សុខភាព
អន្តរជាតិ
×![]()
ដោយ: ថ្មីៗ
វៀតណាមកំពុងតែត្រួតពិនិត្យលើជនជាតិនីហ្សេរីយ៉ាពីររូបដែលសង្ស័យថាបានឆ្លងជំងឺ Ebola បន្ទាប់ពីពួកគេមកដល់ទីក្រុងហូជីមិញតាមជើងហោះហើយមួយ ហើយពួកគេមានអាការៈគ្រុនក្តៅផងដែរ។ ក្រសួងសុខាភិបាលវៀតណាម បញ្ជាក់ថា គេកំពុងតាមដានមើលអាការអ្នកជំងឺទាំងពីរនាក់ ហើយបន្តត្រួតពិនិត្យមើលថាពួកគេមានឆ្លងជំងឺEbolaដែរឬទេ។ចំណែកនៅក្នុងប្រទេសមីយ៉ាន់ម៉ាក៏មានករណីអ្នកដំណើរមានអាការៈគ្រុនក្តៅខ្លាំងដូចគ្នាដែរ។ 
ស្តាប់លោក មុំ ពិទូរ្យ លម្តិតព័ត៌មាននេះ
ក្រសួងសុខាភិបាលវៀតណាម បានបញ្ជាក់ថា ខ្លួនកំពុងតែត្រួតពិនិត្យជនជាតិនីហ្សេរីយ៉ាពីរនាក់ដែលទើបមកដល់ទីក្រុងហួជីមីញថ្មីៗតាមរយៈជើ់ងហោះហើរមួយ ដែលពួកគេទាំងពីរនាក់មានអាការគ្រុនក្តៅគួរអោយសង្ស័យ។ មកទល់ពេលនេះជនជាតិនីហ្សេរីយ៉ាទាំងពីរនាក់កំពុងស្ថិតក្រោមការតាមដាន និងត្រួតពិនិត្យរកមេរោគ Ebola នៅក្នុងខ្លួនរបស់ពួកគេ។
មន្ត្រីក្រសួងសុខាភិបាលវៀតណាម បានអោយដឹងថា អ្នកដំណើរទាំងពីរនាក់ មិនមានរោគសញ្ញាអ្វីផ្សេងទៀតឡើយ ក្រៅពីគ្រុនក្តៅនេះ តែពួកគេនៅតែត្រូវគេបញ្ជូនទៅកាន់មន្ទីរពេទ្យមួយក្នុងតំបន់ភាគខាងត្បូង ប្រទេសវៀតណាម។
ចំណែកអ្នកដំណើរដែលអង្គុយក្បែរអ្នកជំងឺពីរនាក់នេះ ក៏ត្រូវបានគេផ្តល់អនុសាសន៍អោយត្រួតពិនិត្យសុខភាពរបស់ពួកគេដូចគ្នាដែរ ដើម្បីធានាថាពួកគេមិនមានឆ្លងជំងឺនេះទេ។ នៅក្នុងអាកាសយាន្តដ្ឋានរបស់វៀតណាមមានបំពាក់ឧបករណ៍សម្រាប់ស្ទង់កំដៅដើម្បីត្រួតពិនិត្យអ្នកដំណើរដែលឆ្លងកាត់ និងធ្វើដំណើរពីគ្រប់ទីកន្លែងលើពិភពលោក។
វិធានការដាក់ឧបករណ៍ស្ទង់កំដៅនេះ ពិតជាមានប្រយោជន៍សម្រាប់ការការពារមិនអោយអ្នកដំណើរដែលមានផ្ទុកមេរោគ ឬជំងឺនានាអាចចម្លងទៅអោយមនុស្សដទៃផ្សេងទៀតនៅក្នុងប្រទេស។ វិធានការរឹតបន្តឹង និងការពារនេះ ត្រូវបានគេរៀបចំឡើងក្រោយពេលដែលការឆ្លងមេរោគកាចសាហាវ Ebola កើនឡើងយ៉ាងឆាប់រហ័សដែលបណ្តាលអោយមនុស្សជាង ១០០០នាក់ស្លាប់បាត់បង់ជីវិត។
