កីឡាជាតិ
ជាតិ
Asian Games៖ បេសកកម្មដែលបានជោគជ័យបំផុតរបស់កម្ពុជាគិតពីឆ្នាំ ១៩៥៤ មក
ប្រតិភូកីឡាកម្ពុជានាពេលបើកព្រឹត្តិការណ៍ Asian Games ដោយមាន សៀវម៉ី ជាអ្នកកាន់ទង់ជាតិ។ រូបថត AFP
×![]()
«សូមពួកទេព្តា រក្សាមហាក្សត្រយើង ឲ្យបានរុងរឿង ដោយជ័យមង្គលសិរីសួស្តី […]»។ ប្រហែលជាមិនមានអ្នកណាគិតទុកមុននោះឡើយថា បទនគររាជនេះ ត្រូវបានបន្លឺឡើងក្នុងព្រឹត្តិការណ៍កីឡាអាស៊ី Asian Games អមដោយការបង្ហូតទង់ជាតិកម្ពុជាដែលដាក់នៅកម្រិតខ្ពស់ជាងគេ។ ការទទួលបានមេដាយមាសរបស់ ស៊ន សៀវម៉ី គឺកើតឡើងហួសពីការរំពឹងទុក ពីព្រោះនៅមុនការចេញដំណើរទៅកាន់ទីក្រុង Incheon ប្រទេសកូរ៉េខាងត្បូង ប្រតិភូកីឡាកម្ពុជាបានត្រឹមតែនិយាយថា អាចទទួលបានយ៉ាងហោចណាស់មេដាយសំរិទ្ធ១ ។
ព្រឹត្តិការណ៍កីឡាប្រចាំទ្វីបអាស៊ី Asian Games លើកទី១៩ នៅក្នុងទីក្រុង Incheon ប្រទេសកូរ៉េខាងត្បូងដែលបានចាប់តាំងពីថ្ងៃទី១៨ ខែកញ្ញា មក បានបិទបញ្ចប់ហើយកាលពីយប់ថ្ងៃសៅរ៍ ទី៤ ខែតុលា ឆ្នាំ២០១៤ ម្សិលមិញនេះ។ ការឈ្នះមេដាយមាសរបស់កីឡាការិនីតេក្វាន់ដូវ័យ១៩ឆ្នាំ ស៊ន សៀវម៉ី បាននាំឲ្យកម្ពុជាឈរនៅចំណាត់ថ្នាក់ទី២៨ក្នុងចំណោមប្រទេសចំនួន៣៧ដែលទទួលបានមេដាយ ខណៈ៨ប្រទេសផ្សេងទៀត មិនទទួលបានមេដាយណាមួយឡើយ។
វាជាការរង់ចាំអស់រយៈពេល៤៤ឆ្នាំ បើគិតចាប់តាំងពីឆ្នាំ១៩៧០មក ដែលកម្ពុជាហក់ចូលក្នុងតារាងនៃប្រទេសដែលទទួលបានមេដាយពីព្រឹត្តិការណ៍ប្រចាំទ្វីបនេះឡើងវិញ ហើយវាក៏ជាការទទួលបានមេដាយមាសដែលមិនធ្លាប់មានពីមុនផងដែរ បើគិតចាប់តាំងពីកម្ពុជាបានប្រឡូកខ្លួនក្នុងព្រឹត្តិការណ៍នេះនៅឆ្នាំ១៩៥៤ ។
សូមបញ្ជាក់ថា នេះជាមេដាយទី៧របស់កម្ពុជាពីព្រឹត្តិការណ៍កីឡា Asian Games បន្ទាប់ពីកម្ពុជាបានឈ្នះមេដាយសំរិទ្ធ១នៅឆ្នាំ១៩៦២ ឈ្នះមេដាយប្រាក់២ និងសំរិទ្ធ៣នៅឆ្នាំ១៩៧០ ។
