កីឡាជាតិ
ជាតិ
CBL៖ Emperors និង Sabay Tiger Mosquitoes ប្រជែងគ្នាទៅវគ្គ១/២ផ្តាច់ព្រ័ត្រ ជំនួបកន្លងរវាងក្រុម Sabay (ស) និងក្រុម Emperors។ រូបថត ហ្វេសប៊ុក CBL
× ក្រុម Davies Paints, Pate 310 និង Mekong Tigers បានកក់កៅអីរួចហើយសម្រាប់ការប្រកួតវគ្គពាក់កណ្តាលផ្តាច់ព្រ័ត្រនៃក្របខណ្ឌកីឡាបាល់បោះកម្ពុជា (CBL) ដោយកៅអីមួយទៀតកំពុងរង់ចាំជំនួបកាត់ក្តីរវាងក្រុម Sabay Tiger Mosquitoes និងក្រុម Emperors នាវេលាម៉ោង៤រសៀលថ្ងៃ សៅរ៍នេះ នៅពហុកីឡដ្ឋានជាតិ។
ក្រុម Sabay Tigers Mosquitoes និងក្រុម Emperors សុទ្ធតែមានជំនឿចិត្តរៀងៗខ្លួនក្នុងការដណ្តើមជ័យជម្នះទៅកាន់វគ្គពាក់កណ្តាលផ្តាច់ព្រ័ត្រ។ នាការប្រកួតវគ្គ Play off កន្លងមក ក្រុមទាំងពីរ បានយកឈ្នះទៅវិញទៅមក។
នាការប្រកួតលើកដំបូង Sabay បានយកឈ្នះក្នុងលទ្ធផលពិន្ទុ ៥៩-៥៧ ប៉ុន្តែ Emperors បានសងសឹកវិញក្នុងលទ្ធផល ៦៤-៦១ នាជំនួបលើកទីពីរ ដែលនាំឲ្យឈានដល់ការប្រកួតសម្រេចសេចក្តីនារសៀលថ្ងៃសៅរ៍នេះ។
តើ Emperors ឬ Sabay Tiger Mosquitoes ដែលត្រូវចូលរួមជាមួយ Davies Paints, Pate 310 និង Mekong Tigers នាការប្រកួតវគ្គ៤ក្រុមចុងក្រោយ?
© រក្សាសិទ្ធិដោយ thmeythmey.com