ខ្មែរក្រហម
ជាតិ
តុលាការខ្មែរក្រហម៖ ដើមបណ្តឹងរដ្ឋប្បវេណីទារសំណងជំងឺចិត្ត ម្នាក់១៣៥០០ ដុល្លារ
×![]()
ដោយ: ធឿន បញ្ញាឬទិ្ធ
ជនរងគ្រោះក្នុងរបបខ្មែរក្រហម និងជាដើមបណ្តឹងរដ្ឋប្បវេណី បានប្រកាសទាមទារសំណងជំងឺចិត្ត ១៣៥០០ដុល្លារ សម្រាប់ម្នាក់ៗដែលមានឈ្មោះក្នុងពាក្យបណ្តឹងនៅតុលាការខ្មែរក្រហម។ ការទាមទារនេះត្រូវបានធ្វើឡើងជាសាធារណៈនៅព្រឹកថ្ងៃសុក្រទី១៧ ខែតុលានេះ នៅមុខសាលាក្តីខ្មែរក្រហម ដែលត្រូវចាប់ផ្តើមសវនាការសំណុំរឿង០០២ វគ្គ២ ។
ស្តាប់សំឡេង
ក្រុមដើមបណ្តឹងរដ្ឋប្បវេណី ដែលគេឃើញមានលោក ប៊ូ ម៉េង ដែលជាអ្នកទោសរួចផុតពីការកាប់សម្លាប់នៅមន្ទីរសន្តិសុខ ទួលស្លែងដែរនោះ បានកាន់ផ្ទាំងក្រដាស ស ម្នាក់មួយដែលមានសរសេរអក្សរជាភាសាខ្មែរ និងភាសាអង់គ្លេសផងថា«យើងជាដើមបណ្តឹងរដ្ឋប្បវេណីនៃសាលាក្តីខ្មែរក្រហម សូមទាមទារសំណងជាបុគ្គលដាច់ខាត»។ នៅក្នុងសេចក្តីថ្លែងការណ៍របស់ខ្លួនកាលពីថ្ងៃទី១៦តុលា ក្រុមដើមបណ្តឹងរដ្ឋប្បវេណីបានសរសេរថា៖«អំពើទារុណកម្ម និងការឈឺចាប់ពីសម័យនោះរហូតមកដល់ពេលនេះ ទំហំនៃការរងទុក្ខ ការបាត់បង់ ការឈឺចាប់ទាំងអស់នេះមិនអាចកាត់ថ្លៃបានឡើយ ហើយទឹកប្រាក់ដែលយើងខ្ញុំទាមទារចំពោះមុខនេះ វាគ្រាន់តែជាចំណែកដ៏តូចមួយសម្រាប់កាត់បន្ថយការឈឺចាប់ប៉ុណ្ណោះ»។
លើសពីនេះសេចក្ដីថ្លែងការណ៍នោះ ក៏បានបន្ទោសថា សាលក្រមនៃសំណុំរឿង០០២ វគ្គ១ កន្លងមក វាជាប្រភេទសំណងមិនពិតប្រាកដ ជាពិសេសសំណងទាំងនោះ ហាក់បីដូចជា ឡប់ឡែរវាងអង្គការក្រៅរដ្ឋាភិបាល ជាមួយនឹងសាលាក្តីខ្មែរក្រហម វាមិនមែនជាសំណង ស្របតាឆន្ទៈពិតប្រាកដរបស់ដើមបណ្តឹងរដ្ឋប្បវេណីឡើយ។
ក្រៅពីការទាមទារសំណងជាថវិកា ក្រុមដើមបណ្តឹងរដ្ឋប្បវេណីក៏បានស្នើអោយមានការសាង សង់ សារមន្ទីរមួយ រោងបុណ្យមួយ បណ្ណាល័យមួយលើទំហំផ្ទៃដីសាងសង់មួយហិចតា ក្នុងខេត្តនីមួយៗនៅទូទាំងប្រទេស។
