កីឡាជាតិ
ជាតិ
ព្រឹទ្ធាចារ្យ អ៊ំ សួន ខំថែទាំសុខភាពឲ្យទាន់ស៊ីហ្គេមនៅកម្ពុជានាឆ្នាំ២០២៣
× ស្ថិតក្នុងវ័យ៧៨ឆ្នាំ ព្រឹទ្ធាចារ្យ អ៊ំ សួន ដែលតែងតែមានវត្តមាននាការប្រកួតកីឡាបាល់ទាត់នានានោះ រំពឹងថា លោកអាចមានឱកាសមើលការរៀបចំព្រឹត្តិការណ៍កីឡាស៊ីហ្គេមលើកដំបូងនៅកម្ពុជានាឆ្នាំ២០២៣ ។ នារយៈពេល៩ឆ្នាំខាងមុខទៀត អ្នកគាំទ្រកីឡាបាល់ទាត់ដ៏ស្មោះស្ម័គ្ររូបនេះ នឹងឈានចូលដល់វ័យ៨៧ឆ្នាំ។
ស្តាប់សំឡេងព្រឹទ្ធាចារ្យ អ៊ុំ សួន
លោកតាមានជំនឿយ៉ាងមុតមាំថា គាត់នឹងមានឱកាសមើលការរៀបចំព្រឹត្តិការណ៍កីឡាដ៏ធំនៅក្នុងប្រទេសកម្ពុជាជាលើកទីពីរ។ កាលពីឆ្នាំ១៩៦៦ លោកតា សួន បានមើលការប្រកួតជាច្រើនក្នុងព្រឹត្តិការណ៍កីឡាហ្គាណេហ្វូ នៅពហុកីឡដ្ឋានជាតិ បើទោះបីជាពេលនោះលោកមានការមមាញឹកនៅខេត្តកោះកុងក៏ដោយ។ លោកសង្ឃឹមថា អាចមើលការរៀបចំព្រឹត្តិការណ៍កីឡាដ៏ធំលើកទីពីរនៅកម្ពុជាក្នុងចន្លោះពេល៥៧ឆ្នាំ។
បុរសចំណាស់ដ៏ប៉ិនវោហាររូបនេះ បានបញ្ជាក់ថា លោកខិតខំហាត់ប្រាណ និងធ្វើចិត្តឲ្យសប្បាយជារៀងរាល់ថ្ងៃ ហើយលោកតែងតែទៅមើលការប្រកួតកីឡាបាល់ទាត់ មិនថា ក្នុងក្របខណ្ឌកំពូល ឬការប្រកួតមិត្តភាពអ្វីនោះឡើយ។ លោកបញ្ជាក់ថា ការមើលការប្រកួតកីឡាបាល់ទាត់ដែលជាចំណង់ចំណូលចិត្តដ៏ធំរបស់លោក ធ្វើឲ្យលោកមានសុខភាពរឹងមាំ និងអាយុយឺនយូរ។
គេហទំព័រថ្មីៗ នឹងចុះផ្សាយព័ត៌មានជាបន្តបន្ទាប់ទាក់ទងនឹងអ្នកគាំទ្រកីឡាបាល់ទាត់ដ៏ស្មោះស្ម័គ្ររូបនេះ៕
© រក្សាសិទ្ធិដោយ thmeythmey.com