តរកាលថ្មី ក៏នឹងក្លាយជាឧបករណ៍ដ៏មានស្រាប់សំខាន់សម្រាប់របបយោធាគ្រប់គ្រងអំណាច ពោលគឺ នឹងមានសភា ព្រមទាំងគណរដ្ឋមន្ត្រីគ្រប់គ្រងប្រទេស។
យ៉ាងណាក៏ដោយក្នុងអំឡុងពេលថ្លែងតាមកញ្ចក់ទូរទស្សន៍ កាលពីយប់មិញ លោក ប្រមុខយោធាថៃ មិនបញ្ជាក់ឲ្យច្បាស់ថា តើរដ្ឋធម្មនុញ្ញអន្តកាលថ្មី ដែលបង្កើតឡើងដោយរបបយោធានេះ នឹងត្រូវឆ្លងកាត់យោបល់របស់ពលរដ្ឋតាមរយៈការធ្វើប្រជាមតិឬយ៉ាងណានោះទេ? សូមជម្រាបថា ប្រទេសថៃក៏ធ្លាប់ជួបនឹងស្ថានការណ៍នេះដែរកាលពីឆ្នាំ ២០០៧ នៅពេលដែលយោធា ធ្វើរដ្ឋប្រហារទម្លាក់លោកថាក់ ស៊ីន ហើយបង្កើតរដ្ឋធម្មនុញ្ញអន្តរកាលថ្មី។ កាលណោះ គឺរដ្ឋធម្មនុញ្ញ ត្រូវបានឆ្លងកាត់យោបល់របស់ពលរដ្ឋ។
សូមរម្លឹកថា ក្រោមលេសថែរក្សាសណ្តាប់ធ្នាប់ និងការពារផលប្រយោជន៍ប្រទេសជាតិមកវិញ បន្ទាប់ពីវិបត្តិនរយោបាយនៅក្នុងប្រទេសបានអូសបន្លាយអស់រយៈពេលជាង ១ ឆ្នាំ មេដឹកនាំយោធាថៃ លោក ចាន់ អូចា បានដឹកនាំយោធា ធ្វើរដ្ឋប្រហារទម្លាក់លោកស្រី យីង ឡាក់ ចេញពីតំណែង និងចាប់មេដឹកនាំគបក្សប្រឆាំងជាច្រើនរូបផងដែរ កាលពីចុងខែឧសភា កន្លងទៅ។
នៅចំពោះមុខស្ថានការណ៍ បែបនេះ សហគមន៍អន្តរជាតិបានរិះគន់របបយោធាជាបន្តបន្ទាប់។ កាលពីពេលថ្មីៗនេះ សហភាពអឺរ៉ុបបានប្រកាសកាត់បន្ថយទំនាក់ទំនងការទូត ជាមួយប្រទេសថៃ ខណៈពេលដែលរដ្ឋាភិបាលអាមេរិកបានប្រកាស ថ្កោលទោសចំពោះការធ្វើរដ្ឋប្រហារយោធា ព្រមទាំងបានលុបចោលនូវសមយុទ្ធយោធា និងកិច្ចសហប្រតិបត្តិការយោធាផ្សេងទៀតផងដែរ៕
© រក្សាសិទ្ធិដោយ thmeythmey.com
