កីឡាជាតិ
ជាតិ
ពានស្តេចប្រ៊ុយណេ៖ U21កម្ពុជាប៉ះម៉ាឡេស៊ីនៅវេលាម៉ោង៧:១៥នាទីល្ងាចថ្ងៃពុធនេះ គ្រូបង្វឹកកូរ៉េខាងត្បូង Lee Tae Hoon ក្រោយការប្រកួតជាមួយសិង្ហបុរី។ រូបថត Brunei Times
× ក្រុមបាល់ទាត់យុវជនក្រោមអាយុ២១ឆ្នាំរបស់កម្ពុជា (U21) នឹងត្រូវប្រកួតជម្រុះក្នុងពូល B នៃពានរង្វាន់ Hassanal Bolkiah Trophy 2014 (HBT) លើកទី៣ ដោយប៉ះក្រុម ម៉ាឡេស៊ី វេលាម៉ោង ៧:១៥ នាទីល្ងាចនេះលើកីឡដ្ឋាន Track & Field Sports Complex ក្នុងរាជធានីបង់ដារសេរីបេហ្គាវ៉ាន់។
ងាកទៅមើល ២ ប្រកួតចុងក្រោយរបស់ក្រុមទាំង ២ សម្រាប់កម្ពុជា ២ ប្រកួតឈ្នះទាំង ២ ដោយដំបូងឈ្នះ ប្រ៊ុយណេ នៅថ្ងៃបើកឆាក ១ ទល់ ០ និងប្រកួតបន្ទាប់ឈ្នះសិង្ហបុរី ៣ – ១។ ចំណែកម៉ាឡេស៊ី ប្រកួតដំបូងមកប្រកួតស្មើ ឥណ្ឌូណេស៊ី ០ ទល់ ០ និង ឈ្នះវៀតណាម ២ ទល់ ០។
ទម្រង់ប្រកួតចុងក្រោយក្នុងពានរង្វាន់នេះរបស់លោកគ្រូបង្វឹក Lee Tae Hoon បានដាក់កីឡាករសំខាន់ៗមួយចំនួនដូចជា គួច សុកុម្ភៈ (ប្រធានក្រុម), ចាន់ វឌ្ឍនាកា, ប្រាក់ មុន្នីឧត្តម, រស់ សំអឿន, សុខ សុវណ្ណ និង ឈិន ឈឿន ជាដើម។
តារាងចំណាត់ថ្នាក់បណ្ដោះអាសន្ននៅពូល B មាន៖
១) កម្ពុជា ប្រកួត ២ លើកមាន ៦ ពិន្ទុ
២) ម៉ាឡេស៊ី ប្រកួត ២ លើកមាន ៤ ពិន្ទុ
៣) ប្រ៊ុយណេ ប្រកួត ២ លើកមាន ៣ ពិន្ទុ
៤) វៀតណាម ប្រកួត២ លើកមាន ៣ ពិន្ទុ
៥) ឥណ្ឌូណេស៊ី ប្រកួត២លើក មាន ១ ពិន្ទុ
៦) សិង្ហបុរី ប្រកួត ២ លើកមាន ០ ពិន្ទុ
សរុបការប្រកួតនៅថ្ងៃនេះក្នុងពូល B មាន៖
វៀតណាម Vs ឥណ្ឌូណេស៊ី ម៉ោង ៣ រសៀល
ម៉ាឡេស៊ី Vs កម្ពុជា ម៉ោង ៧:១៥ ល្ងាច
ប្រ៊ុយណេ Vs សិង្ហបុរី ម៉ោង ៧:១៥ នាទីល្ងាច
ដោយ ប៉ែន ប៉ារ៉ាឌី
© រក្សាសិទ្ធិដោយ thmeythmey.com