ខ្មែរក្រហម
ជាតិ
×![]()
ភ្នំពេញ៖ អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងចាប់ផ្តើមបើកសវនាការលើអង្គសេចក្តីក្នុងសំណុំរឿង ០០២ / ០២ ប្រឆាំងនឹង នួន ជា និង ខៀវ សំផន នៅថ្ងៃទី១៧ ខែតុលា ឆ្នាំ២០១៤ វេលាម៉ោង ៩ព្រឹក។ បើតាមសេចក្តី ប្រកាសព័ត៌មានរបស់ អ ត វ ក អង្គសវនាការនឹងប្រព្រឹត្តទៅនៅក្នុងសាលសវនាការធំរបស់ អង្គជំនុំជម្រះវិសាមញ្ញក្នុងតុលាការកម្ពុជា។
សំណុំរឿង ០០២ / ០២ ជាការជំនុំជម្រះក្តីទី២ ប្រឆាំងនឹង នួន ជា និង ខៀវ សំផន។ មូលដ្ឋានសម្រាប់ការជំនុំជម្រះនៃសំណុំរឿង ០០២ / ០២ នេះ ផ្អែកលើទីតាំង ឧក្រិដ្ឋកម្មដែលបានចោទប្រកាន់ និងការចោទប្រកាន់តាមអង្គហេតុ។ បទចោទទាំងនោះ រួមមាន បទប្រល័យពូជសាសន៍ចំពោះជនជាតិចាម និងវៀតណាម (ដោយមិនរាប់បញ្ចូល បទឧក្រិដ្ឋ ដែលប្រព្រឹត្តដោយកងទ័ពបដិវត្តន៍កម្ពុជាក្នុងទឹកដីវៀតណាមទេ) ការរៀបការ ដោយបង្ខំ និងបទរំលោភសេពសន្ថវៈទូទាំងប្រទេស ការបោសសម្អាតផ្ទៃក្នុង មន្ទីរសន្តិសុខ ស-២១ និងមន្ទីរសន្តិសុខមួយចំនួនផ្សេងទៀត។
សហព្រះរាជអាជ្ញានឹងត្រូវអនុញ្ញាតឲ្យធ្វើសេចក្តីសន្និដ្ឋានបើកលើបទចោទប្រកាន់ ចំពោះ ជនជាប់ចោទដោយសង្ខេប ហើយជនជាប់ចោទ និងមេធាវីការពារក្តីនឹងត្រូវផ្តល់ឱកាស ក្នុងការធ្វើសេចក្តីសន្និដ្ឋានតបដោយសង្ខេបផងដែរ។
អង្គជំនុំជម្រះ អ វ ត ក នឹងកោះហៅសាក្សីទី១ ដើម្បីផ្តល់សក្ខីកម្មនៅថ្ងៃច័ន្ទ ទី២០ ខែតុលា ឆ្នាំ ២០១។ អង្គហេតុដែលនឹងត្រូវស្តាប់នៅក្នុងពេលសវនាការវគ្គទី១ គឺទាក់ទងនឹង សហករណ៍ត្រាំកក់ ដោយរាប់បញ្ចូលទាំងការប្រព្រឹត្តទៅលើពុទ្ធសាសនិក និងមន្ទីរ សន្តិសុខក្រាំងតាចាន់។
សវនាការលើសំណុំរឿង ០០២/០២ នេះ នឹងបើកទូលាយសម្រាប់សាធារណជន និង តំណាងសារព័ត៌មានឲ្យចូលរួមស្តាប់សវនាការ ហើយកន្លែងនៅក្នុងសាលសវនាការ នឹងត្រូវចែកជូនដោយគោរពតាមគោលការណ៍អ្នកមកមុនបានមុន។ ច្រកទ្វារចូលសម្រាប់ សាធារណជននឹងចាប់ផ្តើមនៅវេលាម៉ោង ៧ ព្រឹក រៀងរាល់ថ្ងៃសវនាការ។
យោងតាមដីកាកំណត់កាលបរិច្ឆេទសវនាការរបស់អង្គជំនុំជម្រះសាលាដំបូង សវនាការ ពិនិត្យភស្តុតាងវគ្គដំបូងក្នុងសំណុំរឿង ០០២/០២ នឹងប្រព្រឹត្តទៅចាប់ពីថ្ងៃសុក្រ ទី១៧ ខែតុលា ឆ្នាំ ២០១៤ រហូតដល់ថ្ងៃព្រហស្បតិ៍ ទី១៨ ខែធ្នូ ឆ្នាំ ២០១៤ ។ អង្គជំនុំជម្រះ សាលាដំបូងនឹងដំណើរការសវនាការ ៣ ថ្ងៃក្នុង ១ សបា្តហ៍ ហើយចាប់ផ្តើមសវនាការ ពីម៉ោង ៩ព្រឹក និងបញ្ចប់នៅម៉ោង ៤:០០ រសៀល៕
© រក្សាសិទ្ធិដោយ thmeythmey.com
