ជាតិ
នយោបាយជាតិ
លោក ខៀវ សុភ័គ៖ យើងមិនខ្វល់ពីសំឡេងដែលអះអាងថាជា ថោង សារ៉ាត់ នោះឡើយ
នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ
×![]()
តើជាសំឡេងរបស់លោក ថោង សារ៉ាត់ ពិតប្រាកដ ឬក៏មិនមែន? វានៅតែជាសំនួរនៅឡើយ សម្រាប់មហាជនដែលតាមដានសំណុំរឿងបាញ់ប្រហារឧកញ៉ា អ៊ឹង ម៉េងជឺ ហើយដែលក្រោយមក ប៉ូលីសបានដាក់ការសង្ស័យទៅលើឧកញ៉ា ថោងសារ៉ាត់ រហូតដល់មានការចាប់ឃុំខ្លួនអង្គរក្ស និងឪពុកម្តាយឧកញ៉ាម្នាក់នេះ។
បើទោះជាមានការបង្ហោះផ្សព្វផ្សាយខ្សែអាត់សំឡេងដោយមានការអះអាងថា ជាសំឡេងរបស់ឧកញ៉ា ថោង សារ៉ាត់ក៏ដោយ ប៉ូលីសមិនបានបង្ហាញអំពីការចាប់អារម្មណ៍ទៅលើការផ្សព្វផ្សាយនេះឡើយ ឬមួយក៏អាចថា វាជាការងារស៊ើបអង្កេតសម្ងាត់របស់ប៉ូលីស ដែលគេមិនអាចនិយាយជាសាធារណៈបាន។ ថ្លែងប្រាប់សារព័ត៌មានថ្មីៗ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានអះអាងយ៉ាងដូច្នេះថា៖«យើងមិនខ្វល់ពីសំឡេងនោះឡើយ។ បញ្ហាសំខាន់ គឺយើងត្រូវចាប់ខ្លួនជនសង្ស័យឲ្យបាន»។
កាលពីពេលកន្លងទៅថ្មីៗនេះ មន្ត្រីជាន់ខ្ពស់ដដែលនៃក្រសួងមហាផ្ទៃបានប្រាប់សារព័ត៌ថ្មីៗផងដែរថា សមត្ថកិច្ចទំនងជាដឹងថា លោក ថោង សារ៉ាត់ លាក់ខ្លួននៅកន្លែងណាហើយ។ តើរហូតដល់ពេលនេះ ប៉ូលីសបានពន្លឺកាន់តែច្រើនហើយឬនៅ ទាក់ទងនឹងកន្លែងលាក់ខ្លួនរបស់ជនសង្ស័យ? លោក ខៀវ សុភ័គ បដិសេធមិនធ្វើអត្ថាធិប្បាយ។ «ប្រសិនជាខ្ញុំជានិយាយ សមត្ថកិច្ចមិនអាចធ្វើការងារស៊ើបអង្កេតនេះបានជោគជ័យឡើយ»។ អ្នកនាំពាក្យក្រសួងមហាផ្ទៃពន្យល់យ៉ាងដូច្នេះ។
ខ្សែអាត់សំឡេងចំនួន២ផ្សេងៗគ្នាត្រូវបាន គេបង្ហោះនៅលើបណ្តាញសង្គមហ្វេសប៊ុក ដោយអះអាងថា ជាសំឡេងរបស់លោក ថោង សារ៉ាត់ ដែលដុំសំឡេងទីមួយ គឺការសុំអន្តរាគមន៍ពីលោកនាយករដ្ឋមន្ត្រី ហ៊ុន សែន និងនៅក្នុងដុំសំឡេងទី២ គឺបុរសដែលនិយាយនោះ បានសុំអន្តរាគមន៍ពីលោក សម រង្ស៊ី និងលោក កឹម សុខា វិញម្តង៕
បើទោះជាមានការបង្ហោះផ្សព្វផ្សាយខ្សែអាត់សំឡេងដោយមានការអះអាងថា ជាសំឡេងរបស់ឧកញ៉ា ថោង សារ៉ាត់ក៏ដោយ ប៉ូលីសមិនបានបង្ហាញអំពីការចាប់អារម្មណ៍ទៅលើការផ្សព្វផ្សាយនេះឡើយ ឬមួយក៏អាចថា វាជាការងារស៊ើបអង្កេតសម្ងាត់របស់ប៉ូលីស ដែលគេមិនអាចនិយាយជាសាធារណៈបាន។ ថ្លែងប្រាប់សារព័ត៌មានថ្មីៗ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានអះអាងយ៉ាងដូច្នេះថា៖«យើងមិនខ្វល់ពីសំឡេងនោះឡើយ។ បញ្ហាសំខាន់ គឺយើងត្រូវចាប់ខ្លួនជនសង្ស័យឲ្យបាន»។
កាលពីពេលកន្លងទៅថ្មីៗនេះ មន្ត្រីជាន់ខ្ពស់ដដែលនៃក្រសួងមហាផ្ទៃបានប្រាប់សារព័ត៌ថ្មីៗផងដែរថា សមត្ថកិច្ចទំនងជាដឹងថា លោក ថោង សារ៉ាត់ លាក់ខ្លួននៅកន្លែងណាហើយ។ តើរហូតដល់ពេលនេះ ប៉ូលីសបានពន្លឺកាន់តែច្រើនហើយឬនៅ ទាក់ទងនឹងកន្លែងលាក់ខ្លួនរបស់ជនសង្ស័យ? លោក ខៀវ សុភ័គ បដិសេធមិនធ្វើអត្ថាធិប្បាយ។ «ប្រសិនជាខ្ញុំជានិយាយ សមត្ថកិច្ចមិនអាចធ្វើការងារស៊ើបអង្កេតនេះបានជោគជ័យឡើយ»។ អ្នកនាំពាក្យក្រសួងមហាផ្ទៃពន្យល់យ៉ាងដូច្នេះ។
ខ្សែអាត់សំឡេងចំនួន២ផ្សេងៗគ្នាត្រូវបាន គេបង្ហោះនៅលើបណ្តាញសង្គមហ្វេសប៊ុក ដោយអះអាងថា ជាសំឡេងរបស់លោក ថោង សារ៉ាត់ ដែលដុំសំឡេងទីមួយ គឺការសុំអន្តរាគមន៍ពីលោកនាយករដ្ឋមន្ត្រី ហ៊ុន សែន និងនៅក្នុងដុំសំឡេងទី២ គឺបុរសដែលនិយាយនោះ បានសុំអន្តរាគមន៍ពីលោក សម រង្ស៊ី និងលោក កឹម សុខា វិញម្តង៕
© រក្សាសិទ្ធិដោយ thmeythmey.com
