កីឡាអន្តរជាតិ
អន្តរជាតិ
Man Utd លើកពាន International Champions Cup នៅអាមេរិក
× ក្រុមបាល់ទាត់បិសាចក្រហម Manchester United បានលើកពាន International Champions Cup 2014 ដែលសហការរៀបចំនៅសហរដ្ឋអាមេរិក និង កាណាដា នាប៉ុន្មានម៉ោងមុននេះក្រោយយកឈ្នះក្រុម Liverpool ៣ ទល់ ១ ក្នុងវគ្គផ្ដាច់ព្រ័ត្រ លើកីឡដ្ឋាន Sun Life នៅទីក្រុង Miami សហរដ្ឋអាមេរិកក្រោមក្រសែភ្នែកទស្សនិកជន៥១.០០០នាក់។
៣ គ្រាប់របស់ Man Utd រកបានដោយកីឡាករ Rooney នាទី ៥៥, Mata នាទី ៥៧ និង Lingard ៨៨ ខណៈមួយគ្រាប់របស់ Liverpoor បំប៉ោងសំណាញ់ទីដោយកីឡាករ Steven Gerrard នៅនាទី ១៤។
International Champions Cup 2014 ចាប់ប្រកួតតាំងពីថ្ងៃទី ២៤ កក្កដា និង បញ្ចប់ថ្ងៃទី ៥ សីហា នេះ ហើយមានក្រុមចូលរួមចំនួន ៨ ក្រុមរួមមាន Manchester United (អង់គ្លេស), Internazionale (អ៊ីតាលី), Roma (អ៊ីតាលី), Real Madrid (អេស៉្បាញ), Liverpool (អង់គ្លេស) , Olympiacos (ក្រិក), Manchester City (អង់គ្លេស) និង AC Milan (អ៊ីតាលី)៕
© រក្សាសិទ្ធិដោយ thmeythmey.com