ស៊ន សៀវមី គឺជាកីឡាការិនីតែម្នាក់គត់ដែលឆ្លងផុតដំណាក់កាលឈានទៅដល់ការដណ្តើមបានមេដាយ ខណៈអត្តពលិកបីរូបផ្សេងទៀត រួមមាន ស៊ន ដាវីន ដែលជាស្រីបង្កើតរបស់ សៀវមី កីឡាការិនីចំបាប់ ចូវ សុធារ៉ា កីឡាករចំបាប់ ងួន មករា បានរងបរាជ័យដ៏គួរឲ្យខកចិត្តនៅវគ្គ១/៤ផ្តាច់ព្រ័ត្រ។
លទ្ធផលនៃប្រភេទកីឡាផ្សេងទៀតមិនគួរឲ្យខកចិត្តប៉ុន្មាននោះឡើយ
នេះជាការ ចូលរួមលើកទី១១របស់កម្ពុជាក្នុងព្រឹត្តិការណ៍កីឡាដ៏ធំប្រចាំ ទ្វីបអាស៊ីនេះ។ នៅក្នុងព្រឹត្តិការណ៍កីឡាអាស៊ីលើកទី១៩ នៅទីក្រុង Incheon ប្រទេសកូរ៉េខាងត្បូងដែលចាប់ផ្តើមតាំងពីថ្ងៃទី១៩ ខែកញ្ញា មកនោះ កម្ពុជាបានចូលរួមប្រកួតលើប្រភេទកីឡាចំនួន៧ដែលមានអត្តពលិកចំនួន២០នាក់។ សម្រាប់វិញ្ញាសារ និងប្រភេទកីឡាផ្សេងទៀត បើទោះបីជាមិនអាចឈានទៅដល់ការដណ្តើមមេដាយក៏ដោយ កម្ពុជាក៏បានទទួលកំណត់ត្រាជ័យជម្នះមួយចំនួនផងដែរ។
តេក្វាន់ដូ៖
តេក្វាន់ដូដែលប្រភេទកីឡាចុងក្រោយរបស់កម្ពុជានៅក្នុងព្រឹត្តិការណ៍កីឡា Asian Games លើកទី១៧នេះ ក្រៅពីលទ្ធផលដ៏រំភើបរបស់ ស៊ន សៀវម៉ី នៅថ្ងៃដដែលនេះ ស៊ន ដាវីន បានប្រកួតចាញ់កីឡាការិនី អ៊ីរ៉ង់ក្នុងលទ្ធផល ១ទល់នឹង៨ នៅវគ្គ១/៤ផ្តាច់ព្រ័ត្រ បន្ទាប់ពីកីឡាករ បាន ខេមរា ចាញ់កីឡាករអាហ្វហ្គានីស្ថានក្នុងលទ្ធផល ៨ទល់នឹង២០ ។
បាល់ទះលើឆ្នេរខ្សាច់៖
និយាយពីកីឡាបាល់ទះលើឆ្នេរខ្សាច់ កីឡាករ លឹម សំអាត និងស៊ឹម ឃ្លោក បានធ្លាក់ចេញពីវគ្គជម្រុះតាមពូល ក្រោយប្រកួតចាញ់ក្រុមកីឡាករកាតា ស្រីលង្កា ប៉ុន្តែបានឈ្នះក្រុមបង់ក្លាដែស។
វាយកូនបាល់
ដោយឡែក កីឡាវាយកូនបាល់ ដែលមានកីឡាករ២រូប និងកីឡាការិនី១រូបនោះ កីឡាករ ម៉ម ផល្គុន និងឡុង សំនៀង បានធ្លាក់នៅជុំទីមួយលើវិញ្ញាសារវាយគូ។ នាការប្រកួតវាយទោល ម៉ម ផល្គុន បានយកឈ្នះកីឡាករអារ៉ាប៊ីសាអូឌីតនៅជុំទីមួយ ប៉ុន្តែចាញ់កីឡាករចិននៅជុំបន្ទាប់។ ដូចគ្នាផងដែរ ម៉ម ផល្គុន បានចាប់ដៃគូជាមួយ Andrea Ka លើវិញ្ញាសាវាយចម្រុះ ដោយបានឈ្នះក្រុមនេប៉ាល់នៅជុំទីមួយ ហើយចាញ់ក្រុមចិននៅជុំទីពីរ។
