កីឡាអន្តរជាតិ
អន្តរជាតិ
×![]()
ដោយ: ថ្មីៗ
កីឡាករប្រណាំងម៉ូតូដ៏ឆ្នើមរបស់អេស្ប៉ាញ Marc Marquez បានរក្សាពានរង្វាន់ពិភពលោក MotoGP របស់គេយ៉ាងជោគជ័យតាមរយៈការបញ្ចប់ក្នុងចំណាត់ថ្នាក់លេខ២ពីក្រោយមិត្តរួមជាតិរបស់គេ Jorge Lorenzo ក្នុងការប្រណាំងម៉ូតូ Japanese Grand Prix កាលពីថ្ងៃអាទិត្យ។
កីឡាកររបស់ក្រុមហុងដាវ័យ២១ឆ្នាំរូបនេះ បានប្រាប់អ្នកយកព័ត៌មានថា៖ «រយៈពេលពីរឆ្នាំក្នុងការប្រណាំង MotoGP និងការឈ្នះពានរង្វាន់ពិភពលោកពីរ វាគឺជារឿងដ៏មិនគួរឲ្យជឿឡើយ។ ខ្ញុំមិនធ្លាប់បានស្រមៃគិតថា នឹងឈ្នះឡើយ។ មនុស្សជាច្រើនអាចនឹងមើលឃើញថា ងាយស្រួល ពីព្រោះខ្ញុំតែងតែញញឹម និងតែងតែរីករាយ ប៉ុន្តែ ខ្ញុំក៏មានអារម្មណ៍ថា មានសម្ពាធផងដែរ»។
Marquez ដែលបានក្លាយជាម្ចាស់ជើងឯកវ័យក្មេងបំផុតក្នុងការប្រណាំងម៉ូតូ MotoGP កាលពីឆ្នាំមុននោះ បានធ្វើការអបអរជ័យជម្នះយ៉ាងរីករាយ តាមរយៈការយកដាវពីអ្នកប្រយុទ្ធសាម៉ូរ៉ៃម្នាក់ និងមួកពណ៌មាសពីស្ត្រីស្លៀកសំលៀកបំពាក់ប្រពៃណីជប៉ុនដ៏ស្រស់ស្អាតម្នាក់យកមកអបអរជាមួយនឹងជ័យជម្នះរបស់គេ។
កីឡាករ Lorenzo បានទទួលជ័យជម្នះនៅលើទីលាន Motegi សម្រាប់ក្រុម Yamaha ដូចអ្វីដែលគេបានធ្វើកាលពីឆ្នាំមុន តាមរយៈការបញ្ចប់ក្នុងថិរវេលា៤២នាទី និង២១,២៥៩វិនាទីដើម្បីកត់ត្រាជ័យជម្នះដូចនៅលើទីលាន Aragon កាលពីពីរសប្តាហ៍មុនអ៊ីចឹងដែរ ខណៈដែល Marquez បានឈរលេខ២បន្ទាប់ពីរូបគេ ហើយកីឡាករ Valentino Rossi បានបញ្ចប់ក្នុងចំណាត់ថ្នាក់លេខ៣សម្រាប់ក្រុម Yamaha។
ការបញ្ចប់ក្នុងចំណាត់ថ្នាក់លេខ២ក្នុងការប្រណាំងនៅជប៉ុននេះ មានន័យថា រូបមានពិន្ទុដាច់នៅលើតារាងពិន្ទុរួម និងត្រូវឈ្នះពានពិភពលោក បើទោះបីនៅសល់ការប្រណាំង៣លើកទៀតក៏ដោយ៕
ប្រែសម្រួលដោយ ផេង សំណាង
កីឡាកររបស់ក្រុមហុងដាវ័យ២១ឆ្នាំរូបនេះ បានប្រាប់អ្នកយកព័ត៌មានថា៖ «រយៈពេលពីរឆ្នាំក្នុងការប្រណាំង MotoGP និងការឈ្នះពានរង្វាន់ពិភពលោកពីរ វាគឺជារឿងដ៏មិនគួរឲ្យជឿឡើយ។ ខ្ញុំមិនធ្លាប់បានស្រមៃគិតថា នឹងឈ្នះឡើយ។ មនុស្សជាច្រើនអាចនឹងមើលឃើញថា ងាយស្រួល ពីព្រោះខ្ញុំតែងតែញញឹម និងតែងតែរីករាយ ប៉ុន្តែ ខ្ញុំក៏មានអារម្មណ៍ថា មានសម្ពាធផងដែរ»។
Marquez ដែលបានក្លាយជាម្ចាស់ជើងឯកវ័យក្មេងបំផុតក្នុងការប្រណាំងម៉ូតូ MotoGP កាលពីឆ្នាំមុននោះ បានធ្វើការអបអរជ័យជម្នះយ៉ាងរីករាយ តាមរយៈការយកដាវពីអ្នកប្រយុទ្ធសាម៉ូរ៉ៃម្នាក់ និងមួកពណ៌មាសពីស្ត្រីស្លៀកសំលៀកបំពាក់ប្រពៃណីជប៉ុនដ៏ស្រស់ស្អាតម្នាក់យកមកអបអរជាមួយនឹងជ័យជម្នះរបស់គេ។
កីឡាករ Lorenzo បានទទួលជ័យជម្នះនៅលើទីលាន Motegi សម្រាប់ក្រុម Yamaha ដូចអ្វីដែលគេបានធ្វើកាលពីឆ្នាំមុន តាមរយៈការបញ្ចប់ក្នុងថិរវេលា៤២នាទី និង២១,២៥៩វិនាទីដើម្បីកត់ត្រាជ័យជម្នះដូចនៅលើទីលាន Aragon កាលពីពីរសប្តាហ៍មុនអ៊ីចឹងដែរ ខណៈដែល Marquez បានឈរលេខ២បន្ទាប់ពីរូបគេ ហើយកីឡាករ Valentino Rossi បានបញ្ចប់ក្នុងចំណាត់ថ្នាក់លេខ៣សម្រាប់ក្រុម Yamaha។
ការបញ្ចប់ក្នុងចំណាត់ថ្នាក់លេខ២ក្នុងការប្រណាំងនៅជប៉ុននេះ មានន័យថា រូបមានពិន្ទុដាច់នៅលើតារាងពិន្ទុរួម និងត្រូវឈ្នះពានពិភពលោក បើទោះបីនៅសល់ការប្រណាំង៣លើកទៀតក៏ដោយ៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
