អន្តរជាតិ
បច្ចេកវិទ្យា
ប៊ូតុង «Dislike» ប្រហែលជាមិនអាចលេចជារូបរាងឡើយនៅលើហ្វេសប៊ុក
× នាវេទិកាសំណួរ-ចម្លើយ មួយនៅទីស្នាក់ការកណ្តាលរបស់ហ្វេសប៊ុកនៅរដ្ឋកាលីហ្វនីញ៉ា កាលពីថ្ងៃសុក្រ លោក Mark Zuckerberg បានបញ្ជាក់ថា លោកគ្មានគម្រោងបន្ថែមប៊ូតុង «Dislike» នៅលើបណ្តាញសង្គមដ៏ល្បីល្បាញនេះឡើយ។
ស្ថាបនិក និងជាអគ្គនាយកហ្វេសប៊ុក លោក Zuckerberg បានបញ្ជាក់ថា៖ «យើងមិនមានគម្រោងណាមួយឡើយទាក់ទងនឹងការដាក់ឲ្យដំណើរការប៊ូតុង Dislike ប៉ុន្តែវាគឺជាប្រធានបទពិភាក្សាដ៏សំខាន់មួយ។
បុរសវ័យ៣០ឆ្នាំរូបនេះ ដែលបានដាក់ដំណើរការប៊ូតុង «Like» កាលពីឆ្នាំ២០០៩ បានលើកឡើងថា មនុស្សទាំងអស់ត្រូវការគាំទ្រតាមរយៈការប្រើប្រាស់អារម្មណ៍ជាវិជ្ជមាន ជាជាងផ្លូវអវិជ្ជមាន ប៉ុន្តែពួកគេក៏អាចធ្វើការបញ្ចេញមតិយោបល់ (Comment) ពីអារម្មណ៍របស់ខ្លួនបានផងដែរ។
«យើងចង់បាននូវអ្វីដែលជុំរុញមនុស្សឲ្យមើលគ្នាក្នុងផ្លូវល្អ ដោយមិនចង់លេចឡើងនូវអារម្មណ៍អាក្រក់ទៅលើការចុះផ្សាយ (Post) របស់អ្នកណាម្នាក់ឡើយ» នេះជាការបន្ថែមរបស់លោក Zuckerberg៕
© រក្សាសិទ្ធិដោយ thmeythmey.com