ហែលទឹក
ក្នុងការប្រកួតកីឡាហែលទឹក កីឡាករ ហែម ថុនពន្លឺ សុទ្ធតែបាននាំមុខនៅក្នុងក្រុមរបស់ខ្លួនទាំងវិញ្ញាសារហែលសេរី និងហែលកង្កែប ខណៈ កីឡាការិនី ហែម ថុនវិទិនី ក៏ធ្វើបានលទ្ធផលល្អដូចគ្នា។ បើទោះបីជាពួកគេមិនបានឈានដល់ការប្រកួតដណ្តើមយកមេដាយក៏ដោយ ប៉ុន្តែបើពិនិត្យលើថិរវេលារួម អត្តពលិកត្រកូល ហែម ទាំងពីររូបនេះ បាននាំមុខគូប្រជែងជាច្រើនប្រទេសផងដែរ។
ចំបាប់
រីឯចំបាប់ដែលជាប្រភេទកីឡារបស់កម្ពុជា ងួន មករា និង ចូវ សុធារ៉ា សុទ្ធតែឈានដល់ឱកាសដែលត្រូវដណ្តើមយកមេដាយ។ កីឡាការិនី ចូវ សុធារ៉ា បានឈានដល់វគ្គ១/៤ផ្តាច់ព្រ័ត្រដោយស្វ័យប្រវត្តិ ប៉ុន្តែឱកាសយកមេដាយរបស់គេត្រូវរារាំងដោយកីឡាការិនីថៃ។ ដោយឡែក កីឡាករ ងួន មករា គេបានបង្ហាញការភ្ញាក់ផ្អើលនាការប្រកួតវគ្គ១៦ក្រុមចុងក្រោយ ដោយឈ្នះកីឡាករអារ៉ាប៊ីសាអូឌីត ១២ទល់នឹង១ ប៉ុន្តែបានចាញ់កីឡាករជប៉ុននៅវគ្គ១/៤ផ្តាច់ព្រ័ត្រ ខណៈ ឌន សៅ និងឌន ស្រីម៉ៅ សុទ្ធតែធ្លាក់នៅវគ្គ១/៨ផ្តាច់ព្រ័ត្រ។
Soft Tennis
Soft Tennis ដែលជាកីឡាប្រភេទថ្មី កីឡាការិនី យី សុផានី ត្រូវក្រុមប្រឹក្សាអូឡាពិកអាស៊ី ដកសិទ្ធិប្រកួតបន្ទាប់ពីគំរូទឹកនោមរបស់គេត្រូវបានគេរកឃើញសារធាតុហាមឃាត់កម្រិតស្រាល។ សម្រាប់ការប្រកួតលើវិញ្ញាសាឯកត្តជន អន សម្បត្តិ បានយកឈ្នះកីឡាករមកពីតៃវ៉ាន់ និងតាជីគីស្ថាន ប៉ុន្តែចាញ់កីឡាករជប៉ុន ណេប៉ាល់ និងកូរ៉េខាងត្បូង។ រីឯការប្រកួតគូចម្រុះដែលចាប់ដៃគូជាមួយ ងួន ម៉េងឆេង ពួកគេបានចាញ់ទាំងបួនប្រកួតនៅក្នុងពូល។
អត្តពលកម្ម
ងាកទៅកីឡាអត្តពលកម្ម កីឡាករ ម៉ា វីរ៉ូ បានស្ថិតក្នុងចំណាត់ថ្នាក់លេខ១៩លើវិញ្ញាសារត់ចម្ងាយ៥០០០ម៉ែត្រ។ កីឡាករដើមកំណើតជប៉ុន Takizaki Kuniaki បានបញ្ចប់ចំណាត់ថ្នាក់លេខ១៤លើវិញ្ញាសារម៉ារ៉ាតុន ខណៈកីឡាករ ហែម ប៊ុនទីន បានឈានទៅដល់គោលដៅ ដូចការប្រកួតនៅទីក្រុងគ័ងស៊ូ ប្រទេសចិន កាលពីឆ្នាំ២០១០ ។
