ខ្មែរក្រហម
ជាតិ
សហភាពអឺរ៉ុបស្វាគមន៍សាលក្រមប្រឆាំង នួន ជា និង ខៀវ សំផន
× សហភាពអឺរ៉ុប តាមរយៈអ្នកនាំពាក្យរបស់សហភាពអឺរ៉ុបនៅក្នុងទីក្រុងប្រ៊ុចសែល ប្រទេសប៊ែលហ្ស៊ិក បានថ្លែងស្វាគមន៍ចំពោះការប្រកាសសាលក្រម របស់អង្គជំនុំជម្រះវិសាមញ្ញក្នុងតុលាការកម្ពុជានៅថ្ងៃនេះ ដើម្បីប្រឆាំងនឹងអតីតមេដឹកនាំរបបកម្ពុជាប្រជាធិបតេយ្យ ដែលរូមមាន លោក នួន ជា និង លោក ខៀវ សំផន ។
បើយោងតាមសេចក្ដីថ្លែងការណ៍របស់អ្នកនាំពាក្យខាងលើនោះ សហភាពអឺរ៉ុបយល់ថា ការផ្តន្ទាទោសរបស់ចៅក្រម គឺជាសញ្ញាណវិជ្ជមានដ៏សំខាន់មួយ ក្នុងជំហានឆ្ពោះទៅកាន់ការប្រយុទ្ធប្រឆាំងនឹងនិទណ្ឌភាពជាសាកល។ សាលក្រមនេះវាបង្ហាញថា ពួកមេដឹកនាំនយោបាយទាំងអស់ ត្រូវតែទទួលខុសត្រូវចំពោះទង្វើរបស់ខ្លួន បើទោះបីជាអំពើនោះបានប្រព្រឹត្តកាលពីរាប់ទសវត្សមកហើយក៏ដោយ។
ក្នុងនាមជាសមាជិកនៃមិត្តរបស់អង្គជំនុំជម្រះវិសាមញ្ញក្នុងតុលាការកម្ពុជានេះ សហភាពអឺរ៉ុបបានរួមចំណែកក្នុងការរក្សាមុខងារដ៏ត្រឹមត្រូវរបស់តុលាការមួយនេះ ក្នុងរយៈពេលប៉ុន្មានឆ្នាំចុងក្រោយនេះ។ សហភាពអឺរ៉ុបមានបំណងបន្តការគាំទ្ររបស់ខ្លួន នៅក្នុងការស្វែងរកយុត្តិធម៌ចំពោះជនរងគ្រោះនៃរបបខ្មែរក្រហម និងដើម្បីរួមចំណែកដល់ដំណើរការផ្សះផ្សារជាតិនៅក្នុងប្រទេសកម្ពុជា៕
© រក្សាសិទ្ធិដោយ thmeythmey.com