សុខភាព
អន្តរជាតិ
ការសិក្សា៖ ថ្នាំបង្កាជំងឺអេបូឡាមានប្រសិទ្ធភាពក្នុងការសាកល្បងលើសត្វស្វា
× ថ្នាំបង្កាថ្មីមួយបានធ្វើការការពារសត្វស្វាក្នុងមន្ទីរពិសោធជាបណ្តោះអាសន្នមិនឲ្យឆ្លងមេរោគអេបូឡា ហើយការចាក់ថ្នាំដ៏គួរឲ្យជឿជាក់មួយនឹងផ្តល់នូវការការពារក្នុងរយៈពេលដ៏យូរអង្វែង។ នេះបើយោងទៅតាមការសិក្សាមួយកាលពីថ្ងៃអាទិត្យដែលបានយល់ព្រមឲ្យមានការសាកល្បងទៅលើខ្លួនមនុស្ស។
ការចាក់ថ្នាំបង្កាមួយនេះ ដែលត្រូវបានមានមូលដ្ឋានទៅលើមេរោគមួយដែលបង្កក្នុងខ្លួនសត្វស្វាឪ បានជួយឲ្យសត្វស្វា «នូវការការពាររយៈក្នុងរយៈពេលខ្លី និងរយៈពេលវែងទាំងស្រុង» ពីមេរោគដ៏កាចសាហាវអេបូឡា។ នេះបើយោងទៅតាមការបញ្ជាក់របស់ក្រុមអ្នកស្រាវជ្រាវក្នុងរបាយការណ៍សុខាភិបាល Nature Medicine។
សត្វពាហនៈដែលបានទទួលនូវការចាក់ថ្នាំ «បានធ្វើការអភិវឌ្ឍទៅលើប្រព័ន្ធភាពស៊ាំយ៉ាងស្ថិតស្ថិរ»។ វិទ្យាស្ថានជាតិសហរដ្ឋអាមេរិកនៃជំងឺប្រតិកម្ម និងបង្ករោគ (NIAID) បានប្រកាសកាលពីថ្ងៃទី២៨ ខែសីហា ថា ការសាកល្បងលើខ្លួនមនុស្សនឹងចាប់ផ្តើមនៅដើមខែកញ្ញា ក្រោយពីការទទួលបានលទ្ធផលដ៏គួរឲ្យជឿជាក់មួយក្នុងខ្លួនសត្វស្វា។
លទ្ធផលនៃការធ្វើតេស្តទាំងនេះ ត្រូវបានរំពឹងថា នឹងដឹងនៅចុងឆ្នាំនេះ។ ប្រសិនបើមានការយល់ព្រម «ថ្នាំបង្កានេះនឹងមានអត្ថប្រយោជន៍ដល់មនុស្សជាច្រើននាក់កំពុងតែស្ថិតក្នុងគ្រោះថ្នាក់ អំឡុងការផ្ទុះឡើងនៃជំងឺធម្មជាតិ»។ នេះបើយោងទៅក្រុមអ្នកស្រាវជ្រាវ។
ពួកគេបានអះអាងថា វានឹងមានថ្នាំបង្កាជាលើកទី១ប្រឆាំងនឹងជំងឺអេបូឡា ដែលបានសម្លាប់មនុស្សចំនួន១.៨៤១នាក់ហើយក្នុងចំណោមអ្នកផ្ទុកជំងឺនេះទាំង៣.៦៨៥នាក់ក្នុងប្រទេសហ្គីណេ លីប៊េរីយ៉ា និងសេរ៉ាឡេអូន៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com