ចំណែកនៅក្នុងប្រទេសថៃឯនោះវិញ គេឃើញមានការរឹតបន្តឹងលើជើងហោះហើរដូចគ្នា ហើយវិធានការការពារជាច្រើនត្រូវបានដាក់ចេញនៅតាមអាកាសយាន្តដ្ឋានអន្តរជាតិក្នុងប្រទេសថៃ។ ទោះជាយ៉ាងណាក៏ដោយ ខាងក្រុមហ៊ុនអាកាសចរណ៍ថៃ បានបញ្ជាក់ថាមិនទាន់មានអ្នកឆ្លងមេរោគ Ebola ណាម្នាក់ធ្វើដំណើរតាមជើងហោះហើររបស់ក្រុមហ៊ុនអាកាសចរណ៍អន្តរជាតិថៃឡើយមកទល់ពេលនេះ ប៉ុន្តែខាងក្រុមហ៊ុន និងបណ្តាស្ថាប័នដែលពាក់ព័ន្ធផ្សេងទៀតកំពុងរៀបចំវិធានការចាំបាច់ផ្តល់ការប្រុងប្រយ័ត្នខ្ពស់ ដើម្បីរក្សាសុវត្ថិភាពអ្នកដំណើរ និងអ្នកបម្រើការលើយន្តហោះផងដែរ។
រីឯនៅប្រទេសមីយ៉ាន់ម៉ាក៏មានករណីសង្ស័យឆ្លងមេរោគ Ebolaនេះដែរ ដោយមានអ្នកដំណើរម្នាក់ដែលធ្វើដំណើរពីប្រទេសថៃមកកាន់ទីក្រុងរ៉ង់ហ្គូន ហើយមានអាការៈគ្រុនក្តៅខ្លាំង។ អ្នកដំណើរម្នាក់នោះត្រូវបានគេអះអាងថាធ្លាប់ធ្វើការងារនៅក្នុងប្រទេសហ្គីណេ និងប្រទេសលីប៊ី។
ដោយឡែកនៅតំបន់អាហ្វ្រិកខាងលិចឯនោះវិញ ប្រទេសលីបេរី ក្រៅពីរឹតបន្តឹងការធ្វើដំណើរឆ្លងកាត់តាមបន្ទាត់ព្រំដែន និង ប្រកាសរដ្ឋដាក់ក្នុងភាពអាសន្ន ប្រទេសនេះក៏សម្រេចដាក់បម្រាមគោចរពេលរាត្រីចាប់ពីម៉ោង ៩ យប់ ដល់ម៉ោង ៦ភ្លឺថែមទៀតផង។
លោកស្រីប្រធានាធិបតីលីបេរី Ellen Johnson បានអោយដឹងថា រាល់កន្លែងកម្សាន្តពេលរាត្រីនានានៅក្នុងប្រទេសត្រូវបិទទាំងអស់ដើម្បីធានាថាមិនមានប្រជាជនណាម្នាក់ចេញដើរហើរនៅពេលរាត្រីនោះឡើយ។ ចំពោះការដាក់បម្រាមគោចរនេះត្រូវបានដាក់ចេញដោយអាជ្ញាធរលីបេរី ក្រោយពេលដែលអ្នកឆ្លងជំងឺ Ebola ១៧នាក់ដែលបាត់ខ្លួនពីមជ្ឈមណ្ឌលសុខាភិបាលកាលពីថ្ងៃសៅរ៍ត្រូវបានគេរកឃើញវិញ។
នៅក្នុងប្រទេសលីបេរី ការឆ្លងមេរោគនេះមានកម្រិតខ្ពស់ និងរហ័សជាងគេ ដោយសារតែអាជ្ញាធរមិនបានយកចិត្តទុកដាក់ចំពោះសាកសពអ្នកស្លាប់ដោយសារមេរោគ Ebolaនេះ។ គេឃើញមានសាកសពអ្នកស្លាប់នៅដេករញ៉េរញ៉ៃតាមផ្លូវដោយ គ្មានការកប់ឬដុតអោយបានត្រឹមត្រូវឡើយ ដែលនេះវាអាចប្រឈមមុខនឹងគ្រោះថ្នាក់ខ្លាំងបំផុត។
