សុខភាព
អន្តរជាតិ
WHO ប្រាប់ឲ្យអាស៊ីខាងកើត និងប៉ាស៊ីហ្វិកពង្រឹងការការពារជំងឺអេបូឡា
×
លោកស្រី Margaret Chan ប្រធានអង្គការសុខភាពពិភពលោក (WHO) កាលពីថ្ងៃចន្ទបានជំរុញឲ្យប្រទេសក្នុងតំបន់់អាស៊ីខាងកើត និងប៉ាស៊ីហ្វិកពង្រឹងការការពាររបស់ខ្លួនប្រឆាំងនឹងការផ្ទុះរបស់ជំងឺអេបូឡា តាមរយៈការព្រមានថា ពិភពលោកទាំងមូលអាចនឹងជួបគ្រោះថ្នាក់។
តំបន់ដែលមានប្រជាជនរស់នៅចំនួន១,៨ពាន់នាក់មួយនេះ បានក្លាយជាជម្រកដ៏សំខាន់នៃការកើតឡើងរបស់ជំងឺជាច្រើន ក្នុងនោះរាប់បញ្ចូលទាំងជំងឺផ្លូវដង្ហើមធ្ងន់ធ្ងរ ឬជំងឺសារ៍ (SARS) និងជំងឺផ្តាសាយបក្សីផងដែរ ប៉ុន្តែ មកទល់ពេលនេះមិនមានករណីមេរោគអេបូឡា ដែលកំពុងតែរាតត្បាតផ្នែកជាច្រើននៃតំបន់អាហ្វ្រិកខាងលិចឡើយ។
លោកស្រី Chan បានប្រាប់កិច្ចប្រជុំប្រចាំឆ្នាំរបសមន្ត្រីសុខភាពប្រចាំតំបន់អាស៊ីប៉ាស៊ីហ្វិកថា៖ «ក្នុងលក្ខខណ្ឌជាធម្មតាបំផុត ការផ្ទុះនៃជំងឺនេះបង្ហាញពីរបៀបនៃមេរោគមួយក្នុងចំណោមមេរោគដ៏កាចសាហាវបំផុតនៅលើផែនដីដែលអាចធ្វើឲ្យមានភាពខ្សោយទៅលើហេដ្ឋារចនាសម្ព័ន្ធសុខភាព»។
លោកស្រីបានបន្ថែមទៀតថា៖ «អ្នកមិនអាចកសាងប្រព័ន្ធទាំងនេះឲ្យល្អប្រសើរអំឡុងពេលមានវិបត្តិនេះឡើយ។ ផ្ទុយទៅវិញ ពួកគេនឹងទទួលបរាជ័យ។ ប្រព័ន្ធសុខភាពដែលមិនដំណើរការ មានន័យថា អត្រាសូន្យរបស់ប្រជាជននឹងងើបឡើងវិញក្នុងកម្រិតដ៏គួរឲ្យភ្ញាក់ផ្អើល»។
មនុស្សច្រើនជាង៤ពាន់នាក់រួចមកហើយបានស្លាប់ដោយសាតែជំងឺអេបូឡាក្នុងប្រទេសចំនួន៧ បើគិតចាប់តាំងពីការផ្ទុះមេរោគដ៏កាចសាហាវបំផុតនេះបានចាប់ផ្តើមកើតឡើងនៅក្នុងប្រទេសស្ថិតនៅអាហ្វ្រិកខាងលិចកាលពីដើមឆ្នាំនេះ។ ប្រទេស និងដែនដីចំនួន៣៧ក្នុងនោះរាប់បញ្ចូលទាំងប្រទេសចិន តំបន់មួយចំនួននៅអាស៊ីខាងកើត អូស្ត្រាលី នូវែលសេឡង់ ប្រទេសមួយចំនួនក្នុងតំបន់អាស៊ីអាគ្នេយ៍ និងតំបន់កោះប៉ាស៊ីហ្វិក សុទ្ធសឹងត្រូវបានគេចាត់ទុកថា ស្ថិតក្នុងតំបន់ប៉ាស៊ីហ្វិកខាងលិចរបស់ WHO៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com