កីឡាជាតិ
ជាតិ
ចំបាប់កម្ពុជាឈ្នះមេដាយមាស១ ប្រាក់១និងសំរឹទ្ធ២ ពីព្រឹត្តិការណ៍ជើងឯកអាស៊ាន-អូស្ត្រាលី កីឡាករ ឌន សៅ ដែលដណ្តើមបានមេដាយមាសជូនជាតិ។ រូបថត ហ្វេសប៊ុកសហព័ន្ធកីឡាចំបាប់កម្ពុជា
× ចំបាប់បានផ្តល់កិត្យានុភាពថ្មីមួយបន្ថែមទៀតសម្រាប់វិស័យកីឡានៅកម្ពុជានាឆ្នាំ២០១៤ នេះ តាមរយៈការទទួលបានមេដាយមាស១ ប្រាក់១ និងសំរឹទ្ធ២ ពីព្រឹត្តិការណ៍ប្រកួតកីឡាចំបាប់ដណ្តើមជើងឯកអាស៊ាន បូកអូស្ត្រាលី (SEA & Australasian Championship) នៅ Yishun Sports Hall ប្រទេសសិង្ហបុរី ពីថ្ងៃទី២៥ ដល់ថ្ងៃទី២៦ ខែតុលា ឆ្នាំ២០១៤ ។
ព្រឹត្តិការណ៍ចំបាប់ដណ្តើមជើងឯកជាលើកដំបូងនេះ មានការចូលរួមពីបណ្តាប្រទេសចំនួន៦នៅក្នុងតំបន់អាស៊ានដែលរួមមានកម្ពុជា ម្ចាស់ផ្ទះសិង្ហបុរី វៀតណាម ម៉ាឡេស៊ី ថៃ និងហ្វីលីពីន បូកជាមួយអត្តពលិកមកពីប្រទេសអូស្ត្រាលី។
កីឡាករ ឌន សៅ បាននាំមេដាយមាសជូនកម្ពុជាក្នុងប្រទេសទម្ងន់៩៧គីឡូក្រាម បន្ទាប់ពីរូបគេបានយកឈ្នះកីឡាករឥណ្ឌូនេស៊ី Torres Robertson ក្នុងលទ្ធផលពិន្ទុ ១១ ទល់នឹង ០ ហើយបន្តយកឈ្នះកីឡាករ សិង្ហបុរី Tan Jeffry ក្នុងលទ្ធផល ៨ ទល់នឹង ០ នៅថ្ងៃអាទិត្យ ទី២៦ ខែតុលា ឆ្នាំ២០១៤ ដដែលនេះ។
ស្របពេលជាមួយគ្នានេះផងដែរ កីឡាករ ចាប លឿន បានទទួលមេដាយសំរិទ្ធ ក្នុងប្រភេទទម្ងន់៨៦គីឡូក្រាម ខណៈ កាលពីថ្ងៃម្សិលមិញ កីឡាការិនី ចូវ សុធារ៉ា ឈ្នះមេដាយប្រាក់ក្នុងទម្ងន់៤៨គីឡូក្រាម រីឯ ឆាំ ពិស៊ីន បានមេដាយសំរិទ្ធក្នុងការប្រកួតប្រភេទចំបាប់ស្ទីលក្រិកកូទម្ងន់៦៦គីឡូក្រាម៕
© រក្សាសិទ្ធិដោយ thmeythmey.com