នៅក្នុងប្រទេសលីបេរីអ្នកស្លាប់ដោយសារឆ្លងមេរោគនេះ កើនឡើងដល់៤៦៦នាក់ហើយ ខណៈពេលដែលនៅក្នុងប្រទេសហ្គីណេ អ្នកស្លាប់មានត្រឹម៣៩៤នាក់ និងសេរ៉ាឡេអូន មាន៣៦៥នាក់ប៉ុណ្ណោះ។ ទោះជាយ៉ាងណាក៏ដោយអ្នកជំងឺដែលឆ្លងថ្មី ត្រូវបានគេដាក់អោយនៅឆ្ងាយពីទីប្រជុំជន ហើយនឹងទទួលបាននូវការចាក់ថ្នាំសាកល្បងដើម្បីព្យាបាលផងដែរ៕
ប្រែសម្រួលដោយ សៅ ផលនិស្ស័យ
ស្តាប់លោក មុំ ពិទូរ្យ លម្តិតព័ត៌មាននេះ
ក្រសួងសុខាភិបាលវៀតណាម បានបញ្ជាក់ថា ខ្លួនកំពុងតែត្រួតពិនិត្យជនជាតិនីហ្សេរីយ៉ាពីរនាក់ដែលទើបមកដល់ទីក្រុងហួជីមីញថ្មីៗតាមរយៈជើ់ងហោះហើរមួយ ដែលពួកគេទាំងពីរនាក់មានអាការគ្រុនក្តៅគួរអោយសង្ស័យ។ មកទល់ពេលនេះជនជាតិនីហ្សេរីយ៉ាទាំងពីរនាក់កំពុងស្ថិតក្រោមការតាមដាន និងត្រួតពិនិត្យរកមេរោគ Ebola នៅក្នុងខ្លួនរបស់ពួកគេ។
មន្ត្រីក្រសួងសុខាភិបាលវៀតណាម បានអោយដឹងថា អ្នកដំណើរទាំងពីរនាក់ មិនមានរោគសញ្ញាអ្វីផ្សេងទៀតឡើយ ក្រៅពីគ្រុនក្តៅនេះ តែពួកគេនៅតែត្រូវគេបញ្ជូនទៅកាន់មន្ទីរពេទ្យមួយក្នុងតំបន់ភាគខាងត្បូង ប្រទេសវៀតណាម។
ចំណែកអ្នកដំណើរដែលអង្គុយក្បែរអ្នកជំងឺពីរនាក់នេះ ក៏ត្រូវបានគេផ្តល់អនុសាសន៍អោយត្រួតពិនិត្យសុខភាពរបស់ពួកគេដូចគ្នាដែរ ដើម្បីធានាថាពួកគេមិនមានឆ្លងជំងឺនេះទេ។ នៅក្នុងអាកាសយាន្តដ្ឋានរបស់វៀតណាមមានបំពាក់ឧបករណ៍សម្រាប់ស្ទង់កំដៅដើម្បីត្រួតពិនិត្យអ្នកដំណើរដែលឆ្លងកាត់ និងធ្វើដំណើរពីគ្រប់ទីកន្លែងលើពិភពលោក។
វិធានការដាក់ឧបករណ៍ស្ទង់កំដៅនេះ ពិតជាមានប្រយោជន៍សម្រាប់ការការពារមិនអោយអ្នកដំណើរដែលមានផ្ទុកមេរោគ ឬជំងឺនានាអាចចម្លងទៅអោយមនុស្សដទៃផ្សេងទៀតនៅក្នុងប្រទេស។ វិធានការរឹតបន្តឹង និងការពារនេះ ត្រូវបានគេរៀបចំឡើងក្រោយពេលដែលការឆ្លងមេរោគកាចសាហាវ Ebola កើនឡើងយ៉ាងឆាប់រហ័សដែលបណ្តាលអោយមនុស្សជាង ១០០០នាក់ស្លាប់បាត់បង់ជីវិត។
ចំណែកនៅក្នុងប្រទេសថៃឯនោះវិញ គេឃើញមានការរឹតបន្តឹងលើជើងហោះហើរដូចគ្នា ហើយវិធានការការពារជាច្រើនត្រូវបានដាក់ចេញនៅតាមអាកាសយាន្តដ្ឋានអន្តរជាតិក្នុងប្រទេសថៃ។ ទោះជាយ៉ាងណាក៏ដោយ ខាងក្រុមហ៊ុនអាកាសចរណ៍ថៃ បានបញ្ជាក់ថាមិនទាន់មានអ្នកឆ្លងមេរោគ Ebola ណាម្នាក់ធ្វើដំណើរតាមជើងហោះហើររបស់ក្រុមហ៊ុនអាកាសចរណ៍អន្តរជាតិថៃឡើយមកទល់ពេលនេះ ប៉ុន្តែខាងក្រុមហ៊ុន និងបណ្តាស្ថាប័នដែលពាក់ព័ន្ធផ្សេងទៀតកំពុងរៀបចំវិធានការចាំបាច់ផ្តល់ការប្រុងប្រយ័ត្នខ្ពស់ ដើម្បីរក្សាសុវត្ថិភាពអ្នកដំណើរ និងអ្នកបម្រើការលើយន្តហោះផងដែរ។
