អន្តរជាតិ
នយោបាយអន្តរជាតិ
រដ្ឋាភិបាលថៃច្រានចោលរឿងពន្ធនាគាសម្ងាត់សម្រាប់ក្រុម CIA
×
ប្រទេសថៃជានិច្ចជាកាលតែងតែរងការចោទប្រកាន់ពីបណ្តាក្រុមគាំទ្រសិទ្ធិមនុស្ស ដោយប្រទេសនេះមានជាប់ពាក់ពន្ធ័ជាមួយការអនុញ្ញាតអោយក្រុម CIA បង្កើតពន្ធនាគារសម្ងាត់នៅក្នុងទឹដីថៃ។ យ៉ាងណាក៏ដោយក្រោមព្រឹទ្ធសភាអាមេរិកបញ្ចេញរបាយការណ៍ អាជ្ញាធរថៃ បានចេញមុខទាត់ចោលការចោទប្រកាន់ជាថ្មី និងការពារភាពស្អាតស្អំរបស់ខ្លួនជាថ្មីទៀត។
ខនចំប៉ារាយការណ៍
រាជាណាចក្រថៃបានរងការចោទប្រកាន់ពីស្ថាប័នទទួលបន្ទុកសិទ្ធិមនុស្ស ថាជារដ្ឋមួយដែលផ្តល់សិទ្ធិអោយក្រុមចារកម្មអាមេរិក CIA បង្កើតគុកសម្ងាត់មួយនៅក្នុងទឹដីថៃដើម្បីឃុំខ្លួន និងធ្វើទារុណកម្មសួរចម្លើយរាល់ជនសង្ស័យពាក់ព័ន្ធនឹងបញ្ហាភេរវកម្ម ក្រោយកើតមានព្រឹត្តិការណ៍វាយប្រហារអគារពាណិជ្ជកម្មពិភពលោកឆ្នាំ២០០។ យ៉ាងណាក៏ដោយក្រោយពេលមានការទម្លាយរបាយការណ៍ស៊ើបអង្កេតរបស់ព្រឹទ្ធសភាអាមេរិកស្តីពីសកម្មភាពស្ថាប័ន្ធចារកម្ម CIA រដ្ឋាភិបាលថៃបានប្រកាសច្រានចោលសារជាថ្មី ដោយប្រទេសនេះអះអាងថា ខ្លួនគ្មានជាប់ពាក់ព័ន្ធនឹងការផ្តល់ទឹកដីសម្រាប់បង្កើតគុកសួរចម្លើយរបស់ក្រុម CIA ឡើយ។
លោក Suwaphan Tanyuvardhanស៊ូវាផានថានយុវ៉ាដហានរដ្ឋមន្ត្រីប្រចាំការការិយាល័យនាយករដ្ឋមន្ត្រីថៃបានប្រតិកម្មតបនឹងការចោទប្រកាន់នេះជាខ្លាំង ហើយមន្ត្រីជាន់ខ្ពស់រូបនេះបានអះអាងថា ប្រទេសថៃពិតជាស្អាតស្អំ គ្មានជាប់ពាក់ព័ន្ធអ្វីនិងការបង្កើតពន្ធនាគារសម្រាប់ឃុំឃាំង និងធ្វើទារុណកម្មរបស់ក្រុម CIA ឡើយ។ យ៉ាងណាក៏ដោយក្រុមគាំទ្រសិទ្ធិមនុស្សបានបន្តអះអាងម្តងហើយម្តងទៀតថា បច្ចុប្បន្ននេះ ភ្នាក់ងារចារកម្ម CIA មានតំបន់ខ្មៅស្ថិតក្នុងបណ្តាប្រទេសជាច្រើនលើពិភពលោកក្នុងនោះមានប្រទេសថៃ អាហ្វហ្កានីស្ថាន លីទុយអានី ប៉ូឡូញ និងរូម៉ានី។
ប៉ុន្តែនៅក្នុងរបាយការណ៍សមាជិកព្រឹទ្ធសភាអាមេរិកមិនមានការចង្អុលបង្ហាញថា នៅប្រទេសថៃមានគុកសម្ងាត់សម្រាប់ធ្វើទារុណកម្មមនុស្សរបស់ក្រុម CIAឡើយ។ គេកំពុងរង់ចាំមើលថា បណ្តាស្ថាប័នគាំទ្រសិទ្ធិមនុស្សនឹងមានភស្តុតាងសម្រាប់ការពារនិងគាំទ្រការចោទប្រកាន់របស់ខ្លួនឬអត់សម្រាប់ពេលខាងមុខនេះ។
បញ្ហាចម្រូងចម្រាសស្តីពីសកម្មភាពក្រុមចារកម្មអាមេរិក CIA ក្រោយព្រឹត្តិការថ្ងៃ ១១កញ្ញា ឆ្នាំ ២០០១ បានកើតមានឡើងនៅថ្ងៃអង្គារិ៍ក្រោយពេលដែលគណៈកម្មាធិការចារកម្មប្រចាំព្រឹទ្ធសភាអាមេរិក បង្ហាញរបាយការណ៍ស៊ើបអង្កេត៥ឆ្នាំរបស់ខ្លួន។ របាយការណ៍បានបង្ហាញយ៉ាងច្បាស់ថា ក្រោយពេលមានការវាយប្រហារអគារពាណិជ្ជកម្មពិភពលោកនៅឆ្នាំ ២០០១ រដ្ឋាភិបាលក្រុងវ៉ាស៊ីនតោនក្រោមការដឹកនាំរបស់លោក Gorge W Bush បានបង្កើតអោយមានការចាប់ខ្លួន និងសួរចម្លើយរាល់ជនសង្ស័យណាដែលជាប់ពាក់ព័ន្ធនឹងក្រុមភេរវជនអាល់កៃដា។ សកម្មភាពរបស់ស្ថាប័នចារកម្ម CIA ត្រូវបានគេទទួលស្គាល់ថា ជាសកម្មភាពព្រៃផ្សៃជាទីបំផុតពិសេសការធ្វើទារុណកម្មដើម្បីសួរចម្លើយ ហើយវាពិតរំលោភលើសិទ្ធិមនុស្សយ៉ាងធ្ងន់ធ្ងរមិនអាចប្រកែកបាន។
យ៉ាងណាក៏ដោយ សកម្មភាពរបស់ស្ថាប័ន CIA បានរងការថ្កោលទោសយ៉ាងខ្លាំងពីបណ្តាប្រទេសផ្សេងទៀត និងស្ថាប័នអន្តរជាតិទទួលបន្ទុកសិទ្ធិមនុស្ស ប៉ុន្តែបញ្ហានោះគឺត្រង់ថាអ្នកប្រព្រឹត្តជាពិសេសមេដឹកនាំអាមេរិកចាប់ពីឆ្នាំ ២០១១ រហូតដល់អាណត្តិលោក អូបាម៉ា គួរតែត្រូវបានគេកាត់ទោសចំពោះសកម្មភាពរំលោភសិទ្ធិមនុស្សយ៉ាងធ្ងន់ធ្ងរនេះ៕
© រក្សាសិទ្ធិដោយ thmeythmey.com