ជាតិ
សេដ្ឋកិច្ច
ពិព័រណ៍ផលិតផលនាំចេញ-នាំចូលនិងខេត្ត១ផលិតផល១ ចាប់ផ្តើមនៅថ្ងៃស្អែក
× ពិព័រណ៍ផលិតផលនាំចេញ-នាំចូល និងខេត្ត១ ផលិតផល១កម្ពុជាលើកទី៩កម្រិតអន្តរជាតិ នឹងត្រូវរៀបចំឡើង រយៈពេល៤ថ្ងៃ ចាប់ពីថ្ងៃទី១៥-១៨ខែធ្នូឆ្នាំ២០១៤ នៅមជ្ឈមណ្ឌលពិព័រណ៍ និងសន្និសីទកោះពេជ្រ។ នេះបើយោងតាមសេចក្តីប្រកាសព័ត៌មានរបស់ក្រសួងពាណិជ្ជកម្ម។
បើតាមសេចក្តីប្រកាសព័ត៌មាន ពិព័រណ៍នេះរៀបចំឡើងក្នុងគោលបំណងជំរុញ សកម្មភាពពាណិជ្ជកម្ម និងវិនិយោគនៅកម្ពុជា ជាពិសេសបង្កើនសកម្មភាពនាំចេញដើម្បីរួមចំណែកដល់ការអភិវឌ្ឍសេដ្ឋកិច្ចប្រទេសកម្ពុជា។ លើសពីនេះទៅទៀត ពិព័រណ៍នឹងផ្តល់ឱកាស ដើម្បីជំរុញឲ្យបរិយាកាសពាណិជ្ជកម្មក្នុងស្រុកមានសន្ទុះឡើង និងដើម្បីបង្កើតការតភ្ជាប់ពាណិជ្ជកម្មក្នុងស្រុករវាងរាជធានី-ខេត្ត ទូទាំងប្រទេស និងរវាងកម្ពុជា និងពាណិជ្ជករបរទេស។
ព្រឹត្តិការណ៍ពិព័រណ៌នេះ ក៏នឹងរៀបចំឡើងអមជាមួយនឹងព្រឹត្តិការណ៍សំខាន់ៗជាច្រើនទៀតដូចជា៖ វេទិកាស្តីពីវិនិយោគ និងធុរៈកិច្ច សិក្ខាសាលាស្តីពីការជំរុញសកម្មភាពពាណិជ្ជកម្ម ជំនួបពាណិជ្ជកម្ម និងកម្មវិធីចុះហត្ថលេខា លើកិច្ចសន្យាពាណិជ្ជកម្ម និងវិនិយោគជាដើម។ ពីនេះក្រសួងក៏នឹងមានការដាក់តាំងបង្ហាញផលិតផលស្រូវ- អង្ករ និងរៀបចំកម្មវិធីជំនួបពាណិជ្ជកម្មសម្រាប់អ្នកនាំចេញអង្ករកម្ពុជាផងដែរ៕
© រក្សាសិទ្ធិដោយ thmeythmey.com