ខ្មែរក្រហម
ជាតិ
លោក សុខ អាន៖ តុលាការខ្មែរក្រហមចំណាយតិច ប៉ុន្តែបានលទ្ធផលដ៏ធំធេង
× លោកឧបនាយករដ្ឋមន្ត្រី សុខ អាន បានវាយតម្លៃថា ការសម្រេចទោសឲ្យអតីតមេដឹកនាំខ្មែរក្រហមពីររូប គឺនួន ជា និង ខៀវ សំផន បជាប់ពន្ធនាគារមួយជីវិតលើសំណុំរឿង០០២ វគ្គ១ បង្ហាញគំរូថ្មីមួយរបស់តុលាការកម្ពុជាលើការសម្រេចក្តីជាលក្ខណៈអន្តរជាតិ។ លោករីករាយចំពោះដំណើរការសាលាក្តីខ្មែរក្រហម ដែលបានចំណាយថវិកាតិច ប៉ុន្តែទទួលបានជោគជ័យដ៏ធំធេង។
ថ្លែងនៅក្នុងសន្និសីទសារព័ត៌មានបន្ទាប់ពីការបិទបញ្ចប់សំណុំរឿង០០២/០១ នៃអង្គជំនុំជម្រុះសាលាដំបូងនៃសាលាក្តីខ្មែរក្រហមនាថ្ងៃនេះ លោក សុខ អាន បានលើកឡើងថា បញ្ហាកង្វល់ធំៗរបស់សាលាក្តីខ្មែរក្រហម មានពីរចំណុច គឺភាពចាស់ជរារបស់ជនជាប់ចោទ និងបញ្ហាហិរញ្ញវត្ថុ។ លោកបានបញ្ជាក់ថា បើគិតចាប់តាំងពីដំណើរការកាលពីឆ្នាំ២០០៦ មក សាលាក្តីខ្មែរក្រហម បានចំណាយថវិកាអស់ប្រមាណជា២០០លានដុល្លារ ដែលស្ថិតក្នុងរង្វង់ពី២៥ ទៅ២៧លានដុល្លារក្នុងមួយឆ្នាំ។
ទាក់ទងនឹងការចំណាយ លោកបានលើកឡើងថា វាជាមោទនភាពមួយ ពីព្រោះវាមានទំហំតិចជាងតុលាការលំដាប់អន្តរជាតិនៃប្រទេសដទៃទៀត៕
© រក្សាសិទ្ធិដោយ thmeythmey.com