រីឯនៅប្រទេសមីយ៉ាន់ម៉ាក៏មានករណីសង្ស័យឆ្លងមេរោគ Ebolaនេះដែរ ដោយមានអ្នកដំណើរម្នាក់ដែលធ្វើដំណើរពីប្រទេសថៃមកកាន់ទីក្រុងរ៉ង់ហ្គូន ហើយមានអាការៈគ្រុនក្តៅខ្លាំង។ អ្នកដំណើរម្នាក់នោះត្រូវបានគេអះអាងថាធ្លាប់ធ្វើការងារនៅក្នុងប្រទេសហ្គីណេ និងប្រទេសលីប៊ី។
ដោយឡែកនៅតំបន់អាហ្វ្រិកខាងលិចឯនោះវិញ ប្រទេសលីបេរី ក្រៅពីរឹតបន្តឹងការធ្វើដំណើរឆ្លងកាត់តាមបន្ទាត់ព្រំដែន និង ប្រកាសរដ្ឋដាក់ក្នុងភាពអាសន្ន ប្រទេសនេះក៏សម្រេចដាក់បម្រាមគោចរពេលរាត្រីចាប់ពីម៉ោង ៩ យប់ ដល់ម៉ោង ៦ភ្លឺថែមទៀតផង។
លោកស្រីប្រធានាធិបតីលីបេរី Ellen Johnson បានអោយដឹងថា រាល់កន្លែងកម្សាន្តពេលរាត្រីនានានៅក្នុងប្រទេសត្រូវបិទទាំងអស់ដើម្បីធានាថាមិនមានប្រជាជនណាម្នាក់ចេញដើរហើរនៅពេលរាត្រីនោះឡើយ។ ចំពោះការដាក់បម្រាមគោចរនេះត្រូវបានដាក់ចេញដោយអាជ្ញាធរលីបេរី ក្រោយពេលដែលអ្នកឆ្លងជំងឺ Ebola ១៧នាក់ដែលបាត់ខ្លួនពីមជ្ឈមណ្ឌលសុខាភិបាលកាលពីថ្ងៃសៅរ៍ត្រូវបានគេរកឃើញវិញ។
នៅក្នុងប្រទេសលីបេរី ការឆ្លងមេរោគនេះមានកម្រិតខ្ពស់ និងរហ័សជាងគេ ដោយសារតែអាជ្ញាធរមិនបានយកចិត្តទុកដាក់ចំពោះសាកសពអ្នកស្លាប់ដោយសារមេរោគ Ebolaនេះ។ គេឃើញមានសាកសពអ្នកស្លាប់នៅដេករញ៉េរញ៉ៃតាមផ្លូវដោយ គ្មានការកប់ឬដុតអោយបានត្រឹមត្រូវឡើយ ដែលនេះវាអាចប្រឈមមុខនឹងគ្រោះថ្នាក់ខ្លាំងបំផុត។
នៅក្នុងប្រទេសលីបេរីអ្នកស្លាប់ដោយសារឆ្លងមេរោគនេះ កើនឡើងដល់៤៦៦នាក់ហើយ ខណៈពេលដែលនៅក្នុងប្រទេសហ្គីណេ អ្នកស្លាប់មានត្រឹម៣៩៤នាក់ និងសេរ៉ាឡេអូន មាន៣៦៥នាក់ប៉ុណ្ណោះ។ ទោះជាយ៉ាងណាក៏ដោយអ្នកជំងឺដែលឆ្លងថ្មី ត្រូវបានគេដាក់អោយនៅឆ្ងាយពីទីប្រជុំជន ហើយនឹងទទួលបាននូវការចាក់ថ្នាំសាកល្បងដើម្បីព្យាបាលផងដែរ៕
ប្រែសម្រួលដោយ សៅ ផលនិស្ស័យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