យោងតាម អនុក្រឹត្យថ្មីស្តីពីការផ្តល់ប្រាក់រង្វាន់របស់រដ្ឋាភិបាល ជ័យលាភីមេដាយមាសនឹងទទួលប្រាក់រង្វាន់ចំនួន៨០លានរៀល មេដាយប្រាក់បាន៤០លានរៀល និងមេដាយសំរិទ្ធ បាន២៤លានរៀល ហើយដៃគូឧបត្ថម្ភផ្សេងៗ សុទ្ធតែបានសន្យាផ្តល់រង្វាន់ជាទីគាប់ចិត្តបន្ថែមទៀតដែរ៕
ព្រឹត្តិការណ៍កីឡាប្រចាំទ្វីបអាស៊ី Asian Games លើកទី១៩ នៅក្នុងទីក្រុង Incheon ប្រទេសកូរ៉េខាងត្បូងដែលបានចាប់តាំងពីថ្ងៃទី១៨ ខែកញ្ញា មក បានបិទបញ្ចប់ហើយកាលពីយប់ថ្ងៃសៅរ៍ ទី៤ ខែតុលា ឆ្នាំ២០១៤ ម្សិលមិញនេះ។ ការឈ្នះមេដាយមាសរបស់កីឡាការិនីតេក្វាន់ដូវ័យ១៩ឆ្នាំ ស៊ន សៀវម៉ី បាននាំឲ្យកម្ពុជាឈរនៅចំណាត់ថ្នាក់ទី២៨ក្នុងចំណោមប្រទេសចំនួន៣៧ដែលទទួលបានមេដាយ ខណៈ៨ប្រទេសផ្សេងទៀត មិនទទួលបានមេដាយណាមួយឡើយ។
វាជាការរង់ចាំអស់រយៈពេល៤៤ឆ្នាំ បើគិតចាប់តាំងពីឆ្នាំ១៩៧០មក ដែលកម្ពុជាហក់ចូលក្នុងតារាងនៃប្រទេសដែលទទួលបានមេដាយពីព្រឹត្តិការណ៍ប្រចាំទ្វីបនេះឡើងវិញ ហើយវាក៏ជាការទទួលបានមេដាយមាសដែលមិនធ្លាប់មានពីមុនផងដែរ បើគិតចាប់តាំងពីកម្ពុជាបានប្រឡូកខ្លួនក្នុងព្រឹត្តិការណ៍នេះនៅឆ្នាំ១៩៥៤ ។
សូមបញ្ជាក់ថា នេះជាមេដាយទី៧របស់កម្ពុជាពីព្រឹត្តិការណ៍កីឡា Asian Games បន្ទាប់ពីកម្ពុជាបានឈ្នះមេដាយសំរិទ្ធ១នៅឆ្នាំ១៩៦២ ឈ្នះមេដាយប្រាក់២ និងសំរិទ្ធ៣នៅឆ្នាំ១៩៧០ ។
ស៊ន សៀវមី គឺជាកីឡាការិនីតែម្នាក់គត់ដែលឆ្លងផុតដំណាក់កាលឈានទៅដល់ការដណ្តើមបានមេដាយ ខណៈអត្តពលិកបីរូបផ្សេងទៀត រួមមាន ស៊ន ដាវីន ដែលជាស្រីបង្កើតរបស់ សៀវមី កីឡាការិនីចំបាប់ ចូវ សុធារ៉ា កីឡាករចំបាប់ ងួន មករា បានរងបរាជ័យដ៏គួរឲ្យខកចិត្តនៅវគ្គ១/៤ផ្តាច់ព្រ័ត្រ។
លទ្ធផលនៃប្រភេទកីឡាផ្សេងទៀតមិនគួរឲ្យខកចិត្តប៉ុន្មាននោះឡើយ
