កីឡាជាតិ
ជាតិ
U21 កម្ពុជាឈ្នះម្ចាស់ផ្ទះប្រ៊ុយណេ ១-០ នាការប្រកួតបើកឆាកពានរង្វាន់ស្តេចប្រ៊ុយណេ ចាន់ វឌ្ឍនាកា ពេលទទួលពានកីឡាករឆ្នើមជាងគេប្រចាំលីកឆ្នាំ២០១៤
× ក្រុមកីឡាករបាល់ទាត់ជម្រើសជាតិយុវជនអាយុក្រោម២១ឆ្នាំរបស់កម្ពុជា បានសាងប្រវត្តិថ្មីនៅក្នុងព្រឹត្តិការណ៍អន្តរជាតិ បន្ទាប់ពីពួកគេបានយកឈ្នះម្ចាស់ផ្ទះប្រ៊ុយណេ ១-០ នាការប្រកួតបើកឆាកពូល B នៃព្រឹត្តិការណ៍ Hassanal Bolkiah Trophy ឆ្នាំ២០១៤ នៅកីឡដ្ឋាន Hassanal Bolkiah រាជធានីបង់ដាសិរីបេហ្គាវ៉ាន ប្រទេសប្រ៊ុយណេ។
គ្រាប់បាល់បញ្ចូលទីរបស់កម្ពុជា បានកើតឡើងនៅក្នុងនាទី ទី១៦ ដែលសម្រេចបានដោយ ចាន់ វឌ្ឍនាកា ដែលបានជាប់ជាកីឡាករឆ្នើមប្រចាំក្របខណ្ឌមិត្តហ្វូនខេមបូឌានលីកឆ្នាំ២០១៤ និងជាកីឡាកដែលមានប្រជាប្រិយភាពជាងគេរបស់ក្លិបចម្ការកៅស៊ូបឹងកេត។
ជាមួយនឹងជ័យជម្នះដ៏កម្រនេះ U21កម្ពុជាក្រោមការដឹកនាំរបស់លោក Lee Tae Hoon នឹងប្រឹងប្រែងបន្ថែមទៀតសម្រាប់ការប្រកួតដែលនៅសេសសល់ដោយរំពឹងថា អាចឈានដល់វគ្គ១/២ផ្តាច់ព្រ័ត្រដូចកាលពីឆ្នាំ២០០៧៕
© រក្សាសិទ្ធិដោយ thmeythmey.com