សំណុំរឿង ០០២/០២ គឺជាការជំនុំជម្រះក្តីទី២ប្រឆាំងនឹងលោក នួន ជា និងខៀវ សំផន។ ជាបទឧក្រិដ្ឋកម្មដែលបានចោទប្រកាន់តាមអង្គហេតុ ១ពីបទប្រល័យពូជសាសន៍ចំពោះជនជាតិខ្មែរ ចាម និងវៀតណាម។ ២ ការរៀបការដោយបង្ខំ និងបទរំលោភសេពសន្ថវៈជាដើម៕
ស្តាប់សំឡេង
ក្រុមដើមបណ្តឹងរដ្ឋប្បវេណី ដែលគេឃើញមានលោក ប៊ូ ម៉េង ដែលជាអ្នកទោសរួចផុតពីការកាប់សម្លាប់នៅមន្ទីរសន្តិសុខ ទួលស្លែងដែរនោះ បានកាន់ផ្ទាំងក្រដាស ស ម្នាក់មួយដែលមានសរសេរអក្សរជាភាសាខ្មែរ និងភាសាអង់គ្លេសផងថា«យើងជាដើមបណ្តឹងរដ្ឋប្បវេណីនៃសាលាក្តីខ្មែរក្រហម សូមទាមទារសំណងជាបុគ្គលដាច់ខាត»។ នៅក្នុងសេចក្តីថ្លែងការណ៍របស់ខ្លួនកាលពីថ្ងៃទី១៦តុលា ក្រុមដើមបណ្តឹងរដ្ឋប្បវេណីបានសរសេរថា៖«អំពើទារុណកម្ម និងការឈឺចាប់ពីសម័យនោះរហូតមកដល់ពេលនេះ ទំហំនៃការរងទុក្ខ ការបាត់បង់ ការឈឺចាប់ទាំងអស់នេះមិនអាចកាត់ថ្លៃបានឡើយ ហើយទឹកប្រាក់ដែលយើងខ្ញុំទាមទារចំពោះមុខនេះ វាគ្រាន់តែជាចំណែកដ៏តូចមួយសម្រាប់កាត់បន្ថយការឈឺចាប់ប៉ុណ្ណោះ»។
លើសពីនេះសេចក្ដីថ្លែងការណ៍នោះ ក៏បានបន្ទោសថា សាលក្រមនៃសំណុំរឿង០០២ វគ្គ១ កន្លងមក វាជាប្រភេទសំណងមិនពិតប្រាកដ ជាពិសេសសំណងទាំងនោះ ហាក់បីដូចជា ឡប់ឡែរវាងអង្គការក្រៅរដ្ឋាភិបាល ជាមួយនឹងសាលាក្តីខ្មែរក្រហម វាមិនមែនជាសំណង ស្របតាឆន្ទៈពិតប្រាកដរបស់ដើមបណ្តឹងរដ្ឋប្បវេណីឡើយ។
ក្រៅពីការទាមទារសំណងជាថវិកា ក្រុមដើមបណ្តឹងរដ្ឋប្បវេណីក៏បានស្នើអោយមានការសាង សង់ សារមន្ទីរមួយ រោងបុណ្យមួយ បណ្ណាល័យមួយលើទំហំផ្ទៃដីសាងសង់មួយហិចតា ក្នុងខេត្តនីមួយៗនៅទូទាំងប្រទេស។
សំណុំរឿង ០០២/០២ គឺជាការជំនុំជម្រះក្តីទី២ប្រឆាំងនឹងលោក នួន ជា និងខៀវ សំផន។ ជាបទឧក្រិដ្ឋកម្មដែលបានចោទប្រកាន់តាមអង្គហេតុ ១ពីបទប្រល័យពូជសាសន៍ចំពោះជនជាតិខ្មែរ ចាម និងវៀតណាម។ ២ ការរៀបការដោយបង្ខំ និងបទរំលោភសេពសន្ថវៈជាដើម៕
© រក្សាសិទ្ធិដោយ thmeythmey.com