នេះជាការ ចូលរួមលើកទី១១របស់កម្ពុជាក្នុងព្រឹត្តិការណ៍កីឡាដ៏ធំប្រចាំ ទ្វីបអាស៊ីនេះ។ នៅក្នុងព្រឹត្តិការណ៍កីឡាអាស៊ីលើកទី១៩ នៅទីក្រុង Incheon ប្រទេសកូរ៉េខាងត្បូងដែលចាប់ផ្តើមតាំងពីថ្ងៃទី១៩ ខែកញ្ញា មកនោះ កម្ពុជាបានចូលរួមប្រកួតលើប្រភេទកីឡាចំនួន៧ដែលមានអត្តពលិកចំនួន២០នាក់។ សម្រាប់វិញ្ញាសារ និងប្រភេទកីឡាផ្សេងទៀត បើទោះបីជាមិនអាចឈានទៅដល់ការដណ្តើមមេដាយក៏ដោយ កម្ពុជាក៏បានទទួលកំណត់ត្រាជ័យជម្នះមួយចំនួនផងដែរ។
តេក្វាន់ដូ៖
តេក្វាន់ដូដែលប្រភេទកីឡាចុងក្រោយរបស់កម្ពុជានៅក្នុងព្រឹត្តិការណ៍កីឡា Asian Games លើកទី១៧នេះ ក្រៅពីលទ្ធផលដ៏រំភើបរបស់ ស៊ន សៀវម៉ី នៅថ្ងៃដដែលនេះ ស៊ន ដាវីន បានប្រកួតចាញ់កីឡាការិនី អ៊ីរ៉ង់ក្នុងលទ្ធផល ១ទល់នឹង៨ នៅវគ្គ១/៤ផ្តាច់ព្រ័ត្រ បន្ទាប់ពីកីឡាករ បាន ខេមរា ចាញ់កីឡាករអាហ្វហ្គានីស្ថានក្នុងលទ្ធផល ៨ទល់នឹង២០ ។
បាល់ទះលើឆ្នេរខ្សាច់៖
និយាយពីកីឡាបាល់ទះលើឆ្នេរខ្សាច់ កីឡាករ លឹម សំអាត និងស៊ឹម ឃ្លោក បានធ្លាក់ចេញពីវគ្គជម្រុះតាមពូល ក្រោយប្រកួតចាញ់ក្រុមកីឡាករកាតា ស្រីលង្កា ប៉ុន្តែបានឈ្នះក្រុមបង់ក្លាដែស។
វាយកូនបាល់
ដោយឡែក កីឡាវាយកូនបាល់ ដែលមានកីឡាករ២រូប និងកីឡាការិនី១រូបនោះ កីឡាករ ម៉ម ផល្គុន និងឡុង សំនៀង បានធ្លាក់នៅជុំទីមួយលើវិញ្ញាសារវាយគូ។ នាការប្រកួតវាយទោល ម៉ម ផល្គុន បានយកឈ្នះកីឡាករអារ៉ាប៊ីសាអូឌីតនៅជុំទីមួយ ប៉ុន្តែចាញ់កីឡាករចិននៅជុំបន្ទាប់។ ដូចគ្នាផងដែរ ម៉ម ផល្គុន បានចាប់ដៃគូជាមួយ Andrea Ka លើវិញ្ញាសាវាយចម្រុះ ដោយបានឈ្នះក្រុមនេប៉ាល់នៅជុំទីមួយ ហើយចាញ់ក្រុមចិននៅជុំទីពីរ។
ហែលទឹក
ក្នុងការប្រកួតកីឡាហែលទឹក កីឡាករ ហែម ថុនពន្លឺ សុទ្ធតែបាននាំមុខនៅក្នុងក្រុមរបស់ខ្លួនទាំងវិញ្ញាសារហែលសេរី និងហែលកង្កែប ខណៈ កីឡាការិនី ហែម ថុនវិទិនី ក៏ធ្វើបានលទ្ធផលល្អដូចគ្នា។ បើទោះបីជាពួកគេមិនបានឈានដល់ការប្រកួតដណ្តើមយកមេដាយក៏ដោយ ប៉ុន្តែបើពិនិត្យលើថិរវេលារួម អត្តពលិកត្រកូល ហែម ទាំងពីររូបនេះ បាននាំមុខគូប្រជែងជាច្រើនប្រទេសផងដែរ។
