អន្តរជាតិ
នយោបាយអន្តរជាតិ
រដ្ឋាភិបាលក្រុងកូឡាឡាំពួរ ព្រមានអាមេរិកកុំអោយលូកដៃក្នុងកិច្ចការផ្ទៃក្នុង
×![]()
រដ្ឋាភិបាលម៉ាឡេស៊ីបានកោះហៅ ឯកអគ្គរដ្ឋសហរដ្ឋអាមេរិកប្រចាំម៉ាឡេស៊ី ដើម្បីបំភ្លឺពីតួនាទីរបស់សហរដ្ឋអាមេរិក ក្នុងការលូកដៃចូលក្នុងរឿងផ្ទៃក្នុងរបស់ប្រទេសម៉ាឡេស៊ី។ ការកោះហៅនេះ ធ្វើឡើងក្រោយពី អគ្គរដ្ឋទូតសហរដ្ឋអាមេរិក លោក Joseph Y Yun បានផ្តល់កិច្ចសម្ភាសន៍មួយជាមួយនិងទូរទស្សន៍នៅក្នុងស្រុកដោយលោកបានរិះគន់ច្បាប់ទាក់ទងការបះបោរ ដោយលោកបញ្ជាក់ថាវាជាការរំលោភ ទៅនិងសិទ្ធិមនុស្ស។
កាលពីថ្មីៗកន្លងទៅនេះ រដ្ឋមន្ត្រីការបរទេសម៉ាឡេស៊ី បានកោះហៅអគ្គរដ្ឋទូតសហរដ្ឋអាមេរិកលោក Joseph Y Yun ពាក់ពន្ធ័នឹងការរិះគន់របស់លោកលើច្បាប់ស្តីការបះបោរ ដោយលោកថាច្បាប់នេះបំពានសិទ្ធិមនុស្ស។ បន្ថែមពីនេះរដ្ឋមន្ត្រីការបរទេសបាន ប្រតិកម្មទៅវិញថា វាជាការជ្រៀជ្រែកកិច្ចការផ្ទៃក្នុងរបស់របស់ម៉ាឡេស៊ី។
ក្រោយពីផ្តល់បទសម្ភាសន៍ដល់ប្រពន្ធ័ផ្សព្វផ្សាយ Malaysiakiniអគ្គរដ្ឋទូតសហរដ្ឋអាមេរិកប្រចាំម៉ាឡេស៊ី លោក JosephY Yunដោយលោករិះគន់ច្បាប់ស្តីបះបោររបស់ម៉ាឡេស៊ី មិនបានធានានូវការការពារនូវការបញ្ចេញមតិ និងប្រឆាំងទៅនិងសិទ្ធិទទួលបានការការពារនៅក្នុងសង្គម។លើសពីនេះទៅទៀត លោកអនុប្រធានាធិបតីសហរដ្ឋអាមេរិកលោក Joe Biden ក៏បានរិះគន់រដ្ឋាភិបាលម៉ាឡេស៊ីផងដែរ ពោលគឺមុនអគ្គរដ្ឋទូតធ្វើកិច្ចសម្ភាសន៍ ក្នុងនោះលោកបានចោទថា រដ្ឋាភិបាលម៉ាឡេស៊ីបានប្រើប្រាស់ច្បាប់ ដើម្បីធ្វើការគំរាមកំហែង និងបង្ក្រាបចលនាដែលប្រឆាំងរដ្ឋាភិបាលជាពិសេសគណបក្សកាន់អំណាចបច្ចុប្បន្ន។
យ៉ាងណាមិញ រដ្ឋមន្ត្រីការបរទេសម៉ាឡេស៊ីក៏បានប្រតិកម្មភ្លាមៗតែម្តងដោយលោកបានសម្តែងពីការអន់ចិត្តចំពោះទង្វើដែល លោកអគ្គរដ្ឋទូតបានធ្វើ ហើយទាមទារអោយ លោកបញ្ជាក់ពីតួនាទីរបស់សហរដ្ឋអាមេរិកនៅម៉ាឡេស៊ី។លើសពីនេះទៅទៀត រដ្ឋមន្ត្រីការបរទេសបានអោយរដ្ឋាភិបាលអាមេរិកគោរពកិច្ចការផ្ទៃក្នុង ដោយមិនធ្វើការលូកដៃជ្រៀតជ្រែកប្រទេសរបស់ខ្លួន ហើយថ្លែងទៅកាន់សហរដ្ឋអាមេរិកអនុញ្ញតអោយប្រទេសទាំងអស់ដែលសហរដ្ឋអាមេរិកតែងតែលូកដៃចូលកិច្ចការផ្ទៃក្នុង រាប់បញ្ចូលទាំងម៉ាឡេស៊ីផងនោះ អាចប្រើប្រាស់សិទ្ធិរបស់ប្រទេសរៀងៗខ្លួនដើម្បីអនុវត្តលិទ្ធិប្រជាធិបតេយ្យដើម្បីបន្តធានាអោយបានសន្តិសុខ សន្តិភាព និងស្ថេរភាព។
គួរបញ្ជាក់ផងដែរថា ច្បាប់ស្តីការបះបោររបស់ត្រូវបានបង្កើតឡើងតាំងពី១៩៤៨ ហើយត្រូវបានរដ្ឋាភិបាលម៉ាឡេស៊ីយកមកប្រើប្រាស់ដើម្បីប្រឆាំងទៅនិងចលនាទាំងឡាយណាដែលប្រឆាំងទៅនិងរដ្ឋាភិបាល។ ច្បាប់នេះត្រូវបានរដ្ឋាភិបាលម៉ាឡេស៊ី ណាជីប រ៉ាហ្សាក់ប្រកាសនៅតែបន្តប្រើប្រាស់ដើម្បីធានានូវសន្តិសុខសន្តិភាពនិងស្ថេរភាពរបស់ប្រទេសថ្មីៗនេះផងដែរ។ដោយឡែកដោយសារច្បាប់នេះហើយមេដឹកនាំបក្សប្រឆាំងលោក Anwar Ibrahim និងអ្នកនយោបាយផ្សេងទៀតត្រូវបានចាប់ខ្លួនជាបន្តបន្ទាប់៕
© រក្សាសិទ្ធិដោយ thmeythmey.com