ចំបាប់
រីឯចំបាប់ដែលជាប្រភេទកីឡារបស់កម្ពុជា ងួន មករា និង ចូវ សុធារ៉ា សុទ្ធតែឈានដល់ឱកាសដែលត្រូវដណ្តើមយកមេដាយ។ កីឡាការិនី ចូវ សុធារ៉ា បានឈានដល់វគ្គ១/៤ផ្តាច់ព្រ័ត្រដោយស្វ័យប្រវត្តិ ប៉ុន្តែឱកាសយកមេដាយរបស់គេត្រូវរារាំងដោយកីឡាការិនីថៃ។ ដោយឡែក កីឡាករ ងួន មករា គេបានបង្ហាញការភ្ញាក់ផ្អើលនាការប្រកួតវគ្គ១៦ក្រុមចុងក្រោយ ដោយឈ្នះកីឡាករអារ៉ាប៊ីសាអូឌីត ១២ទល់នឹង១ ប៉ុន្តែបានចាញ់កីឡាករជប៉ុននៅវគ្គ១/៤ផ្តាច់ព្រ័ត្រ ខណៈ ឌន សៅ និងឌន ស្រីម៉ៅ សុទ្ធតែធ្លាក់នៅវគ្គ១/៨ផ្តាច់ព្រ័ត្រ។
Soft Tennis
Soft Tennis ដែលជាកីឡាប្រភេទថ្មី កីឡាការិនី យី សុផានី ត្រូវក្រុមប្រឹក្សាអូឡាពិកអាស៊ី ដកសិទ្ធិប្រកួតបន្ទាប់ពីគំរូទឹកនោមរបស់គេត្រូវបានគេរកឃើញសារធាតុហាមឃាត់កម្រិតស្រាល។ សម្រាប់ការប្រកួតលើវិញ្ញាសាឯកត្តជន អន សម្បត្តិ បានយកឈ្នះកីឡាករមកពីតៃវ៉ាន់ និងតាជីគីស្ថាន ប៉ុន្តែចាញ់កីឡាករជប៉ុន ណេប៉ាល់ និងកូរ៉េខាងត្បូង។ រីឯការប្រកួតគូចម្រុះដែលចាប់ដៃគូជាមួយ ងួន ម៉េងឆេង ពួកគេបានចាញ់ទាំងបួនប្រកួតនៅក្នុងពូល។
អត្តពលកម្ម
ងាកទៅកីឡាអត្តពលកម្ម កីឡាករ ម៉ា វីរ៉ូ បានស្ថិតក្នុងចំណាត់ថ្នាក់លេខ១៩លើវិញ្ញាសារត់ចម្ងាយ៥០០០ម៉ែត្រ។ កីឡាករដើមកំណើតជប៉ុន Takizaki Kuniaki បានបញ្ចប់ចំណាត់ថ្នាក់លេខ១៤លើវិញ្ញាសារម៉ារ៉ាតុន ខណៈកីឡាករ ហែម ប៊ុនទីន បានឈានទៅដល់គោលដៅ ដូចការប្រកួតនៅទីក្រុងគ័ងស៊ូ ប្រទេសចិន កាលពីឆ្នាំ២០១០ ។
យោងតាម អនុក្រឹត្យថ្មីស្តីពីការផ្តល់ប្រាក់រង្វាន់របស់រដ្ឋាភិបាល ជ័យលាភីមេដាយមាសនឹងទទួលប្រាក់រង្វាន់ចំនួន៨០លានរៀល មេដាយប្រាក់បាន៤០លានរៀល និងមេដាយសំរិទ្ធ បាន២៤លានរៀល ហើយដៃគូឧបត្ថម្ភផ្សេងៗ សុទ្ធតែបានសន្យាផ្តល់រង្វាន់ជាទីគាប់ចិត្តបន្ថែមទៀតដែរ៕
© រក្សាសិទ្ធិដោយ thmeythmey.com
